„ტელეგრამის“ დამფუძნებელი პაველ დუროვი – საქართველო მნიშვნელოვანი ბიზნესჰაბი ხდება, ბოლო ხუთ წელიწადში ქვეყნის ეკონომიკა გაორმაგდა და წლიურად დაახლოებით 8%-ით იზრდება

ადიგენის მუნიციპალიტეტის სოფელ გომაროში მეწყერი ჩამოწვა. სტიქიამ საცხოვრებელი სახლები და ავტომობილები დააზიანა. როგორც ადგილობრივები წერენ, შემთხვევის შედეგად არავინ დაშავებულა.ინფორმაციასა და კადრებს ადგილობრივი მედია TOK2Region ავრცელებს.

ირანის წინააღმდეგ მასიური დარტყმის შესაძლებლობას განვიხილავ, უფრო მასიურის, ვიდრე ოდესმე. ამის შესახებ აშშ-ის პრეზიდენტმა, დონალდ ტრამპმა გამოცემა Axios-თან საუბარში განაცხადა.“განვიხილავ მასიურ დარტყმას. უფრო დიდს, ვიდრე ოდესმე. ახლოს ვარ გადაწყვეტილების მიღებასთან. სრულიად მზად ვართ ამისთვის”, - განაცხადა ტრამპმა.მან აღნიშნა, რომ ისრაელი “ორ წუთში შემოგვიერთდება თუ ვთხოვ,” მაგრამ დაამატა, რომ ირანის წინააღმდეგ ახალი ოპერაციის დასაწყებად “არავინ გვჭირდება”.ტრამპმა ასევე აღნიშნა, რომ დარტყმებში ისრაელის მონაწილეობას “შედეგები” ექნება, რაშიც, მედიის თანახმად, სავარაუდოდ, ისრაელისთვის ირანის პასუხს გულისხმობდა.ტრამპს საბოლოო გადაწყვეტილების მისაღებად საბოლოო ვადა არ დაუკონკრეტებია. ორმა სხვა ამერიკელმა მაღალჩინოსანმა გამოცემა - Axios საუბარში აღნიშნეს, რომ გადაწყვეტილება ჯერ მიღებული არაა და სამხედროებს ახალი ბრძანებები არ მიუღიათ.

ევროკავშირის სანქციების 21-ე პაკეტი ეროვნულ სირცხვილს ავლენს: ქართული აქტივები რუსეთის ომის მანქანის საკვებად გამოიყენება. ამის შესახებ საქართველოს მეხუტე პრეზიდენტი, სალომე ზურაბიშვილი სოციალურ ქსელში წერს.“ევროკავშირის სანქციების 21-ე პაკეტი ეროვნულ სირცხვილს ავლენს: ქართული აქტივები რუსეთის ომის მანქანის საკვებად გამოიყენება. კრემლისთვის თავის არიდების შესაძლებლობის მიცემით, ხელისუფლებაში მყოფნი ღალატობენ ჩვენს სუვერენიტეტს. საქართველოს ადგილი ევროპაშია, არასდროს ვიქნებით უკანა კარი რუსული აგრესიისთვის!”, - წერს ზურაბიშვილი.შეგახსენებთ, რუსეთის წინააღმდეგ ევროკავშირის სანქციების 21 პაკეტში ყულევის ნავთობგადამამუშავებელი ქარხანა მოხვდა - ქართული ქარხნის წინააღმდეგ ევროკავშირს სატრანზაქციო აკრძალვა შემოაქვს, რომელიც 6 თვეში შევა ძალაში. ასევე, ევროკავშირმა სანქციები დაუწესა კრიპტოვალუტასთან დაკავშირებულ 14 პლატფორმას, მათ შორის საქართველოში.

