ურსულა ფონ დერ ლაიენმა პუტინს მოუწოდა, გაახანგრძლივოს მარცვლეულის შეთანხმება
Read Time:33 Second
ევროკომისიის პრეზიდენტმა, ურსულა ფონ დერ ლაიენმა რუსეთის პრეზიდენტს, ვლადიმირ პუტინს მოუწოდა, გაახანგრძლივოს მარცვლეულის შეთანხმება და ხაზგასმით აღნიშნა, რომ ამის შეუსრულებლობა გამოიწვევს გლობალურ სასურსათო დაუცველობას. ინფორმაციას ამის შესახებ ტელეკომპანია CNN-ი ავრცელებს.
„მსოფლიოს სჭირდება ეს. რუსეთს ეკისრება პასუხისმგებლობა, გაახანგრძლივოს იგი, წინააღმდეგ შემთხვევაში, გლობალური სასურსათო დაუცველობა იქნება შედეგი. ასე რომ, ახლა ბურთი პრეზიდენტ პუტინის მოედანზეა და მსოფლიო მას უყურებს“, – აღნიშნა ფონ დერ ლაიენმა.
მანამდე რუსეთის პრეზიდენტმა, ვლადიმირ პუტინმა განაცხადა, რომ რუსეთი გაახანგრძლივებს მარცვლეულის შეთანხმებას, როდესაც ქვეყნისთვის ადრე მიცემული დაპირებები შესრულდება.
პუტინის თქმით, მარცვლეულის შეთანხმების ფარგლებში, დღემდე რუსეთის ინტერესებთან დაკავშირებული არცერთი პუნქტი არ შესრულებულა.
კერძოდ, მან განაცხადა, რომ ერთ-ერთი პირობაა „როსსელხოზბანკის“ SWIFT-თან დაკავშირება. ეს, პუტინის თქმით, რუსული პროდუქციის საფასურის გადახდისას ფულის მოძრაობას უკავშირდება.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
