შალვა პაპუაშვილი: საუბნო კომისიების 29 086 არჩეული პროფესიული წევრიდან მხოლოდ ორს ჰქონდა ბოლო წლის განმავლობაში დაკისრებული დისციპლინური პასუხისმგებლობა
Read Time:40 Second
საუბნო საარჩევნო კომისიების 29 086 არჩეული პროფესიული წევრიდან მხოლოდ ორს ჰქონდა ბოლო ერთი წლის განმავლობაში დაკისრებული დისციპლინური პასუხისმგებლობა. ამით გაბათილდა ბოლო დღეების კიდევ ერთი დეზინფორმაციული კამპანია საუბნო საარჩევნო კომისიის წევრების შერჩევის პროცესთან დაკავშირებით, – ამის შესახებ Facebook-ზე საპარლამენტო უმრავლესობის ერთ-ერთი ლიდერი შალვა პაპუაშვილი წერს.
„დასრულდა საოლქო საარჩევნო კომისიების მიერ საუბნო საარჩევნო კომისიების პროფესიული წევრების არჩევა. სულ აირჩა 29 086 წევრი. მათგან:
- 25 730 წევრი (88,5%) პირველივე წრეზე 2/3 უმრავლესობით აირჩა და მათ მინიმუმ სამმა ოპოზიციურმა პარტიამ დაუჭირა მხარი.
- 28 602 წევრს (98.3%) კი მინიმუმ ორმა ოპოზიციურმა პარტიამ დაუჭირა მხარი.
არჩეული 29 086 წევრიდან მხოლოდ ორს ჰქონდა ბოლო ერთი წლის განმავლობაში დაკისრებული დისციპლინური პასუხისმგებლობა. ამით გაბათილდა ბოლო დღეების კიდევ ერთი დეზინფორმაციული კამპანია საუბნო საარჩევნო კომისიის წევრების შერჩევის პროცესთან დაკავშირებით.
კომისიები დაკომპლექტდა კვალიფიციური წევრებით, ოპოზიციის თანამონაწილეობით და დამკვირვებლების მეთვალყურეობის ქვეშ“, – წერს შალვა პაპუაშვილი.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
