ოთხშაბათი, აპრილი 29, 2026
ინტერვიუსიახლეები

ჩვენი ოჯახი ვერ შენარჩუნდა მარტო იმიტომ, რომ ოპერაციის შედეგად მე შვილს ვეღარ გავაჩენდი… არადა, ოჯახს გვარის გამგრძელებელი უნდოდა…

"ჩვენი ოჯახი ვერ შენარჩუნდა მარტო იმიტომ, რომ ოპერაციის შედეგად მე შვილს ვეღარ გავაჩენდი... არადა, ოჯახს გვარის გამგრძელებელი უნდოდა..."

რამდენიმე თვის წინ გამართულ პოეტ ნანა ცინცაძის შემოქმედებითი საღამოდან განცდილი ემოციების სახსოვრად მისი ერთ-ერთი წიგნი, “მონატრებიხარ ფიქრებს”, გამოვიყოლე… სტრიქონები იმდენად გულწრფელი, ღრმად განცდილი და უჩვეულოდ “შემწყნარებლური” მეჩვენა, სურვილი გამიჩნდა ქალბატონ ნანასთან სიყვარულზე მესაუბრა… შევხვდით. სიყვარულის გარდა დიალოგი მის პოეტურ თუ პროზაულ ნაწარმოებებს, პირად ცხოვრებას, შეხედულებებს ოჯახის, ბავშვების აღზრდის, ადამიანური სისუსტეებისა და პრინციპების შესახებ შეეხო…

– ქალბატონო ნანა, გარდა პოეზიისა, ბოლო დროს აქტიურად შეეჭიდეთ პროზას…

– ახალი წიგნი, რომელზეც ვმუშაობ, აფხაზეთში განვითარებულ ამბებს ეხება. ეს გახლდათ ჩვენი ერის ისტორიის ურთულესი და უსაზიზღრესი

პერიოდი. პროფესიით ექიმი ვარ. ეს არ არის შემთხვევით არჩეული პროფესია. დღესაც რომ ვამთავრებდე სკოლას, იგივე პროფესიას ავირჩევდი. აფხაზეთის ომის, ისევე, როგორც 9 აპრილის ბევრი მონაწილე რესპუბლიკურ საავადმყოფოში მოხვდა. ერთ-ერთი პაციენტი, რომელიც თავის ოჯახის წევრებთან ერთად ჩემთვის ძალიან ახლობელი იყო, ომის დროს დაიკარგა. წლები ეძებეს, მაგრამ უშედეგოდ. გადავწყვიტე, მის შესახებ დამეწერა. წერის პროცესში ვიყავი, როცა შემატყობინეს, რომ გარდაცვლილის ნეშტი იპოვეს. ეს ამბავი იმდენად მძიმე აღმოჩნდა, რომ წერის გაგრძელება ვეღარ შევძელი. სულ რამდენიმე დღეა, რაც ნაწარმოებს თავიდან მივუბრუნდი. ეს გახლავთ ბარათები ადამიანებისა, ვინც ომიდან ვეღარ დაბრუნდა. მეორე წიგნში, “მზე ხელისგულზე”, სამი მინირომანი სამი სხვადასხვა ქალის

შესახებ მოგვითხრობს…

– და კვლავ სიყვარულს ეხება… საინტერესოა, სიყვარულის თქვენეული დეფინიცია თუ გაქვთ?

– რთულია სიყვარულს რაიმე განსაზღვრება მოუძებნო, სიტყვებით შეაფასო. სიყვარულის მზამზარეული რეცეპტი არ არსებობს. ის თავად წერს კანონებს და აქეთ გვთავაზობს. ვიღაცისთვის აბსოლუტურად მიუღებელი ურთიერთობა, ვიღაცისთვის სრულიად ჩვეულებრივია. თუმცა, მე მაინც ვფიქრობ, გონიერმა ადამიანმა უნდა იცოდეს, რატომ უყვარს. ჭკვიანი ადამიანი შეიძლება იყოს შეყვარებული ბავშვივით, მაგრამ არა სულელივით… სიყვარული ცოტათი მაინც ჩემს თავმოყვარეობასა და პრინციპებსაც უნდა შეესაბამებოდეს.

– არ ყოფილა შემთხვევა, როცა სიყვარული თქვენს პრინციპებს შეეეწინააღმდეგა?

