ოთხშაბათი, ნოემბერი 18, 2026

ტოლობის ნიშანი დასვათ კუდის მაღალჩინოსნების მიერ უდანაშაულო ადამიანის სადისტურად მოკვლასა და გარჩევის შედეგად ტრაგიკულად დაღუპვას შორის, თქვენი ნარჩენი სისტემისთვის წამგებიანი სვლაა – თამთა მეგრელიშვილი ნანუკა ჟორჟოლიანს

ტოლობის ნიშანი დასვათ კუდის მაღალჩინოსნების მიერ უდანაშაულო ადამიანის სადისტურად მოკვლასა და გარჩევის შედეგად ტრაგიკულად დაღუპვას შორის, თქვენი ნარჩენი სისტემისთვის წამგებიანი სვლაა – თამთა მეგრელიშვილი ნანუკა ჟორჟოლიანს
ორ ტრაგედიას შორის განსხვავების დანახვას არ სჭირდება დარგობროვი განათლება, მაგრამ როცა მიღებული დირექტივა სისტემის მსხვერპლის, სანდრო გირგვლიანის მკვლელობა, გიორგი შაქარაშვილის თემას დაუკავშიროთ, შუბლის ძარღვის გაწყვეტასთან ერთად რომელიც ნამდვილად არ გაკლიათ, განათლებას მოითხოვს, ეს უკანასკნელი კი …“,- ასე ეხმიანება იურისტი თამთა მეგრელიშვილი ჟურნალისტ ნანუკა ჟორჟოლიანს, რომელმაც საკუთარ ფეისბუქგვერდზე გამოქვეყნებულ პოსტში 2006 წელს გარდაცვლილ სანდრო გირგვლიანისა და გიორგი შაქარაშვილის გარდაცვალებას შორის პარალელს ავლებდა.
როგორც იურისტი თამთა მეგრელიშვილი სოციალურ ქსელში წერს, ტოლობის ნიშნის დასმა კუდის მაღალჩინოსნების მიერ უდანაშაულო ადამიანის სადისტურად მოკვლასა და გარჩევის შედეგად ტრაგიკულად დაღუპვას შორის, ნარჩენი სისტემისთვის წამგებიანი სვლაა
ქალბატონო ნანუკა, დაკვეთა, ტოლობის ნიშანი დასვათ კუდის მაღალჩინოსნების მიერ უდანაშაულო ადამიანის სადისტურად მოკვლასა და გარჩევის შედეგად ტრაგიკულად დაღუპვას შორის, ჩანასახშივე დიდი შეცდომა და თქვენი ნარჩენი სისტემისთვის წამგებიანი სვლაა. ფაქტებზე დაყრდნობით შეგახსენებთ, რომ 2006 წლის 28 იანვარს, სანდრო გირგვლიანის მკვლელობამ და მასთან დაკავშირებულმა მოვლენებმა საქართველოს მიმდინარე მთავრობის,შინაგან საქმეთა სამინისტროს,შემდეგ სასამართლო სისტემის დემოკრატიული რეფორმების ეფექტურობას წერტილი დაუსვა. ამ საზარელმა მკვლელობამ სისტემა გამოააშკარავა. 2011 წლის 26 აპრილს, ამ საქმეზე, ადამიანის უფლებათა ევროპული სასამართლოს მიერ მიღებული გადაწყვეტილება, საერთაშორისო დონეზე ქვეყანაში მოქმედი მკვლელი სისტემის მხილება იყო. ეს საზეპიროა და დაიზეპირეთ:
სტრასბურგის სასამართლომ თქვა, რომ საქართველოს ყველა ინსტანციის სასამართლომ, სხვა სახელმწიფო უწყებეთან შეთანხმებით ყველაფერი გააკეთა იმისათვის, რათა ამ საზარელი დანაშაულის საქმეზე მართლმსაჯულება არ განხორციელებულიყო. ესეც, სასამართლო პირდაპირ ამბობს, რომ „ის გაოგნებულია, გაოგნებულია იმ ფაქტის გამო, რომ არც პროკურატურა და არც ადგილობრივი სასამართლოები არ შეეცადნენ გაერკვიათ“ საქმის რამდენიმე ძირითადი გარემოება. გადავიდეთ 19 წლის გიორგი შაქარაშვილის გარდაცვალების საქმეზე, რომელიც გამოძიების პროცესშია. საქმეზე ახალგაზრდები დააკავეს, რომლებიც უდანაშაულოდ ითვლებიან მანამ, სანამ მათი დამნაშავეობა არ დამტკიცდება სასამართლოს კანონიერ ძალაში შესული გამამტყუნებელი განაჩენით. თქვენ დაუსრულებელი გამოძიების პირობებში, თქვენივე პოსტში ამტკიცებთ -“ფაქტია მას მისდევდნენ, ამიტომაც გარბოდა”. პოსტი შემდეგ შეასწორეთ და ჩაამატეთ – “სხვაობა ისაა,რომ გირგვლიანი პოლიციელების მსხვერპლი იყო და გიორგი კრიმინალების“. ორ ტრაგედიას შორის განსხვავების დანახვას არ სჭირდება დარგობროვი განათლება, მაგრამ როცა მიღებული დირექტივა სისტემის მსხვერპლის, სანდრო გირგვლიანის მკვლელობა, გიორგი შაქარაშვილის თემას (რომელიც სავარაუდოდ ახალგაზრდებს შორის მომხდარი დაპირისპირების მსხვერპლია, გამოძიებას დაველოდოთ) დაუკავშიროთ შუბლის ძარღვის გაწყვეტასთან ერთად რომელიც ნამდვილად არ გაკლიათ, განათლებას მოითხოვს, ეს უკანასკნელი კი …“,- წერს თამთა მეგრელიშვილი.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 555 100 929

