ჯანო ანანიძე: მადლობა ყველას, ვინც ჩემი ტკივილი გაიზიარა
Read Time:31 Second
რომში ჩატარებული ოპერაციის შემდეგ, ჯანო ანანიძემ სოციალურ ქსელში პოსტი გამოაქვეყნა, სადაც გულშემატკივრებს მხარდაჭერისთვის მადლობა გადაუხადა:
“ოპერაციამ წარმატებით ჩაიარა. გარკვეული პერიოდი რეაბილიტაციას დასჭირდება და იმედი მაქვს, ეს დრო მალე გაივლის. ჩემთვის ძალიან მძიმე და რთული წარმოსადგენი იყო ის, რაც მოხდა. ხანგრძლივი პერიოდი გამიცდა და მინდორზე დაბრუნებულს ისევ ასეთი სამწუხარო ფაქტი შემემთხვა. ბოლო დღეების განმავლობაში, ჩემდამი მხარდაჭერას და გვერდში დგომას განსაკუთრებულად ვგრძნობ, რისთვისაც მადლობელი ვარ და ეს ჩემთვის ყველაზე დიდი ბედნიერებაა. მინდა, დიდი მადლობა გადავუხადო ყველას, ვინც ამ დღეებში გვერდში დამიდგა და ჩემი ტკივილი გაიზიარა” – დაწერა ჯანომ.
შეგახსენებთ, რომ ჯანო ანანიძე საქართველო – ლიტვის ნაკრებების ამხანაგური მატჩშისას დაშავდა და ჯვარედინი მყესების ოპერაცია გუშინ რომში, კლინიკა ”ვილა სტიუარტში” ჩაუტარდა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