– ყოფილა, მაგრამ შევძელი და გავწყვიტე. თუმცა, არ ვამბობ, რომ ყველა ასე უნდა მოიქცეს. ძირითადად, ასეა – ყოველთვის გონებას ვაბატონებ.

mshoblebi
მეუღლესა და შვილთან ერთად

– მაგრამ არის ხოლმე, როცა გონებაც “ნებდება”…

– ბუნებრივია, ყველანაირი სტერეოტიპი შეიძლება დაინგრეს… ახალგაზრდობის პერიოდში სიყვარულს თან უფრო მეტი ვნება ახლავს. ვნება კი ბინდს აკრავს გონებასაც. ნებისმიერი მცირე ბარიერის დაძლევაც კი გიჭირს, ” შეპყრობილი” ხარ და გაუცნობიერებლად მიდიხარ მიზნისკენ, რომელიც არც კი იცი განხორციელების შემთხვევაში რას მოგიტანს… ან ზუსტად იცი, რომ ცუდს მოგიტანს, მაგრამ შეჩერება არ შეგიძლია – ვნება ხომ ნარკოტიკივითაა?! ხდება ხოლმე, ერთი შეხედვით აბსოლუტურად შეუფერებელი წყვილია, მაგრამ გარედან შეუმჩნევლად მათ შორის ისეთი მუხტი ტრიალებს, რომელსაც ვერაფერი აჩერებს. არც მხოლოდ ვნებაზე ეგება სიყვარული, მაგრამ ის უდაოდ ერთ-ერთი მთავარი ფაქტორია, რომელიც სიყვარულის განმტკიცებას განაპირობებს. ურთიერთობის მომდევნო ეტაპზე ვნება ნელდება და წინა პლანზე მეგობრობა და ოჯახური ურთიერთობები გადმოდის. ჩნდება დრამატული და მელოდრამატული ეპიზოდებიც, მაგრამ ესეც სიყვარულის ერთგვარი საკვები საშუალებაა. რამდენადაც ასაკი გემატება, ხვდები, რომ ბოლოსკენ მიდიხარ. სიბერე ჩიხია. თუკი ცხოვრების ამ პერიოდს საკუთარი თავისთვის მოგონებული მითით გაილამაზებ, რა არის ამაში დასაძრახი?! არ არის სავალდებულო, 60 წლის ასაკში ისევე იყოს ურთიერთობა ვნებებით გაჯერებული, როგორც ეს 16 წლის ასაკში ხდება. ადამიანი მარტო მოდის და მარტო მიდის, “პარტნიორობას” ამ გზებზე ვერავინ გაგიწევს… ამიტომ, ცხოვრების კონკრეტული მოვლენების რაც შეიძლება ნაკლები დრამატიზება უნდა მოვახდინოთ. გრძნობისთვის, რომელიც დროს უძლებს – ღირს ცხოვრება. რემარკის “სამ მეგობარში” გენიალური ფრაზაა: “ხანმოკლე სიცოცხლე ხანგრძლივია ერთი სიყვარულისთვის.”

– როგორ ფიქრობთ, შეიძლება საზოგადოებრივად მიუღებელი სიყვარული ვინმემ სრულყოფილად და ხანგრძლივად შეირგოს?

– შეიძლება, თუკი გადგება საზოგადოებისგან, შეძლებს და საზოგადოებრივ სტანდარტებს გვერდს აუვლის.

– თქვენი შეფასებით, ღალატი უპატიებელი შეცდომაა თუ ჩვეულებრივი ადამიანური სისუსტე?

– მითქვამს, მივიდა სხვასთან, რომ უფრო კარგად შეეცნო, თუ რა არაჩვეულებრივი მეუღლე ჰყავს-მეთქი. მაგრამ თუ ადამიანი მთელი თავისი არსებით სხვასთანაა, მაშინ უკვე შეურაცხმყოფელიც კია მასთან ერთად ცხოვრება… ღალატის ცნება თავის თავში ძალიან ბევრ პირობას მოიცავს. რაც მეტად გიყვარს და გიღირს ადამიანი, მით უფრო მეტად ცდილობ მის საქციელს ახსნა, გამართლება მოუძებნო.

– თქვით, რომ ღალატს “გემო” საკმაოდ ადრეულ ასაკში გაუსინჯეთ. როგორ ფიქრობთ, დღევანდელი გადასახედიდან სწორი რეაქცია გქონდათ?

– ეს ნამდვილად არ არის მარტივი, თუმცა, ჩემი ოჯახის დანგრევის მიზეზი ეს არ გახლდათ. ჩვენი ოჯახი ვერ შენარჩუნდა მხოლოდ იმ ფაქტის გამო, რომ ოპერაციის შედეგად მე აღარ მეყოლებოდა შვილი. ოჯახისთვის კი “გვარის გამგრძელებლის”, ვაჟის დაბადება პრიორიტეტული გახლდათ…

mshoblebi
შვილსა და შვილიშვილებთან ერთად

– თქვენი ცხოვრების ყველაზე რთული პერიოდი ამ მოვლენას უკავშირდება?

