ცნობილი მექსიკელი ბლოგერი პირდაპირი ეთერის დროს მოკლეს

სასკოლო ფორმა არ არის მეორეხარისხოვანი საკითხი და ეს არის ერთ-ერთი მნიშვნელოვანი მიმართულება იქიდან გამომდინარე, რომ საუბარი გვაქვს მოსწავლეებს შორის თანასწორობაზე, უსაფრთხო გარემოს უზრუნველყოფასა და სწავლის ხარისხის ამაღლების ხელშეწყობაზე, ეს მსოფლიო პრაქტიკითა არის დადგენილი, - ამის შესახებ საქართველოს განათლების, მეცნიერებისა და ახალგაზრდობის მინისტრმა, გივი მიქანაძემ განაცხადა.გივი მიქანაძის თქმით, რეფორმა, სასკოლო ფორმების შემოღებასთან ერთად, სხვა მნიშვნელოვან კომპონენტებზეა ორიენტირებული.„რეფორმა ჩვენ სასკოლო ფორმებითა და კიდევ სხვა ბევრი მნიშვნელოვანი კომპონენტით დავიწყეთ - 15 სექტემბერს პირველ, მეშვიდე და მეათე კლასელებს სრულიად ახალი სახელმძღვანელოები, ახალი პროგრამები დახვდებათ სკოლებში. სახელმძღვანელოები ჰუმანიტარული და STEM მიმართულებების მიხედვით ძალიან მაღალი ხარისხისაა და მინდა დაგარწმუნოთ, რომ ამისთვის წარმოუდგენლად დიდი სამუშაოები ჩატარდა.მოსწავლეებს სკოლებში დახვდებათ ახალი წესი, რომლითაც იზღუდება მობილური საშუალებების გამოყენება საგაკვეთილო პროცესში იმისთვის, რომ ბავშვი მაქსიმალურად კონცენტრირებული იყოს სასწავლო პროცესზე. ამის გარდა, გვაქვს სხვა ძალიან მნიშვნელოვანი მიმართულებები, რომლებიც რეფორმის კონცეფციით არის გათვალისწინებული.აბსოლუტურად ვერ გავიზიარებ იმ პოზიციას, რომ თითქოსდა მხოლოდ ფორმებზე ვართ კონცენტრირებული. ფორმა არის ერთ-ერთი, მაგრამ, ამავდროულად, უმნიშვნელოვანესი კომპონენტი“, - განაცხადა გივი მიქანაძემ.

მინდა გთხოვოთ, გაუფრთხილდეთ ჩვენს დიდ ოჯახს - „ერთიან ნაციონალურ მოძრაობას“ - ყველა მოერიდოს საჯაროდ შეურაცხყოს ჩვენი ოჯახი. ყველამ გამოიჩინოს თმენის უნარი, გონიერება და ზიანი არ მოვუტანოთ ჩვენს გუნდს,- ამის შესახებ „ნაციონალური მოძრაობის“ ერთ-ერთი ლიდერი, ლევან ხაბეიშვილი „ფეისბუქ“ გვერდზე წერს.როგორც ხაბეიშვილი აღნიშნავს, „წყალსაც წაუღია ყველა თანამდებობა და რეგალია, გარდა ხალხის მსახურებისა“.„ნამდვილი ქართული, პატრიოტული პარტია არის „ნაციონალური მოძრაობა“. ჩვენ არჩეული გვაქვს აღმაშენებლის, თამარის, ილია ჭავჭავაძის, ამბროსი ხელაიას, იესოს გზა!ჩვენს წინააღმდეგ კი არის ბოროტება, სიძულვილი! ავაზაკ ბარაბას, მოღალატე იუდას და ყაჩაღურ გზას ადგას ივანიშვილი!მათ დაანგრიეს, ააფეთქეს საყდრისი - ჩვენ აღვადგინეთ ბაგრატი, ისინი ანგრევენ გელათს - ჩვენ ასობით კულტურული მემკვიდრეობის ძეგლი აღვადგინეთ!ჩვენ ავაშენეთ რიყის პარკი, დავამშვენეთ მსოფლიოში აღიარებული “დოქებით”, ისინი კი ანგრევენ, ანადგურებენ!