მებაჟე ოფიცრებმა შსს-ს წარმომადგენლებთან თანამშრომლობით, საფოსტო გზავნილში განსაკუთრებით დიდი ოდენობით ნარკოტიკული საშუალება აღმოაჩინეს

ფინანსთა სამინისტროს შემოსავლების სამსახურის ,,თბილისის აეროპორტის“ გაფორმების ეკონომიკური ზონის მებაჟე ოფიცრებმა საქართველოს შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლებთან კოორდინაციით, ერთობლივად ჩატარებული საბაჟო პროცედურებისა და საგამოძიებო მოქმედებების ფარგლებში, საფოსტო გზავნილში განსაკუთრებით დიდი ოდენობით ნარკოტიკული საშუალების საქართველოს ტერიტორიაზე უკანონოდ შემოტანის ფაქტი აღკვეთეს.საბაჟო კონტროლის ფარგლებში, საფოსტო გზავნილის რენტგენო ინსპექტირების სისტემით დათვალიერების შედეგად, რუსეთის ფედერაციიდან გამოგზავნილ ამანათში თმის მოვლის საშუალებისთვის განკუთვნილ ხუთ პლასტმასის ჰერმეტულ ქილაში მალულად განთავსებული 5 კილოგრამზე მეტი ,,მეფედრონი" აღმოაჩინეს.გამოძიებას აწარმოებს საქართველოს შინაგან საქმეთა სამინისტრო.

პაატა ბურჭულაძე – 4 ოქტომბრის ეროვნული კრების მთავარი ორგანიზატორები ვიყავით ორნი – მე და „ქართული ოცნება“

მზად ვარ, ჩამოვიდე ბათუმში და დაწვრილებით მოგიყვეთ 4 ოქტომბრის ისტორიული დღის შესახებ, – ამის შესახებ სოციალურ ქსელში პაატა ბურჭულაძის გვერდზე გამოქვეყნებულ პოსტშია ნათქვამი, რომლითაც ბურჭულაძე საკონსტიტუციო სასამართლოს მოსამართლეებს მიმართავს.როგორც ბურჭულაძე წერს, რომ არა „ქართული ოცნება“ და მისი მოღალატეობრივი პოლიტიკა, 4 ოქტომბრის ეროვნული კრების ჩატარების აუცილებლობა არ იქნებოდა.„მინდა, მივმართო საკონსტიტუციო სასამართლოს პატივცემულ მოსამართლეებს:„ვადევნებ თვალს თქვენს პროცესს და კიდევ ერთხელ ვრწმუნდები, თუ რა დიდი მოვლენა იყო 4 ოქტომბრის საქართველოს ეროვნული კრება. ამ დღეს ჩვენი ქვეყნის ასობით ათასმა მოქალაქემ კენჭი უყარა „ოცნების“ მთავრობის არალეგიტიმურობას. ერთხმად შეუწყვიტა მათ ლეგიტიმაცია. მინდა, მოგახსენოთ, რომ ზუსტად ეს არის მშვიდობიანი დამხობა, რის დანაშაულად გამოცხადებასაც თქვენ ცდილობთ და ეს მშვიდობიანი დამხობა 4-ში დავიწყეთ, 4-შივე დავამთავრეთ. რასაც მყისიერად მოყვა „ოცნების“ არაღიარება არა მარტო საქართველოში, არამედ მსოფლიოს ყველა დემოკრატიულ ქვეყანაში. აქედან გამომდინარე, სამართლიანი იქნება საკონსტიტუციო სასამართლოზე მოსარჩელემ და მოპასუხეებმა ადგილები რომ გაცვალონ.მინდა, შეგახსენოთ, შეიძლება, დავიწყებული გაქვთ ან გამოგრჩათ, თუ რისი უფლება აქვს კონსტიტუციით საქართველოს მოქალაქეს. ჰკითხეთ ყველაზე ცნობილ კონსტიტუციონალისტს ბატონ ვახტანგ ხმალაძეს, რომელმაც შექმნა ის კონსტიტუცია, რომელსაც თქვენ უნდა იცავდეთ. ბატონი ვახტანგი გვიხსნის და განგვიმარტავს: კონსტიტუციით არაკონსტიტუციურია მხოლოდ და მხოლოდ კონსტიტუციური წყობილების დამხობა, ხოლო მთავრობის დამხობა არის კონსტიტუციური, მით უმეტეს მაშინ, როცა მთავრობა ფეხქვეშ ლახავს ყველაზე ფუნდამენტურ უფლებას – ადამიანის უფლებებს.რაც შეეხება 4 ოქტომბრის ეროვნულ კრებას, მზად ვარ ჩამოვიდე ბათუმში და დაწვრილებით მოგიყვეთ იმ ისტორიული დღის შესახებ. ჩემზე კარგად ამ ინფორმაციას ვერავინ ვერ მოგაწვდით, რადგან ეს იყო არა პოლიტიკური პარტიების მიერ ორგანიზებული, არამედ უფლებაშეზღუდული, თავისუფლება წართმეული და ცვლილებების აუცილებლობის  მსურველ მოქალაქეთა მიერ პროტესტის დემონსტრირება, რომლის მთავარი ორგანიზატორები ვიყავით ორნი – მე და „ქართული ოცნება“. რომ არა „ქართული ოცნება“ და მისი მოღალატეობრივი პოლიტიკა გარწმუნებთ ამ ეროვნული კრების ჩატარების აუცილებლობა არ იქნებოდა.დიდ იმედს ვიტოვებ, რომ თუ 4 ოქტომბერზე კიდევ გექნებათ შეკითხვები, მოგინდებათ ჩემგან სრული ინფორმაციის მიღება“, – აცხადებს პაატა ბურჭულაძე.  

