შრომის ინსპექციის შესაქმნელად ხელმოწერების შეგროვება დაიწყო
გახადე შრომა უსაფრთხო – ამ სლოგანით რუსთაველის მეტროსთან ხელისუფლებისთვის წარსადგენ პეტიციაზე ხელმოწერების შეგროვება დაიწყო.
“უკვე მეცხრე თვეა პარლამენტში კანონპროექტზე მუშაობა მიმდინარეობს, რომელიც მიუხედავად იმისა, რომ დასაქმებულთა უსაფრთხოების მინიმალური სტანდარტების დაცვასაც ვერ უზრუნველყოფს, მაინც აწყდება დაბრკოლებებს და მისი განხილვა დაუსაბუთებლად ჭიანურდება. კანონში კვლავ გასათვალისწინებელია მნიშვნელოვანი საკითხები”, – აცხადებენ აქციის ორგანიზატორები. ხელნოწერები პროფკავშირების ორგანიზებით გროვდება. ისინი სამ ძირითად ხარვეზს გამოყოფენ:
1. აღნიშნული კანონპროექტით უსაფრთხოების გარკვეული ნორმების უზრუნველყოფა ეხება მხოლოდ მძიმე, მავნე და საშიშ პირობებში დასაქმებულ ადამიანებს
2.პროექტი ეხება მხოლოდ შრომის უსაფრთხოებას და რეგულირების გარეშე ტოვებს შრომის კანონმდებლობისა და შრომის უფლებების აღსრულების საკითხს.
3. შრომის ინსპექტორებს, ბევრ შემთხვევაში კვლავ არ აქვთ უპირობო დაშვება სამუშაო ადგილებზე.
აუდიტორია 155 შრომის უსაფრთხოების კანონის მიღების მოთხოვნით, 14 თებერვალს საპროტესტო მსვლელობას გამართავს. აქციის მონაწილეები თსუ-ს პირველი კორპუსის ეზოდან პარლამენტისკენ წავლენ.
9 თებერვალს, თბილისში მშენებარე კორპუსის მეხუთე სართულიდან 26 წლის მუშა გადმოვარდა. საქართველოს პარლამენტი შრომის უსაფრთხოების კანონპროექტს განიხილავს პროექტის ინიციატორების თქმით, კანონის მიზანი შრომის უსაფრთხოების მაღალი სტანდარტების დაწესებაა.
ადამიანის უფლებათა სწავლებისა და მონიტორინგის ცენტრის (EMC) მონაცემებით, 2011 წლიდან 2016 წლის ბოლომდე სამუშაო ადგილებზე 776 ადამიანი დაშავდა და 270 დაიღუპა. 2017 წლის 10 თვის მონაცემებით კი საწარმოო პროცესში დაღუპულთა რაოდენობა ოცდაათია.
ორგანიზატორები მოუწოდებენ ხელისუფლების საკანონმდებლო და აღმასრულებელ შტოებს შეიმუშაონ კანონმდებლობა, რომელიც შრომის საერთაშორისო სტანდარტების შესაბამისი იქნება.
About Post Author
ქეთევან ნინუა
Comments
საპატრიარქო: უდიდესი საერთო სახალხო დღესასწაული იყო – ოჯახური ღირებულებები ყველასთვის არსებითია და უმნიშვნელოვანესი
უდიდესი საერთო სახალხო დღესასწაული იყო, გამორჩეული მასშტაბურობით, სიმშვიდით, ურთიერთპატივისცემით. შეიძლება ითქვას, მასში მონაწილეობა მიიღო მთელმა საქართველომ, განურჩევლად ეროვნებისა და აღმსარებლობისა,...
მამუკა მდინარაძე: დღეს საქართველომ თავისი სათქმელი თქვა! დიახ, დღეს ყველამ დაინახა, სად და რა ღირებულებების მხარეს დგას საქართველო და ქართველი ხალხი!
დღეს საქართველომ თავისი სათქმელი თქვა! მოლოდინი არა თუ გამართლდა, ხალხის რაოდენობამ, შემართებამ, ერთობამ, ყოველგვარ მოლოდინს გადააჭარბა. - ამის შესახებ საპარლამენტო...
ოჯახის სიწმინდისა და მშობლების პატივისცემის დღისადმი მიძღვნილი მსვლელობა
ოჯახის სიწმინდისა და მშობლების პატივისცემის დღესთან დაკავშირებით თბილისსა და დიდ ქალაქებში მსვლელობა გაიმართა. თბილისში სამღვდელოება და მრევლი 12:00 საათზე ქაშვეთის წმინდა...
ჯანდაცვის ყოფილი მინისტრი, ავთანდილ ჯორბენაძე გარდაიცვალა
73 წლის ასაკში გარდაიცვალა ჯანდაცვის ყოფილი მინისტრი ავთანდილ ჯორბენაძე. ინფორმაციას გარდაცვალების შესახებ ოჯახის წევრები და ახლობლები ადასტურებენ. ავთანდილ ჯორბენაძე 1993...
მეუფე შიო მუჯირი – ჩვენი მცდელობა, დავიცვათ ბავშვები მძიმე ცოდვის პროპაგანდისგან, ევროპარლამენტარებმა თავისუფალ საზოგადოებაზე შეტევად შეაფასეს, ოჯახური ღირებულებების დაცვის კანონი აუცილებლად უნდა მივიღოთ
ჩვენი მცდელობა, დავიცვათ ბავშვები მძიმე ცოდვის პროპაგანდისგან, ევროპარლამენტარების მიერ შეფასდა, როგორ შეტევა თავისუფალ საზოგადოებაზე, – ამის შესახებ საპატრიარქო ტახტის მოსაყდრემ,...
ჩეხურ-ქართული მეორე სამართლებრივი ფორუმი დასრულდა
სამართლებრივი ფორუმის მუშაობა იუსტიციის მინისტრებმა რატი ბრეგაძემ და პაველ ბლაჟეკმა დასკვნით სიტყვაში შეაჯამეს. საქართველოს იუსტიციის მინისტრმა ხაზი გაუსვა ჩეხეთის გამოცდილების...