რუსეთის წინააღმდეგ ევროკავშირის სანქციების 21-ე პაკეტში ყულევის ნავთობგადამამუშავებელი ქარხანა მოხვდა. ამის შესახებ განცხადებას ევროკავშირის საბჭო ავრცელებს.ყულევის ქარხნის წინააღმდეგ სანქციები რუსეთის მიმართ სანქციების 21-ე პაკეტის ნაწილია.კერძოდ, ევროკავშირის საბჭოს თანახმად, ქართული ნავთობგადამამუშავებელი ქარხნის წინააღმდეგ ევროკავშირს სატრანზაქციო აკრძალვა შემოაქვს, რომელიც 6 თვეში შევა ძალაში.“ევროკავშირი სამიზნეში იღებს ნავთობის სექტორს, კერძოდ, ნავთობგადამამუშავებელ ქარხნებს. ის ასანქცირებს 18 იურიდიულ პირსა და 1 ფიზიკურ პირს ნავთობის სექტორში, მათ შორის 3 ნავთობგადამამუშავებელ ქარხანას რუსეთში, ასევე, მსხვილ ბელარუსულ ნავთობგადამამუშავებელ ქარხანას და კომპანიას, რომელიც რუსეთში ბელარუსული ნავთობპროდუქტების გაყიდვისთვის შეიქმნა.დამატებით, პაკეტი ქმნის შესაძლებლობას, აიკრძალოს ტრანზაქციები რუსეთსა და მესამე ქვეყნებში დასანქცირებულ ნავთობგადამამუშავებელ ქარხნებთან, რომლებიც რუსულ ნედლ ნავთობსა და ნავთობპროდუქტებს ამუშავებენ და გადაამუშავებენ. ამ ჩარჩოში ევროკავშირს სატრანზაქციო აკრძალვა შემოაქვს, რომელიც ძალაში ექვს თვეში შევა - ქართული ნავთობგადამამუშავებელი ქარხნის წინააღმდეგ, რომელიც რუსული ნავთობით ვაჭრობს და ამუშავებს ყულევში.მეტიც, ევროკავშირმა ხუთი ნავთობთრეიდერი დაამატა იმ სუბიექტებს, რომლებსაც ტრანზაქციების აკრძალვა დაეკისრათ რუსული ნედლი ნავთობისა და ნავთობპროდუქტების შესყიდვაზე აკრძალვის გამო”, - ნათქვამია განცხადებაში.