– პირველი ყველაზე რთული პერიოდი, მართლაც, ეს გახლდათ. 21 წლის ვიყავი, მეგონა, რომ სრულყოფილ ბედნიერებას განვიცდიდი და უცებ, თითქოს, ირგვლივ ყველაფერი დაინგრა…


– რას ურჩევთ მშობლებს – როგორ აღვზარდოთ მომავალი თაობა მეტად ლმობიერი, გულისხმიერი, ვასწავლოთ ერთმანეთისგან ნამდვილი და ფსევდოღირებულებების გარჩევა, როგორ შევაყვაროთ კითხვა, ხელოვნება?

– ვფიქრობ, ბავშვის აღზრდის პროცესში ოჯახის ფაქტორი უპირველესია. რაც ტყეა, ის ნადირიაო და ბავშვი ოჯახის სარკეაო – მართლაც ასეა. ტრადიციები საქილიკო თემად არ უნდა გავიხადოთ. ერთად საუზმობა, სადილობა, ვახშმობა ძალიან მნიშვნელოვანია ჯანსაღი ოჯახური ცხოვრებისთვის. მნიშვნელოვანია სადილების ოჯახურ გარემოში მომზადების კულტურაც. გარდა იმისა, რომ ვთანხმდებით, ოჯახში მომზადებული სადილი ნაკლებ რისკებს შეიცავს და ბევრად ჯანმრთელია, პროცესი ხელს უწყობს ოჯახის წევრებს შორის თბილი ურთიერთობების ჩამოყალიბებას. მერწმუნეთ, ეს გაცილებით მარტივია და ნაკლებ დროს მოითხოვს, ვიდრე გარეთ ნაყიდი საკვებით მოწამვლის შემთხვევაში გამოჯანმრთელების პროცესი საჭიროებს. ბოლო დროს ხაზს უსვამენ მშობელსა და ბავშვს შორის მეგობრული ურთიერთობის ჩამოყალიბების მნიშვნელობას. მეგობრობა ძალიან კარგია, მაგრამ მე წინ დედაშვილურ დამოკიდებულებას წამოვწევდი. ბავშვმა დედისგან უნდა მიიღოს მზრუნველობა, აღზრდა და ჩამოუყალიბდეს კონკრეტული უნარ-ჩვევები. როცა მათ მცირე ასაკიდან ვაჩვევთ წიგნს, მოვუთხრობთ ზღაპრებს, ვახატინებთ, ვასმენინებთ გემოვნებიან მუსიკას – გარდა ბავშვის ზოგადი განვითარებისა, ეს მშობელსა და შვილს შორის სწორი, სათანადო ურთიერთობის ჩამოყალიბებასაც უწყობს ხელს. როგორც სოკრატემ თქვა, ბავშვის აღზრდის პროცესის დაწყება 6 თვის ასაკიდან უკვე დაგვიანებულია. ოჯახში არსებული სითბო და სიყვარული ბავშვის ფსიქიკაში ილექება. ასე რომ, რაც შეიძლება მეტი დრო გაატარეთ შვილებთან, ძიძები ვერ ზრდიან შვილებს… ძალიან მიყვარს ედუარდ უგულავას ლექსის ეს სტრიქონები: “იავნანას ვერ მღერიან ძიძები, იავნანა დედამ უნდა იმღეროს!” მატერიალური სიმდიდრე ხშირად უარყოფით გავლენას ახდენს ბავშვის აღზრდის პროცესზე, რადგან ხშირად ასეთ ოჯახებში ფასეულობა მხოლოდ მატერიალურზე გადის… გაცილებით მეტი ფასი აქვს ოჯახს, სადაც კარგი დამოკიდებულებები, ჯანსაღი ურთიერთობებია შესამჩნევი. თუკი შეძლებ და გაიაზრებ – იცხოვრო ისე, რომ მადლობელი იყო იმის, რაც გაგაჩნია – დიდი მადლია. უნდა მიიღო ის, რისი შეცვლაც არ შეგიძლია, შეცვალო, რისი შეცვლაც შეგიძლია და ღმერთმა მოგცეს იმისი სიბრძნე, რომ ერთი მეორესაგან გაარჩიო… ბედნიერება პირობითი ცნებაა, მაგრამ მე მაინც მგონია, რომ ქალისთვის ყველაზე დიდი ბედნიერება მოწესრიგებული ოჯახი, კარგი მეუღლე და შვილებია. როცა რეალიზებული ხარ, როგორც დედა და მეუღლე, ამის მიღმა საქმიანობა უკვე ის ულამაზესი სამკაულები, ბრილიანტებია, რომელთა ნახვა როგორც საკუთარი თვალისთვის, ისე გარშემომყოფთათვისაც სასიამოვნოა…

