ტყიბულის ,,ორბს“ საზეიმო დახვედრა მოუწყვეს

მოხარული ვარ, რომ თბილისის მერია კვლავ მასპინძლობს მდგრადი განვითარების რეგიონულ ფორუმს, რომლის სახელწოდებაც „ამიერკავკასიის დაკავშირება მდგრადი მომავლისთვის“ ზუსტად უპასუხებს იმ გეოპოლიტიკურ და ეგზისტენციალურ გამოწვევებს, რომელთა წინაშეც ჩვენი რეგიონი და სრულიად მსოფლიო დგას, – ამის შესახებ საქართველოს პრეზიდენტმა, მიხეილ ყაველაშვილმა თბილისის მდგრადი განვითარების XVI რეგიონულ ფორუმზე სიტყვით გამოსვლისას განაცხადა.როგორც მიხეილ ყაველაშვილმა აღნიშნა, გლობალური ბუნდოვანებისა და მედიააღქმების ეპოქაში, განსაკუთრებული მნიშვნელობა ენიჭება იმ ვექტორს, რომლის ერთგულიც საქართველოს დღევანდელი ხელისუფლებაა.„დღეს ჩვენ ვართ მოწმენი იმისა, როგორ იწერება კაცობრიობის ისტორიის სრულიად ახალი ფურცელი. საერთაშორისო წესრიგი ფუნდამენტურად იცვლება. სამყარო ერთპოლუსიანი სისტემიდან მრავალპოლუსიან საერთაშორისო წესრიგზე გადადის, მომავალი კი სულ უფრო გაურკვეველი და არაპროგნოზირებადი ხდება. კონფლიქტების მდგრადი და სამართლიანი გადაჭრა კიდევ უფრო გართულდა, ხოლო გლობალური მშვიდობა დღეს უფრო მყიფეა, ვიდრე ოდესმე. სწორედ ამიტომ, საერთაშორისო ურთიერთობებში წინა პლანზე გადმოდის ძალის ფაქტორი, მკაცრი რეალიზმი და პრაგმატიზმი. გლობალური ბუნდოვანებისა და მედიააღქმების ეპოქაში, განსაკუთრებული მნიშვნელობა ენიჭება იმ ვექტორს, რომლის ერთგულიც საქართველოს დღევანდელი ხელისუფლებაა: ესაა მშვიდობა, სტაბილურობა, მდგრადი განვითარება, სუვერენიტეტი, ეროვნული ინტერესების დაცვა და სიმართლის სადარაჯოზე დგომა“,- განაცხადა საქართველოს პრეზიდენტმა.

კახეთში , 35 წლის მამაკაცი დააკავეს - სამართალდამცველებს დასაბუთებული ვარაუდი აქვთ, რომ ის არასრულწლოვან შვილზე სექსუალურად ძალადობდა.დანაშაულის კვალიფიკაციისა და ბრალის ზუსტი ფორმულირების დასადგენად, 14 წლის გოგონა შესაბამის ექსპერტიზაზეა გადაყვანილი.სამართალდამცველებთან გოგონა ამტკიცებს, რომ ბიოლოგიური მამა მასზე 6 წელია სექსუალურად ძალადობს. არასრულწლოვანმა პოლიციასთან კონკრეტული ფაქტებიც დაასახელა. მომხდარის შესახებ მას შემდეგ გახდა ცნობილი, რაც მამაკაცი ცოლზე ძალადობისა და მისი ტანსაცმლის დაწვის ფაქტზე დააკავეს.ინფორმაცია ოჯახური კონფლიქტის თაობაზე სამართალდამცველებს მამაკაცის მეუღლემ მაშინ მიაწოდა, როცა დაკავებული, ნათესავებთან სტუმრად მყოფი შვილის სახლში ძალით დაბრუნებითა და მის მიმართ ფიზიკური ანგარიშსწორებით იმუქრებოდა.დაკავებული მამაკაცის მიმართ, ახლო ნათესავზე განხორციელებული სექსუალური ძალადობის ბრალდებით, სისხლის სამართლის საქმე რამდენიმე წლის წინაც მიმდინარეობდა, თუმცა მას ბრალი არ დაუმტკიცდა. 14 წლის გოგონას მიმართ გარყვნილი ქმედების ბრალდებით, სასჯელს იხდის მისი ნათესავი მამაკაციც. იმ დროისათვის, სისხლის სამართლის საქმეში იკვეთებოდა, რომ ნათესავთან გარკვეული თანხის სანაცვლოდ, გარყვნილი ქმედების ჩადენას გოგონას სწორედ მამა აიძულებდა.ადგილობრივების ინფორმაციით, მისგან განხორციელებული ძალადობის ფაქტებზე მოზარდმა დედას და ბებიასაც უამბო, თუმცა უშედეგოდ.ამ დროისათვის, მამაკაცი წინასწარი დაკავების იზოლატორშია გადაყვანილი.გამოძიება მიმდინარეობს შემდეგი მუხლებით: 11 პრიმა 138, 11 პრიმა 151, 126 პრიმა და 11 პრიმა 187 - ოჯახის წევრის მიმართ ძალადობა, მუქარა, ნივთის დაზიანება და არასრულწლოვანი შვილის მიმართ სექსუალური ხასიათის სხვაგვარი ქმედება.

