შალვა პაპუაშვილი: სალომე სამადაშვილის მიმართ სიძულვილითა და აგრესიით სავსე ჰეითერული შეტევა ვიხილეთ
Read Time:30 Second
ის ზიზღით, სიძულვილით, მიუღებლობით და აგრესიით სავსე სიტყვები და სოციალური მედიის მცხოვრებელთა ჰეითერული შეტევა, რაც ჩვენ გუშინ, ამჯერად სალომე სამადაშვილის მიმართ ვიხილეთ, კიდევ ერთხელ ადასტურებს, რომ ჩვენს საზოგადოებას სჭირდება პრინციპული შეთანხმება იმაზე, თუ რა არის საჯარო ურთიერთობის ეთიკური სტანდარტი, – ამის შესახებ პარლამენტის განათლების კომიტეტის თავმჯდომარე, შალვა პაპუაშვილი სოციალურ ქსელში წერს.
„სამწუხაროდ, რაც არ უნდა ვგმობდეთ ჩვენს ახლო თუ შორეულ წარსულს, ურთიერთობის სტანდარტი, იმ დროსთან შედარებით, დღეს აბსოლუტურად მიუღებელ დონეზეა. იმ დონეზე, როდესაც ერთი ადამიანი მეორეს ადამიანადაც კი არ აღიქვამს. ამ საკითხზე საზოგადოების, მედიის და პარტიების შეთანხმების გარეშე, ფუჭია ნებისმიერი სხვა შეთანხმება და ილუზიაა ყოველგვარი იმედი დემოკრატიული საზოგადოების მშენებლობისა“, – წერს პაპუაშვილი.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