ჩვენ გერბზე ამოვტვიფრეთ ამოვტვიფრეთ “ძალა ერთობაშია” და ისინი კი ანგრევენ ყველაფერს, რის გარშემო გაერთიანებაც შეიძლება!ჩვენთვის ანწუხელიძე გმირია, მათთვის კი არავინ - შეურაცხყოფენ მის სულს, საფლავს!ჩვენთვის წმინდაა ჩვენი დროშა, ისინი კი ებრძვიან მას!ჩვენ წმინდა გიორგის მონუმენტი აღვმართეთ თავისუფლების მოედანზე, ისინი კი ჯვრის მონასტერს ანგრევენ.ჩვენ გვინდა სოხუმში ავაშენოთ ყველაზე დიდი აეროპორტი ევროპაში, ისინი კი ევროპულ პერსპექტივას, საქართველოს ერთიანობის იდეას კლავენ!ჩვენ გვინდა საქართველოდან გადახვეწილი ჩვენი ხალხი დაბრუნდეს მის სანუკვარ ოჯახში და ესენი კი ხმის უფლებასაც კი ართმევენ!ჩვენ გვინდა საქართველოში გათენდეს და მათ სურთ ბნელი და უკუნი!მივესალმები თქვენს შრომას, ბრძოლას, გაუტეხელობას და ქედს ვიხრი თითოეული თქვენგანის წინაშე!მადლობელი ვარ, რომ მქვია თქვენი მსახური.არაფრის შეგეშინდეთ, არაფერმა გაგტეხოთ და მოვემზადოთ გადამწყვეტი ბრძოლისთვის!ჩემი მოკითხვა მიხეილ სააკაშვილს, ჩემს ძმადნაფიც ირაკლი ნადირაძეს და ჩვენს წევრებს, რომლებიც საპყრობილეში სხედან.მიიღეთ ჩემი სიყვარული და პატივისცემა!ბოლოს, მინდა გთხოვოთ, გაუფრთხილდეთ ჩვენს დიდ ოჯახს - „ერთიან ნაციონალურ მოძრაობას“.ყველა მოერიდოს საჯაროდ შეურაცხყოს ჩვენი ოჯახი. ყველამ გამოიჩინოს თმენის უნარი, გონიერება და ზიანი არ მოვუტანოთ ჩვენს გუნდს!წყალსაც წაუღია ყველა თანამდებობა და რეგალია, გარდა ხალხის მსახურებისა!ღმერთმა დალოცოს საქართველო!დიდება გმირებს”, - წერს ხაბეიშვილი.შეგახსენებთ, ამ წუთებში „ნაციონალური მოძრაობა“ ყრილობას მართავს, რომელზეც პარტია დროებით მმართველ საბჭოს აირჩევს.

„პრემიერ-მინისტრის პირადი ჩართულობითა და გადაწყვეტილებით გახდა შესაძლებელი, რომ ქართველ პაციენტებს დიუშენის კუნთოვანი დისტროფიის სამკურნალოდ მედიკამენტზე წვდომა ჰქონოდათ. ეს მართლაც ძალიან დიდი მიღწევაა. არ იყო მარტივად მისაღები გადაწყვეტილება, ვინაიდან უკავშირდებოდა ძალიან მნიშვნელოვან და სერიოზულ ფაქტორებს, მათ შორის - წამლის უსაფრთხოებასთან და გამოყენების პრაქტიკასთან დაკავშირებულ საკითხებს“, - აღნიშნულის შესახებ ჯანდაცვის მინისტრმა, მიხეილ სარჯველაძემ, მთავრობის სხდომის შემდეგ ისაუბრა.მისივე განცხადებით, ახალი პრეპარატი პაციენტებისთვის უახლოეს პერიოდში გახდება ხელმისაწვდომი.მიხეილ სარჯველაძემ ხაზი გაუსვა მიღებული გადაწყვეტილების მნიშვნელობასაც და აღნიშნა, რომ საქართველო ერთ-ერთი პირველი ქვეყანა იქნება, რომელიც ამ მედიკამენტს სახელმწიფო პროგრამის ფარგლებში დააფინანსებს.