სრულად იხილეთ: https://www.mshoblebi.ge/dedebis-saloni/akhali-ambebi/13817-qchveni-ojakhi-ver-shenarchunda-marto-imitom-rom-operaciis-shedegad-me-shvils-veghar-gavachendi-arada-ojakhs-gvaris-gamgrdzelebeli-undodaq.html

შორენა ლაბაძე

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 555 100 929
დღის ამბავი

„ევრონიუსი“ – ევროკავშირი მზადაა, მოპარული უკრაინული მარცვლეულით დატვირთული რუსული ჩრდილოვანი ფლოტის გემის მიღების გამო ისრაელს სანქციები დაუწესოს

ევროკავშირი მზადაა, მოპარული უკრაინული მარცვლეულით დატვირთული რუსული ჩრდილოვანი ფლოტის გემის მიღების გამო ისრაელს სანქციები დაუწესოს. ამის შესახებ სტატიას „ევრონიუსი“ ავრცელებს.როგორც გამოცემა წერს, უკრაინასა და ისრაელს შორის ურთიერთობა მას შემდეგ გამწვავდა, რაც ისრაელის ქალაქ ჰაიფას პორტში გემი ჩავიდა, რომელსაც რუსეთის მიერ უკრაინიდან მოპარული მარცვლეული გადაჰქონდა.„ევრონიუსის“ ცნობით, ევროკავშირმა გააფრთხილა ისრაელი, რომ მზად არის, სანქციები დაუწესოს მათ, ვინც რუსეთის მიერ ოკუპირებულ ტერიტორიებზე მოპარული უკრაინული მარცვლეულით ვაჭრობას უწყობს ხელს.„ევროკავშირმა გაითვალისწინა ინფორმაცია, რომ რუსული ჩრდილოვანი ფლოტის გემს, რომელსაც მოპარული უკრაინული მარცვლეული გადაჰქონდა, ისრაელმა ჰაიფას პორტში გადმოტვირთვის უფლება მისცა, მიუხედავად უკრაინისა და ისრაელის ხელისუფლებას შორის ამ საკითხთან დაკავშირებით კონტაქტებისა. ჩვენ ვგმობთ ყველა ქმედებას, რომელიც ხელს უწყობს რუსეთის უკანონო საომარი ძალისხმევის დაფინანსებას და ევროკავშირის სანქციების გვერდის ავლას“, – განუცხადა ევროკომისიის სპიკერმა „ევრონიუსს“.ცნობისთვის, პანამის დროშის ქვეშ მცურავი გემის ჰაიფაში ჩასვლამ უკრაინასა და ისრაელს შორის დაძაბულობა გაამწვავა. გემს, სახელწოდებით „პანორმიტი“, სავარაუდოდ 6 200 ტონაზე მეტი ხორბალი და 19 000 ტონა ქერი გადაჰქონდა. უკრაინის პრეზიდენტმა, ვოლოდიმირ ზელენსკიმ მოუწოდა ისრაელს, უარი ეთქვა რუსული გემის მიღებაზე და განაცხადა, რომ მისი მთავრობა ევროპელებთან კოორდინაციით დაიწყებს „შესაბამისი სანქციების“ მომზადებას იმ პირების წინააღმდეგ, რომლებიც „ამ დანაშაულებრივი სქემიდან მოგებას მიიღებდნენ“.
დღის ამბავი

