სომხეთში ვიზიტის ფარგლებში რატი ბრეგაძემ არმავირის ციხეში საქართველოს მოქალაქეები მოინახულა
Read Time:27 Second
იუსტიციის მინისტრმა რატი ბრეგაძემ სომხეთში ვიზიტის ფარგლებში არმავირის პენიტენციური დაწესებულება მოინახულა. იუსტიციის მინისტრმა ინფრასტრუქტურა დაათვალიერა და საქართველოს მოქალაქეებს გაესაუბრა, რომლებიც სასჯელს არმავირის ციხეში იხდიან. სომხეთში სასჯელს 7 საქართველოს მოქალაქე იხდის.
ქართულმა დელეგაციამ პენიტენციური დაწესებულების სარეჟიმო, სამედიცინო და სამზარეულო ნაწილები დაათვალიერა.
არმავირის ციხეში ინფრასტრუქტურის განახლების პროცესი მიმდინარეობს, ახალი დამონტაჟებულია ვიდეოსამეთვალყურეო სისტემა და ციხის მხოლოდ ერთი ნაწილია გარემონტებული.
ქართული დელეგაცია სომხეთში უკვე მეორე დღეა, იმყოფება. რატი ბრეგაძესთან ერთად სომხეთში არიან მინისტრის მოადგილეები – თამარ ტყეშელაშვილი და ბუბა ლომუაშვილი, საჯარო რეესტრის ეროვნული სააგენტოს თავმჯდომარე ოლეგ (ბაჩო) თორთლაძე და სპეციალური პენიტენციური სამსახურის ხელმძღვანელი ნიკა ცხვარაშვილი.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
