სტოლტენბერგი: ნატომ არ უნდა დაუშვას, რომ უკრაინაში რუსეთის შეჭრა ალიანსსა და მოსკოვს შორის ღია კონფლიქტში გადაიზარდოს
Read Time:29 Second
ნატომ არ უნდა დაუშვას, რომ უკრაინაში რუსეთის შეჭრა ალიანსსა და მოსკოვს შორის ღია კონფლიქტში გადაიზარდოს, – განაცხადა ნატოს გენერალურმა მდივანმა, იენს სტოლტენბერგმა.
„ჩვენ გვაქვს პასუხისმგებლობა, რომ ეს კონფლიქტი არ უნდა გასცდეს უკრაინის საზღვრებს და არ უნდა გახდეს რუსეთსა და ნატოს შორის სრულმასშტაბური ომი“, – განუცხადა ნატოს გენერალურმა მდივანმა საინფორმაციო სააგენტო AFP-ს.
იენს სტოლტენბერგის თქმით, უკრაინის თავზე არასაფრენი ზონის გამოცხადება დიდი ალბათობით სრულმასშტაბურ ომს გამოიწვევდა ნატოსა და რუსეთს შორის, რასაც უფრო მეტი ტანჯვა, სიკვდილი და ნგრევა მოჰყვებოდა.
„ეს ნიშნავს, რომ ჩვენ მზად უნდა ვიყოთ რუსული თვითმფრინავების ჩამოგდებისთვის, რადგან არასაფრენი ზონის გამოცხადება მხოლოდ მის დაწესებას არ ნიშნავს“, – აღნიშნა მან.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