ფიფა-ს 20-წლამდელთა მსოფლიო ჩემპიონატს საქართველო და სომხეთი უმასპინძლებენ

კანადის ქალაქ ვანკუვერში, FIFA-ს 76-ე კონგრესის წინ მსოფლიო ფეხბურთის მმართველი ორგანოს საბჭოს სხდომაზე გადაწყდა, რომ ფიფა-ს 20-წლამდელთა მსოფლიო ჩემპიონატს 2029 წელს საქართველო და სომხეთი უმასპინძლებენ.საქართველომ და სომხეთმა ფიფა-ს 2029 წლის 20-წლამდე მსოფლიო თასის მასპინძლობაზე ერთობლივი განაცხადი 2024 წლის ივნისში შეიტანეს. ამის შესახებ ერევანში გამართულ ბრიფინგზე გახდა ცნობილი, სადაც საქართველოსა და სომხეთის ფეხბურთის ფედერაციის პრეზიდენტებმა ისაუბრეს.ფიფას 20-წლამდელთა მსოფლიო თასი 1977 წლიდან, ორ წელიწადში ერთხელ ტარდება. ფინალურ ეტაპზე 24 გუნდი მონაწილეობს.აღსანიშნავია, რომ დამოუკიდებელი ქართული ფეხბურთის ისტორიაში, საქართველო 20-წლამდელთა მსოფლიო თასის სახით, ფიფას-ს ეგიდით გამართულ მსოფლიო რანგის ტურნირს პირველად უმასპინძლებს.მასპინძელი ქალაქების, სტადიონებისა და ტურნირთან დაკავშირებული სხვა საორგანიზაციო-ტექნიკური დეტალების შესახებ ინფორმაცია მოგვიანებით გახდება ცნობილი.ლევან კობიაშვილი – „აღსანიშნავი მოვლენაა, დამოუკიდებელი ქართული ფეხბურთის ისტორიაში პირველად, ფიფა-ს ეგიდით გასამართი მსოფლიო რანგის ტურნირის მასპინძლობა. ჩვენი ქვეყნებისთვის და ფეხბურთისთვის ეს ძალიან მნიშვნელოვანი ტურნირია და მიხარია, რომ ერთად მოგვიწევს ამ პროექტზე მუშაობა. ყველა ფეხბურთის ქომაგს ვულოცავ და დარწმუნებული ვარ, ეს ტურნირიც ისეთივე კვალს დატოვებს ჩვენი ფეხბურთის განვითარების საქმეში როგორიც იმ საერთაშორისო ტურნირებმა დატოვა, რომელთა მასპინძლობის პოზიტიური გამოცდილება ახლო წარსულში გვქონდა“.
დღის ამბავი

ბექა ნაცვლიშვილი – დიდი საბალანსო ჰესები თუ აშენდება, ეს უნდა გააკეთოს სახელმწიფომ, საპენსიო ფონდს დღესაც შეუძლია, გამოუშვას ობლიგაციები, რომლის საფუძველზე განხორციელდება მშენებლობა