საქართველოს ტექნიკურმა უნივერსიტეტმა და ბრიტანულმა უნივერსიტეტმა ახალი ერთობლივი ინგლისურენოვანი სამაგისტრო პროგრამის - „კიბერუსაფრთხოება“ (Cybersecurity), შესახებ საინფორმაციო ვებინარი გამართეს. ამის შესახებ ინფორმაციას სტუ ავრცელებს.უნივერსიტეტის ცნობით, ვებინარის ფარგლებშიც პროგრამის ხელმძღვანელებმა, საქართველოს ტექნიკური უნივერსიტეტის პროფესორებმა მარიამ ჩხაიძემ და იოსებ ქართველიშვილმა, ბრიტანული უნივერსიტეტის ბიზნესის და ინოვაციების სკოლის დეკანმა ნინო ლობჟანიძემ, პროგრამაში ჩართულმა პროფესორებმა - ბრიტანული უნივერსიტეტის და Işık University-ის (სტამბოლი, თურქეთი) პროფესორმა ბარიშ ჩელიქთაშმა და სტუ-ს ასისტენტმა გიორგი მუშკუდიანმა დამსწრე საზოგადოებას დეტალურად გააცნეს პროგრამის სტრუქტურა, მიზნები, სასწავლო კომპონენტები, მიღების პირობები და კარიერული შესაძლებლობები.სტუ-ის ვიცე-რექტორის თქმით, 120-კრედიტიანი ერთობლივი ინგლისურენოვანი სამაგისტრო პროგრამა, რომელიც საქართველოს ტექნიკური უნივერსიტეტისა და ბრიტანული უნივერსიტეტის აკადემიური თანამშრომლობის ფარგლებში წელს პირველად იწყებს განხორციელებას, სტუდენტებს საერთაშორისო სტანდარტების შესაბამის განათლებას სთავაზობს და მოიცავს კიბერუსაფრთხოების თანამედროვე მიმართულებებს. როგორც პროფესორი თამარ წერეთელი აღნიშნავს, პროგრამა შემუშავებულია საერთაშორისო აკადემიური და პროფესიული მოთხოვნების გათვალისწინებით და მიზნად ისახავს მაღალკვალიფიციური კადრების მომზადებას იმ სფეროში, რომლის მნიშვნელობა გლობალური ციფრული ტრანსფორმაციის პირობებში ყოველდღიურად იზრდება.„კიბერუსაფრთხოება თანამედროვე მსოფლიოს ერთ-ერთი ყველაზე დინამიკურად განვითარებადი და სტრატეგიულად მნიშვნელოვანი მიმართულებაა. ჩვენი ახალი ერთობლივი სამაგისტრო პროგრამა სტუდენტებს მისცემს შესაძლებლობას, მიიღონ საერთაშორისო სტანდარტების შესაბამისი განათლება, დაეუფლონ თანამედროვე ტექნოლოგიებსა და პრაქტიკულ უნარებს, იმუშაონ მაღალკვალიფიციურ ქართველ და უცხოელ პროფესორებთან და გახდნენ კონკურენტუნარიანი სპეციალისტები როგორც ადგილობრივ, ისე საერთაშორისო შრომის ბაზარზე. პროგრამა კიდევ ერთი მნიშვნელოვანი ნაბიჯია საქართველოს ტექნიკური უნივერსიტეტის ინტერნაციონალიზაციის, აკადემიური თანამშრომლობის გაღრმავებისა და მაღალი ხარისხის განათლების განვითარების მიმართულებით“, - განაცხადა პროფესორმა თამარ წერეთელმა.სტუ-ის ინფორმაციით, ვებინარის მიმდინარეობისას მონაწილეებს შესაძლებლობა ჰქონდათ, პროგრამის ხელმძღვანელებისა და აკადემიური პერსონალისთვის მათთვის საინტერესო კითხვები დაესვათ.შეხვედრაზე განსაკუთრებული ყურადღება გამახვილდა სასწავლო პროცესის ორგანიზებაზე, საერთაშორისო აკადემიურ გარემოზე, კვლევით კომპონენტსა და იმ პროფესიულ პერსპექტივებზე, რომლებიც პროგრამის კურსდამთავრებულებს ელოდებათ. ასევე აღინიშნა, რომ სტუდენტები შეძლებენ მომზადებას ISC²-ის საერთაშორისო სერტიფიცირებისთვის, რაც პროგრამის მნიშვნელოვანი ღირსებაა, მიიღებენ მონაწილეობას საერთაშორისო სტაჟირების აქცელერაციის პროგრამებში და ისწავლიან საქართველოს ტექნიკური უნივერსიტეტისა და ბრიტანული უნივერსიტეტის თანამედროვე სასწავლო და კვლევითი ინფრასტრუქტურის გამოყენებით.ვებინარის ფარგლებში განხილულ იქნა კიბერუსაფრთხოების სფეროში არსებული გლობალური ტენდენციები და შრომის ბაზრის მოთხოვნები. სწავლის წარმატებით დასრულების შემდეგ კურსდამთავრებულებს ეძლევათ ფართო შესაძლებლობები დასაქმდნენ სახელმწიფო, თავდაცვის, საფინანსო, სატელეკომუნიკაციო, IT და საერთაშორისო ორგანიზაციებში ან გააგრძელონ სწავლა სადოქტორო საფეხურზე.ახალი ერთობლივი ინგლისურენოვანი სამაგისტრო პროგრამა „კიბერუსაფრთხოება“ უნივერსიტეტის საერთაშორისო თანამშრომლობის კიდევ ერთი მნიშვნელოვანი შედეგია, რომელიც ხელს შეუწყობს ქვეყანაში კიბერუსაფრთხოების სფეროს განვითარებას, თანამედროვე ცოდნის გავრცელებასა და მაღალი კვალიფიკაციის სპეციალისტების მომზადებას.