აივნის კონსტრუქციის ნაწილი ჩამოინგრა და ახალგაზრდა კაცი მოყვა – შემთხვევა რუსთავში

რუსთავში, ჭყონდიდელის დასახლებაში, კერძო სახლის მშენებლობის დროს აივნის კონსტრუქციის ნაწილი ჩამოინგრა და 30 წლამდე კაცი მოიყოლა.საინფორმაციო სააგენტო „ინფო რუსთავის“ ინფორმაციით, დაშავებული ახალგაზრდა სასწრაფო დახმარების ეკიპაჟმა კლინიკა რუსთავში გადაიყვანა. მედიკოსების განმარტებით, პაციენტს ხერხემლის დაზიანება აღენიშნებოდა და ოჯახის წევრების სურვილით თბილისში სხვა კლინიკაში გადაიყვანეს.მომხდარზე დაწყებულია გამოძიება.

კემეროვოს ოლქში სამხედრო თვითმფრინავი ჩამოვარდა – ბორტზე მყოფი 17-ივე ადამიანი დაიღუპა…

რუსეთის კემეროვოს ოლქში სამხედრო თვითმფრინავი ჩამოვარდა, რის შედეგად ბორტზე მყოფი 17 ადამიანი დაიღუპა, - ინფორმაციას რუსული მედია ავრცელებს.რუსული მედიის ცნობით, კემეროვოს ოლქის სოფელ იაგუნოვოში „ან-12“-ის ტიპის სამხედრო თვითმფრინავი ჩამოვარდა.როგორც ცნობილია, თვითმფრინავს ცეცხლი ჯერ კიდევ ჰაერში გაუჩნდა, რის შემდეგაც ჩამოვარდა და აფეთქდა.გავრცელებული ინფორმაციით, თვითმფრინავის ბორტზე 17 ადამიანი იმყოფებოდა.ავიაკატასტროფის შედეგად თვითმფრინავის ბორტზე მყოფი ყველა პირი დაიღუპა.კემეროვოს ოლქის გუბერნატორმა ილია სერედიუკმა განაცხადა, რომ ადგილზე სამაშველო სამსახურები მუშაობენ.

გთხოვთ გაავრცელოთ-ოჯახი ახალგაზრდა ქალს ეძებს

ოჯახი ახალგაზრდა ქალს ეძებს. როგორც სოციალურ ქსელში გავრცელებულ პოსტში ვკითხულობთ, თამუნა კურტანიძე ბოლოს მცხეთაში ნახეს. ოჯახი საზოგადოებას დახმარებას სთხოვს.„მეგობრებო, ვეძებთ თამუნა კურტანიძეს. ბოლოს ნახეს გუშინ, ხაშურის ავტოსადგურზე. როგორც ცნობილია, მიკროავტობუსში ავიდა და ბოლოს მისი კვალი მცხეთაში დაფიქსირდა.გთხოვთ, თუ ვინმეს შეგხვედრიათ ან გაქვთ რაიმე ინფორმაცია მის შესახებ, დაუკავშირდით ოჯახს 555 02 03 43 ან დარეკეთ 112-ში / აცნობეთ პოლიციას. გთხოვთ, გააზიარეთ პოსტი“, - წერენ სოციალურ ქსელში.

ბოლო სიახლეები