,,დღეს საღამოს მიწვეული ვიყავი საქართველოში ქრისტიანობის სახელმწიფო რელიგიად გამოცხადების 1700 წლისთავისადმი მიძღვნილ კონცერტზე, რომელზე დასწრების შესაძლებლიბა, მნიშვნელოვანი სამუშაო შეხვედრის გამო, სამწუხაროდ, არ მომეცა. მსურს, გულითადად მივულოცო ეს თარიღი ქართველ ხალხს -სარწმუნოებით გამორჩეულ ერს ქრისტიანულ სამყაროში, რომელმაც 1700 წელი მტკიცე რწმენით განვლო და ვუსურვო მას კეთილდღეობა და წარმატებები''-წერს ირანის ისლამური რესპუბლიკის ელჩი საქართველოში ალი მოჯანი  და ფოტეობს  გვიზიარებს.

კიდევ ერთხელ წამოსცდა რაღაც კაცს. მგონი, სჯობს, დავასვენოთ, ისედაც გადის პენსიაზე, – ამის შესახებ საქართველოს პრემიერ-მინისტრმა, ირაკლი კობახიძემ გერმანიის ელჩის, პეტერ ფიშერის განცხადებაზე დასმული კითხვის პასუხად განაცხადა.კერძოდ, პრემიერს კითხვა დაუსვეს პეტერ ფიშერის მიერ „რადიო თავისუფლებასთან“ ინტერვიუს დროს გაკეთებულ განცხადებაზე, სადაც გერმანიის ელჩმა აღნიშნა: „ზოგიერთმა ქართველმა იცის, რას ნიშნავს ევროკავშირში გაწევრიანება, სხვები ამბობენ, არ გამაჩნია უკეთესი ალტერნატივა, არ მსურს, ვიყო რუსი ან თურქი, ირანელი ან აზერბაიჯანელი, მხოლოდ სომხეთთან ერთად ყოფნა, შესაძლოა, არასაკმარისი იყოს“.კობახიძის შეფასებით, „ფიშერის განცხადებები დიდად საინტერესო არ არის“.„მორიგი წამოცდენა იყო, თუმცა წამოცდენები, როგორც წესი, ისე არ ხდება ხოლმე. სინამდვილეში, როგორც ჩანს, ის თქვა, რაც გულში უდევს“, – აღნიშნა კობახიძემ.

