ქუთაისის ციხეში პატიმარმა თავი მოიკლა, ოჯახი უყურადღებობაში პენიტენციურ სამსახურს ადანაშაულებს
Read Time:34 Second
ქუთაისის ციხეში 15 ნოემბერს პატიმარმა თავი მოიკლა. ოჯახი უყურადღებობაში პენიტენციურ სამსახურს ადანაშაულებს.
ტელეკომპანია რუსთავი 2-ისთვის მიცემულ ინტერვიუში ოჯახის წევრები ამბობენ, რომ დედის გარდაცვალების შემდეგ პატიმარი აღელვებული იყო. ისინი ამბობენ, რომ წერილს, რომელშიც თვითმკვლელობამდეა დაწერილი, გარდაცვლილი ვერ დაწერდა.
“წერილი არის ქართულად დაწერილი, ქართულად არ წერდა ის. კარგი კალიგრაფიით და ძაან დალაგებული აზრით, ეგ რუსულ სკოლაში სწავლობდა, ქართული არ იცოდა”, — აცხადებს გარდაცვლილის ბიძა, ავთანდილ ხოფერია ტელეკომპანია რუსთავი 2-თან საუბრისას.
პენიტენციური სამსახური ადასტურებს, რომ პატიმარი დედის გარდაცვალების გაგების შემდეგ აღელვებული იყო. თუმცა აღნიშნავს, რომ მას სამედიცინო დახმარება და ფსიქოლოგის კონსულტაცია ჩაუტარდა.
“თვითმკვლელობის ფაქტთან დაკავშირებით იმავე ღამეს დაიწყო გამოძიება, რომლის ფარგლებშიც გარდაცვლილის გვამს ექსპერტიზა ჩაუტარდა, დაკითხულია დაწესებულების ექიმი, თანამშრომლების ერთი ნაწილი და გარდაცვლილის თანამესაკნეები”, — აცხადებენ პენიტენციურ სამსახურში
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0