„პრაქტიკულად, საქართველო იქნება ერთ-ერთი პირველი ქვეყანა, რომელმაც საკუთარი სახელმწიფო პროგრამების მეშვეობით ხელმისაწვდომი გახადა აღნიშნული მედიკამენტი, დიუშენის კუნთოვანი დისტროფიის მქონე პაციენტებისთვის. ეს არ არის მარტივი საქმე ისეთი სახელმწიფოსთვისაც კი, რომელსაც საქართველოსთან შედარებით, გაცილებით დიდი ფინანსური შესაძლებლობები გააჩნია. რეალურად, ძალიან ბევრი სახელმწიფო თავს იკავებს ამ მედიკამენტის შეძენისგან, მათ შორის - ფინანსური მიზეზებითაც“ - აღნიშნა მიხეილ სარჯველაძემ.ჯანდაცვის მინისტრმა დიუშენის კუნთოვანი დისტროფიის სამკურნალო მეორე მედიკამენტის შესახებაც ისაუბრა და აღნიშნა, რომ მის შესაძენად, მიმდინარეობს მოლაპარაკებები.„ვფიქრობ, უახლოეს დღეებში გვექნება შესაძლებლობა, გამოვაცხადოთ მომდევნო გადაწყვეტილებაც დიუშენის მართვასთან დაკავშირებით. ეს ძალიან სერიოზული წინ გადადგმული ნაბიჯი იქნება, პროგრამის გაფართოების თვალსაზრისით“ - განაცხადა მიხეილ სარჯველაძემ.ამასთან, ჯანდაცვის მინისტრმა აღნიშნა, რომ უწყება აქტიურად თანამშრომლობს დიუშენის კუნთოვანი დისტროფიის მქონე პაციენტების მშობელთა ორგანიზაციასთან, კლინიცისტებთან და მომწოდებელ ორგანიზაციებთან.„ძალიან კარგი, ნაყოფიერი და სასარგებლო თანამშრომლობა მიმდინარეობს სამინისტროსა და მშობელთა ორგანიზაციას შორის. აქ ჩართულები არიან, ბუნებრივია კლინიცისტები, ექიმები, რომელთა ჩართულობაც კრიტიკულად მნიშვნელოვანია. ამასთან, განსაკუთრებული მნიშვნელობა ენიჭება მომწოდებელ ორგანიზაციებთან თანამშრომლობასაც, რათა პაციენტებისთვის მკურნალობა მაქსიმალურად ეფექტიანი იყოს. ძალიან იმედიანად ვართ განწყობილი, რომ პროგრამის გაფართოება თითოეული პაციენტისთვის საკეთილდღეო შედეგს მოიტანს“, - განაცხადა მიხეილ სარჯველაძემ.

პარტია „ხალხის ძალის” წევრი, დეპუტატი ზურაბ ქადაგიძე სოციალურ ქსელში ეხმაურება პრემიერ-მინისტრის განცხადებასა და მასზე ოპოზიციის გამოხმაურებას. ქადაგიძე წერს, რომ “ნაციონალურმა მოძრაობამ” დაიწყო “სიტყვებით ჟონგლიორობა” და გამოთქვა პრეტენზია იმაზე, რომ პრემიერმა 2008 წლის ომი არ ახსენა. დეპუტატი ხაზს უსვამს, რომ ირაკლი კობახიძეს არ გაუხსენებიაოკუპაციის ისტორია და საუბარი იყო იმაზე, რომ 2008 წლის შემდეგ საქართველოში არავის დაუწყია ეთნიკური ნიშნით რუსების წინააღმდეგ კამპანია- ეს ნარატივი უკრაინის ომის შემდეგ გაჩნდა:„2008 წლის შემდეგ საქართველოში არავის დაუწყია ეთნიკური ნიშნით რუსების წინააღმდეგ კამპანია, ხოლო უკრაინაში ომის შემდეგ სწორედ ამ ნარატივის თავსმოხვევა დაიწყეს. ეს არის აგენტოკრატიის ხელწერა-საკუთარი აზრი არ გააჩნიათ, დაკვეთას ასრულებენ” - წერს ქადაგიძე.დეპუტატი ხაზს უსვამს იმასაც, რომ მსგავსი ნარატივის გავრცელება არის ბრიუსელის დავალება, რომელსაც „უსამშობლოები” ავრცელებენ.,,დილიდან ვაკვირდები გამოხმაურებას პრემიერის განცხადებაზე და კიდევ ერთხელ ვრწმუნდები, რომ კოლექტიური “ნაც.