საქართველოს ხელისუფლებამ გარკვეული ნაბიჯები გადადგა, რაც მიანიშნებს, რომ მათ სურთ შეერთებულ შტატებთან ურთიერთობების გაუმჯობესება, – ამის შესახებ აშშ-ის სახელმწიფო მდივანმა, მარკო რუბიომ წარმომადგენელთა პალატის საგარეო ურთიერთობათა კომიტეტის წინაშე გამოსვლის დროს კონგრესმენის, ჯო უილსონის კითხვის საპასუხოდ განაცხადა.როგორც მარკო რუბიომ აღნიშნა, საქართველოს ხელისუფლებას განუმარტეს, რისი გაკეთება იქნება საჭირო ურთიერთობების გასაუმჯობესებლად და საქართველოს ხელისუფლებისგან მიიღეს გარკვეული პოზიტიური პასუხებიც.მისივე თქმით, აშშ იმედოვნებს, რომ ურთიერთობებში წინსვლა შესაძლებელი იქნება. როგორც რუბიომ აღნიშნა, „შესაძლოა, შევცვალოთ არა მხოლოდ ჩვენი ურთიერთობის მიმართულება საქართველოსთან, არამედ მათი ქცევისაც“.რაც შეეხება ჯო უილსონის კითხვას, მან მარკო რუბიოს ჰკითხა: „თქვენ მიაღწიეთ ისტორიულ ერთიანობას ახლო აღმოსავლეთში, სადაც ყველა ქვეყანა, საქართველოს გარდა, მხარს უჭერს ამერიკის ძალისხმევას ირანისა და მისი ბირთვული შესაძლებლობების წინააღმდეგ. ევროპაშიც, ნატო და ევროკავშირი ისე არიან გაერთიანებული, როგორც არასდროს, თავდაცვის ხარჯების გაზრდის ხელშეწყობის მიზნით, პრინციპით – „მშვიდობა ძალის მეშვეობით“, რაც საბოლოოდ უკრაინის გამარჯვებასა და ომის დამნაშავე პუტინის დამარცხებას ემსახურება. ამ კონტექსტში კიდევ ერთი მნიშვნელოვანი რეგიონია სამხრეთ კავკასია, სადაც დიდი შესაძლებლობა გაჩნდა ე.წ. ტრამპის მარშრუტის ფარგლებში, რომელსაც სომხეთის პრემიერ-მინისტრთან, ფაშინიანთან და აზერბაიჯანის პრეზიდენტთან, ალიევთან ერთად მიაღწიეთ. ეს მართლაც დიდი მიღწევაა, თუმცა პროირანული რეჟიმი და ჩინეთის კომუნისტური პარტიის მიერ მხარდაჭერილი „ქართული ოცნების“ მთავრობა, რომელსაც არალეგიტიმურია, საფრთხეს უქმნის ამერიკის წვდომას რეგიონში. საქართველოში არჩევნები გაყალბდა. ამასთანავე, ისინი ხელს უწყობენ „ისლამურ რევოლუციურ გვარდიას“ და გვერდს უვლიან თეირანის წინააღმდეგ დაწესებულ სანქციებს. ამ ვითარების გათვალისწინებით, თქვენი აზრით, რა უნდა გაკეთდეს, რომ შეჩერდეს სწრაფად მზარდი რადიკალიზაცია, რომელსაც საქართველოში „ქართული ოცნების“ მთავრობა უწყობს ხელს?“აშშ-ის სახელმწიფო მდივნის, მარკო რუბიოს პასუხი კითხვაზე ასეთია: „საქართველოსთან დაკავშირებით თქვენ მართალი ხართ. ყველაფერი, რაც ახლა ჩამოთვალეთ, ჩვენთვის უკვე არსებული შეშფოთების საგანია. მას შემდეგ მათ გარკვეული ნაბიჯები გადადგეს, რომლებიც მიანიშნებს, რომ სურთ შეერთებულ შტატებთან ურთიერთობების გაუმჯობესება. ჩვენ მკაფიოდ განვუმარტეთ, რას მოითხოვს ეს და რისი შესრულება იქნება საჭირო. მათგან გარკვეული პოზიტიური პასუხებიც მივიღეთ. ამიტომ, იმედია, საქართველოს შემთხვევაში ჩვენ შევძლებთ, დავინახოთ ტრაექტორიის ცვლილება იმ მიმართულებასთან შედარებით, სადაც ქვეყანა დღეს იმყოფება. რა თქმა უნდა, გვესმის, რომ ყველა ის საკითხი, რომელიც თქვენ ახლა ჩამოთვალეთ, ჩვენთვის უკვე არსებული პრობლემებია. მათ გვკითხეს: „რა არის საჭირო იმისთვის, რომ შეერთებულ შტატებთან უკეთესი ურთიერთობა გვქონდეს?“ ჩვენ მათ ამაზე პასუხი გავეცით და ვიმედოვნებთ, ამ საფუძველზე შევძლებთ წინსვლას და, შესაძლოა, შევცვალოთ არა მხოლოდ ჩვენი ურთიერთობის მიმართულება საქართველოსთან, არამედ მათი ქცევისაც“, – განაცხადა მარკო რუბიომ.