“ქართული ოცნების“ ხაშურის მერობის კანდიდატი ახალგაზრდებს შეხვდა
Read Time:35 Second
„ქართული ოცნება – დემოკრატიული საქართველოს“ ხაშურის მუნიციპალიტეტის მერობის კანდიდატი თენგიზ ჩიტიაშვილი ხაშურელ ახალგაზრდებს შეხვდა. საუბარი შეეხო ახალგაზრდების გამოწვევებს, მათი ჩართულობის მნიშვნელობას თვითმმართველობის განვითარების საქმეში. კანდიდატმა მოისმინა ახალგაზრდების ხედვა მუნიციპალიტეტის განვითარების შესახებ.
ახალგაზრდული პოლიტიკის შესახებ საუბრისას ახალი თაობის წარმოამდგელებმა ხაზი გაუსვეს ჯანსაღი ცხოვრების წესის პოპულარიზაციას, როგორც „ქართული ოცნების“ მნიშვნელოვან პრიორიტეტს, რასაც მოწმობს ხაშურში 2018 წელს გახსნილი ახალი სპორტული კომპლექსი. ახალგაზრდები დიდი მოლოდინით ელიან ხაშურის „ივერიის“ სტადიონის სრული რეაბილიტაციის დასრულებას.
მომავალი თაობის განათლებას მოემსახურება ხაშურში ამჟამად მშენებარე პროფესიული სასწავლებელი, რომელიც საშუალებას მისცემს არაერთ ახალგაზრდას დაეუფლოს სასურველ პროფესიას და თავისსავე რეგიონში დასაქმდეს.
„მიხარია, რომ ხაშურს ასეთი განათლებული, ახალი იდეებით აღსავსე თაობა ეზრდება. ახალგაზრდების მხარდაჭერა განსაკუთრებულ მოტივაციას მმატებს. დარწმუნებული ვარ, ერთად გავუმკლავდებით ნებისმიერ პრობლემას და ვიზრუნებთ მუნიციპალიტეტის განვითარებისთვის.“ – განაცხადა თენგიზ ჩიტიაშვილმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