საბალანსო სიმძლავრები თუ გვჭირდება, ამას ვიზიარებ და თუ, მაგალითად, „ნამახვანჰესი“ აშენდება ან სხვა დიდი საბალანსო ჰესები, რომლებიც კაშხლური ჰესებია, მაშინ ეს უნდა გააკეთოს სახელმწიფომ, – განაცხადა პოლიტეკონომისტმა, „სამართლიანი ეკონომიკის ინსტიტუტის“ ხელმძღვანელმა, ბექა ნაცვლიშვილმა საქართველოს პირველი არხის გადაცემაში „აქტუალური თემა – მაკა ცინცაძესთან ერთად“.„მე ეს არაერთხელ მქონდა შეთავაზებული პარლამენტში, როდესაც დარგობრივი კომიტეტის წევრიც ვიყავი. მე ვთქვი, რომ ეს უნდა გაეკეთებინა საპენსიო ფონდს. საპენსიო ფონდს დღესაც შეუძლია, გამოუშვას ობლიგაციები, ობლიგაციების საფუძველზე განხორციელდეს მშენებლობა და შემდგომში უკვე თვითონ ჰესმა გამოსცეს აქციები, რომლის საფუძველზეც იმ საპენსიო ფონდში აკუმულირებული თანხით არა მხოლოდ დივიდენდების სახით გამდიდრდებიან ჩვენი პენსიონერები, არამედ, რაც უფრო მთავარია, ეს ფული, რომელიც საპენსიო სისტემაშია ორიენტირებული, უცხოეთის ბიზნესს და ეკონომიკას კი არ დააფინანსებს, დააფინანსებს ჩვენი ქვეყნის ეკონომიკას. აქედან გამომდინარე, ჩვენ უნდა ვიფიქროთ ასეთ მოდელებზე“, – განაცხადა ნაცვლიშვილმა.მისი თქმით, როდესაც საუბარია ენერგეტიკულ უსაფრთხოებაზე, არ იცის, მაგალითად, რა ურთიერთობა არსებობს რეალურად პარტნიორ ქვეყნებთან.„რას გვეუბნებიან ისინი, მაგალითად, ელექტროენერგიის ტარიფებზე, გაზის ტარიფებზე, გაზის, უბრალოდ, ნაკადების მოწოდებაზე და ა.შ. შეიძლება, ძალიან ცუდი ურთიერთობა გვაქვს, მე ხომ არ ვიცი და ეს შეიძლება, მთავრობას უბიძგებს იქითკენ, რომ მართლაც იფიქრონ, ვთქვათ, საკუთარი გენერაციის წყაროებზე. ეს არ ვიცი, მაგრამ ეს ასე ცხადად არ ჩანს. აქედან გამომდინარე, შავ ყუთში რა ხდება, არ ვიცი. თუ ჩვენ მივდივართ იმ გზით, რომ გავხდეთ თვითმყოფადი, ავტარქიული ქვეყანა ეკონომიკურად, მაშინ არა მხოლოდ ენერგოდამოუკიდებლობაზე უნდა ვიზრუნოთ, ენერგოუსაფრთხოებაზე ამ შემთხვევაში, არამედ სასურსათო უსაფრთხოებაზეც უნდა ვიზრუნოთ“, – განაცხადა ნაცვლიშვილმა.როგორც ნაცვლიშვილმა აღნიშნა, როდესაც საუბარია ხოლმე იმაზე, რომ ეკონომიკა იზრდება და მზარდი ეკონომიკა ითხოვს მეტ ენერგეტიკას, ცხადია, ენერგეტიკის გარეშე ეკონომიკა ვერ ფუნქციონირებს, მაგრამ ისიც უნდა ვიცოდეთ, რა დარგები ვითარდება.„სახელმწიფოს აქვს რამე სტრატეგია, სადაც მე, როგორც მოქალაქეს, მექნება წარმოდგენა, რა დარგებს ავითარებს? ავითარებს, მაგალითად, ე.წ მაინინგს, დატა ცენტრებს და ასე შემდეგ, რომლის კაპიტალიზაციის მაჩვენებელი ძალიან მაღალია, შეიძლება, მაგრამ დასაქმების მაჩვენებელია ძალიან დაბალი, რომელიც თავისუფალ ეკონომიკურ ზონებშია და რომელსაც არანაირი ეკონომიკური სარგებელი რიგითი მოქალაქისთვის საქართველოში არ აქვს; ცდილობს, განავითაროს ეს სექტორი თუ ცდილობს განავითაროს, მაგალითად, დამამუშავებელი მრეწველობა, სადაც მაღალი დამატებითი ღირებულება იქმნება, ადამიანები საქმდებიან, კომპეტენციის საჭიროება ჩნდება და ასე შემდეგ“, – განაცხადა ნაცვლიშვილმა.ბექა ნაცვლიშვილმა ასევე განაცხადა, რომ საქართველოს აქვს დიდი პოტენციალი ქარის და მზის ენერგიის, თუმცა ამ მიმართულებით განვითარება არ მომხდარა.„განვავითარეთ ჩვენ ქარის ან მზის ენერგია, წინ წავიწიეთ? არა. ჩვენ გვინდა, აუცილებლად მივიდეთ სადღაც, რაღაც ჩავაბეტონოთ და ა.შ. ჩვენ გენერაცია როდის გჭირდება ხოლმე, როდის არის დეფიციტი? ეს არის ზამთრის პერიოდი, შემოდგომა-ზამთრის, შემოდგომა-ზამთრის პერიოდში კი სწორედ ქარი არის ყველაზე საინტერესო ჩვენთვის, გამომდინარე იქიდან, რომ ვარდნა, ანუ ფრუქტაცია ქარს ბევრად უფრო დაბალი აქვს, ვიდრე ამ შემთხვევაში წყალს. მოკლედ, ძალიან ბევრი ფაქტორია, რომელიც ჩვენ უნდა გავითვალისწინოთ და, უბრალოდ, რომ ჩვენ გვინდა, 2030 წელს ენერგოდამოუკიდებელი გავხდეთ, ასე მარტივი არ არის, ბევრი რაღაც არის“, – განაცხადა ნაცვლიშვილმა.
დღის ამბავი

გია ვოლსკი – ბრიუსელსა და თბილისს შორის აზრთა სხვადასხვაობა არ ნიშნავს, ხალხს დაემუქრო, რომ სისხლისღვრა, სიბნელე და განვითარების პერსპექტივის არქონა გარდაუვალია