მოძრაობის” ქართული პოლიტიკიდან განდევნა სახელმწიფოებრივი აუცილებლობაა.შინაარსში რომ ვერ შეედავნენ პრემიერს, სიტყვებით ჟონგლიორობა დაიწყეს - „2008 წელი რატომ ახსენა, მანამდე არ იყო ოკუპირებულიო?“პრემიერს ოკუპაციის ისტორიაზე არ უსაუბრია. საუბარი იყო იმაზე, რომ 2008 წლის შემდეგ საქართველოში არავის დაუწყია ეთნიკური ნიშნით რუსების წინააღმდეგ კამპანია, ხოლო უკრაინაში ომის შემდეგ სწორედ ამ ნარატივის თავსმოხვევა დაიწყეს. როცა არგუმენტი არ გაქვს, ციტატებს აყალბებ. როცა სიმართლე არ გაწყობს, შინაარსს ამახინჯებ.შეხედეთ რადიკალებს, დაწყებული ორთოდოქსი ნაცებიდან, დამთავრებული ლიბერალი „ენჯეოშნიკებით", ყველა ერთი "თარგით" ავრცელებს "ნარატივს" - რატომ არ ახსენა 2008 წლამდელი ოკუპაციაო...ეს არის აგენტოკრატიის ხელწერა-საკუთარი აზრი არ გააჩნიათ, დაკვეთას ასრულებენ. 2008 წელს ბრიუსელს არ აწყობდა "რუსოფობია", ხოლო 2022 წლიდან დასჭირდათ და დავალებაც მისცეს ქართველ უსამშობლოებს,” - წერს ზურაბ ქადაგიძე.

იქმნება რეფორმატორთა საბჭო ჩემი და ნანუკა ჟორჟოლიანის მონაწილეობით, ის მოამზადებს რეფორმათა პაკეტს და ექვს თვეში დავამტკიცებთ, რაც არ უნდა რთული სიტუაცია იყოს და მით უმეტეს ახლა, როცა ჩვენ აღმავლობის გზაზე ვართ, უნდა გვახსოვდეს, ჩვენ ვართ დაბადებული გამარჯვებისთვის, – ამის შესახებ საქართველოს ყოფილმა პრეზიდენტმა, მიხეილ სააკაშვილმა „ნაციონალური მოძრაობის“ ყრილობაზე ვიდეომიმართვისას განაცხადა.მისი თქმით, „ნაციონალები“ არიან ის მებრძოლები, რომლებიც ივლიან იმდენს, რამდენსაც შეძლებენ და რამდენიც საჭიროა.„მივესალმები „ერთიანი ნაციონალური მოძრაობის“ ყრილობას, მოგესალმებით, ჩემო უშიშარო თანამებრძოლებო, დიდი მადლობა თქვენ, მადლობა მოძრაობის წინა ლიდერშიფს, დიდი მადლობა ჩვენს პოლიტპატიმრებს, ლევან ხაბეიშვილს, ირაკლი ნადირაძეს, მურთაზ ზოდელავას, პაატა ბურჭულაძეს და მანჯგალაძეს, ჩვენს ახალგაზრდებს თავდადებისთვის, დიდი მადლობა ჩვენს ასი ათასობით მომხრეს. ჩვენ სინამდვილეში ვართ ძალიან ბევრი და ისევ უნდა აღმოვაჩინოთ ერთმანეთი, ისევ ჩავკიდოთ ხელი და ისევ ვიპოვეთ საკუთარ თავში ძალა, რომ ვიაროთ წინ. „ნაციონალები“ ვართ ის მებრძოლები, რომლებიც ივლიან იმდენს, რამდენსაც შეძლებენ და შემდეგ უკვე იმდენს, რამდენიც საჭიროა. ჩვენ წინ გველოდება დიდი ცვლილებები. იქმნება რეფორმატორთა საბჭო ჩემი და ნანუკა ჟორჟოლიანის მონაწილეობით, ის მოამზადებს რეფორმათა პაკეტს და ექვს თვეში ჩვენ მას დავამტკიცებთ. რაც არ უნდა რთული სიტუაცია იყოს და მით უმეტეს ახლა, როცა ჩვენ აღმავლობის გზაზე ვართ, უნდა გვახსოვდეს, ჩვენ ვართ დაბადებული გამარჯვებისთვის“, – განაცხადა სააკაშვილმა.