ბრიუსელსა და თბილისს შორის აზრთა სხვადასხვაობა თუ არსებობს, ეს არ ნიშნავს, ხალხს დაემუქრო, რომ სისხლისღვრა, ეკონომიკური ნგრევა, სიბნელე და განვითარების პერსპექტივის არქონა გარდაუვალია. ეს მუქარაა, – ამის შესახებ პარლამენტის პირველმა ვიცე-სპიკერმა, გია ვოლსკიმ ევროკავშირის ელჩის განცხადებასთან დაკავშირებით აღნიშნა.ვოლსკის თქმით, ევროკავშირის ელჩის მუქარაზე ერთადერთი რეაგირება შეიძლება ყოფილიყო ელჩის საგარეო საქმეთა სამინისტროში დაბარება.„რასაკვირველია, ეს პოლიტიკური დემარშია, მაგრამ ამ დემარშს, არ შეიძლება, მოჰყვეს უშინაარსო საპასუხო განცხადება, მიზეზი კონკრეტულად უნდა ითქვას. რა მიზეზია საიმისოდ, მთელ ხალხს და საქართველოს რომ ჰპირდება, იქნება ბნელი პერიოდი, რომელიც უკან, 90-იან წლებში გაცილებით მძიმე ფორმებით დაგვაბრუნებს. თუმცა საკითხავია, 90-იანებში დაბრუნებას გულისხმობდა თუ 2012 წლამდე პერიოდს, როდესაც ადამიანების წამება და მოკვდინება ჩვეულებრივი ამბავი იყო და არც ჰერჩინსკის, არც მის წინამორბედს ამასთან დაკავშირებით განცხადება არასდროს გაუკეთებია. აქედან უნდა დავასკვნათ, რომ დაპირისპირება არ წარმოადგენს იმ რეალობის პასუხს, რომელიც ჩვენს ქვეყანაშია შექმნილი და რომელიც ყველაზე ავტორიტეტული სარეიტინგო კომპანიების მიერაა შეფასებული. საქართველო მოწინავეთა შორისაა და არ არსებობს არანაირი წინაპირობა, რომ აქ შავბნელი პერიოდი დადგება, ადამიანები ერთმანეთის სისხლს დაღვრიან. რაც უნდა თბილი სიტყვებით იყოს შეზავებული ეს განცხადება, აშკარა მუქარაა და ამ მუქარასთან დაკავშირებით ჰერჩინსკი საგარეო საქმეთა სამინისტროში იყო დაბარებული. ამის შემდეგაც ვერ მოვისმინეთ რაიმე არგუმენტირებული პასუხი, რომ, მაგალითად, უნდა დავფიქრდეთ, გვჭირდება თუ არა შავი ფულის შემოდინების პრევენცია, ჩვენს ქვეყანაში ლგბტ პროპაგანდა, ლმობიერები უნდა ვიყოთ თუ არა ადამიანებთან, რომლებიც ცეცხლს ხსნიან შუა ქუჩაში და სახელმწიფოს ყველაზე ბრუტალური ფორმებით ესხმიან, რაც ჩვენ არაერთხელ ვიხილეთ. ეს თუ ევროკავშირის მოთხოვნაა, ამასთან დაკავშირებით კიდევ დამატებითი კომენტარებია საჭირო. გამჭვირვალობაში ცუდი რა არის, რა არის ცუდი იმაში, რომ ჩვენ არ გვინდა, სამედიცინო ჩარევა მოხდეს სქესის შესაცვლელად ან დაშვებული იყოს ერთნაირსქესიანთა ქორწინება? რა არის ცუდი იმაში, რომ სახელმწიფო თავს იცავს მაშინ, როდესაც რევოლუცია დაფინანსებულია და ხშირ შემთხვევაში სწორედ ჰერჩინსკის წარმომადგენლობის მიერ? ეს არის ის, რის გამოც ჩვენ უნდა დავისაჯოთ და საქართველოში სისხლის გუბეები დადგეს? ჰერჩინსკიმ ამაზე უნდა გაგვცეს პასუხი და ამ მიმართულებით თქვენ შესაბამისი შეკითხვებიც უნდა დაუსვათ“, – განაცხადა გია ვოლსკიმ.ცნობისთვის, რამდენიმე დღის წინ ქართულმა მედიამ გაავრცელა საქართველოში ევროკავშირის ელჩის, პაველ ჰერჩინსკის მიერ ბრიუსელში, ევროპის საგარეო ქმედებათა სამსახურში გამართულ ღონისძიებაზე გაკეთებული განცხადება, რომლის თანახმადაც: „საქართველო გზაგასაყარზე დგას, საქართველოს მომავალი ჯერ არ დაწერილა, მაგრამ ის, რაც მომავალ კვირებსა და თვეებში გადაწყდება, განსაზღვრავს, ეკუთვნის საქართველო ევროპული ქვეყნების ოჯახს, რომელიც დაფუძნებულია დემოკრატიაზე, კანონის უზენაესობასა და ადამიანის უფლებებზე, თუ, სამწუხაროდ, თავის ბნელ წარსულს დაუბრუნდება“. ამასთან, ჰერჩინსკიმ აღნიშნა: „არ უნდა დავუშვათ, რომ საქართველო და შესანიშნავი, თბილი, სტუმართმოყვარე ქართველი ხალხი დაბრუნდეს ძალადობის, სამოქალაქო ომის, სიღარიბის, გაჭირვების, კორუფციის ბნელ დროში“.ამის შემდეგ საქართველოს პრემიერ-მინისტრმა, ირაკლი კობახიძემ განაცხადა, რომ მიზანშეწონილი იყო ელჩის დაბარება საგარეო საქმეთა სამინისტროში“.საგარეო საქმეთა მინისტრმა, მაკა ბოჭორიშვილმა 24 აპრილს აღნიშნა, რომ დიპლომატიური უწყება რეაგირების გზებს გამოიყენებდა.საქართველოს საგარეო საქმეთა მინისტრი მაკა ბოჭორიშვილი საქართველოში ევროკავშირის ელჩს, პაველ ჰერჩინსკის ავლაბრის რეზიდენციაში 27 აპრილს შეხვდა.შეხვედრის შემდეგ საქართველოს საგარეო საქმეთა სამინისტრომ განცხადება გაავრცელა, რომლის თანახმადაც, მაკა ბოჭორიშვილმა პაველ ჰერჩინსკისთან შეხვედრაზე ხაზი გაუსვა, რომ ბრიუსელის ამჟამინდელი პოლიტიკა ძირს უთხრის ნდობას და აზიანებს საქართველო-ევროკავშირის პარტნიორობას.საქართველოს საგარეო საქმეთა მინისტრთან შეხვედრასთან დაკავშირებით ოფიციალური ინფორმაცია გაავრცელა ევროკავშირის წარმომადგენლობამაც.
დღის ამბავი

მეფე ჩარლზმა დონალდ ტრამპს მიმართა – ჩვენ რომ არა, ფრანგულად ილაპარაკებდით

ჩვენ რომ არა, ფრანგულად ილაპარაკებდით, – ამის შესახებ გაერთიანებული სამეფოს მეფე ჩარლზმა თეთრ სახლში, სახელმწიფო ვახშამზე აშშ-ის კოლონიური წარსულის შესახებ წარმოთქმულ ხუმრობაზე საპასუხოდ განაცხადა.ჩარლზი გამოეხმაურა დონალდ ტრამპის კომენტარს, სადაც აშშ-ის პრეზიდენტმა განაცხადა, რომ შტატების გარეშე ევროპელების უმეტესობა დღეს გერმანულად ისაურებდა.„მართლაც, ბატონო პრეზიდენტო, ცოტა ხნის წინ აღნიშნეთ, რომ შეერთებული შტატების გარეშე ევროპული ქვეყნები გერმანულად ილაპარაკებდნენ. გავბედავ და ვიტყვი, რომ ჩვენ რომ არა, ფრანგულად ილაპარაკებდით“, – განაცხადა მან.ამასთან, მეფემ დაამატა, რომ საფრანგეთის საწინააღმდეგო არაფერი აქვს.„რა თქმა უნდა, ორივეს ძალიან გვიყვარს ჩვენი ფრანგი ბიძაშვილები“, – განაცხადა მონარქმა.

ბოლო სიახლეები

„ევრონიუსი“ – ევროკავშირი მზადაა, მოპარული უკრაინული მარცვლეულით დატვირთული რუსული ჩრდილოვანი ფლოტის გემის მიღების გამო...

ფიფა-ს 20-წლამდელთა მსოფლიო ჩემპიონატს საქართველო და სომხეთი უმასპინძლებენ

ბექა ნაცვლიშვილი – დიდი საბალანსო ჰესები თუ აშენდება, ეს უნდა გააკეთოს სახელმწიფომ, საპენსიო ფონდს...

გია ვოლსკი – ბრიუსელსა და თბილისს შორის აზრთა სხვადასხვაობა არ ნიშნავს, ხალხს დაემუქრო, რომ...

მეფე ჩარლზმა დონალდ ტრამპს მიმართა – ჩვენ რომ არა, ფრანგულად ილაპარაკებდით

გთხოვთ გაავრცელეთ-ოჯახი ახალგაზრდა კაცს ეძებს – რა ინფორმაცია ვრცელდება სოციალურ ქსელში

მეუფე სტეფანე – გგონიათ, ტელეფონი რომ გაქვთ, სპეცსამსახურები არ გისმენენ, როცა დასჭირდებათ? უკანონობაა, მაგრამ...

მეფე ჩარლზი – საერთო ღირებულებებსა და ტრადიციებზე დაყრდნობით, აშშ და ბრიტანეთი არაერთხელ პოულობდნენ გაერთიანების...

საქართველოში მიწისძვრა მოხდა, სიმძლავრემ 4.1 მაგნიტუდა შეადგინა

საპატრიარქომ სინოდისადმი მიტროპოლიტ ისაიას მიმართვა გაავრცელა, რომელშიც ის საპატრიარქო კანდიდატისთვის საღვთისმეტყველო განათლების მოთხოვნაზე საკუთარ...

© 2024 ყველა უფლება დაცულია | შექმნილია სოლოსტუდიოში