სოზარ სუბარი-პრეზიდენტის ინსტიტუტს მიაყენა შეურაცხყოფა, როცა არაჟნის ქილებთან ერთად შემოიპარა საქართველოში, მეეჭვება, რომელიმე პატიმრისთვის ეკითხა სად გირჩევნიათ გადაყვანაო
პარლამენტის რეგიონული პოლიტიკისა და თვითმმართველობის კომიტეტის თავმჯდომარე სოზარ სუბარი “ღამის კურიერში” ექსპრეზიდენტ მიხეილ სააკაშვილის გლდანის მე-18 დაწესებულებაში გადაყვანის კადრებს ეხმაურება.
როგორც :ღამის კურიერში” სოზარ სუბარმა აღნიშნა, საზოგადოებას ჰქონდა ამ კადრების ნახვის უფლება და უნდა სცოდნოდა, მართლა აწამეს ექსპრეზიდენტი თუ არა. მან სამართალდამცავებს მოთმინებისა და ღირსების გამო მადლობა გადაუხადა.
“კი, საზოგადოებას აქვს უფლება, როცა გვეუბნებიან, რომ მესამე პრეზიდენტი არის ნაწამები, ვიცოდეთ, მართლა აწამეს თუ არა. რომ არ ჰქონოდა ამ სპეკულაციებს ადგილი, ამიტომ დიახ, საზოგადოებას უნდა ენახა ეს კადრები, საზოგადოებამ ნახა ეს კადრები და ნახა, რომ არანაირი უფლების დარღვევა სააკაშვილის მიმართ არ ყოფილა. ნულოვანი უფლების დარღვევა მაშინ, როდესაც ის, რაც მან ჩაიდინა, იყო კიდევ მორიგი დანაშაული სახელმწიფო მოხელეების წინააღმდეგ.
ახლა რომ სახალხო დამცველი ვიყო ზუსტად იგივეს გავიმეორებდი, აბსოლუტურად.
პრეზიდენტის ინსტიტუტს მიაყენა შეურაცხყოფა ადამიანმა, რომელიც არაჟნის ქილებთან ერთად შემოიპარა საქართველოში, რომელმაც აგინა ციხის თანამშრომლებს, რომლებიც თავის კანონიერ მოვალეობას ასრულებდნენ და რომლებმაც მართლაც უმაღლესი დონის მოთმინება და ღირსება გამოავლინეს და მათ მადლობას ვუხდი ამისთვის.
პრეზიდენტის ღირსება შეურაცხყო, როდესაც არ დაემორჩილა მათ მოთხოვნას, როდესაც მათ მიაყენა ფიზიკური შეურაცხყოფა და როდესაც დაამტვრია სამედიცინო აპარატურა, შემდეგ მოიტყუა და ამ ტყუილს იმეორებდნენ ადვოკატები, რომლებიც ამბობდნენ, რომ თითქოს ხელი წაკრა რაღაცას ძიძგილაობის დროს, როდესაც მას ეძიძგილავებოდნენ თანამშრომლები და სინამდვილეში დავინახეთ, რომ მან დაამტვრია აბსოლუტურად გამიზნულად, შეგნებულად აპარატურა.
სააკაშვილი იყო იუსტიციის მინისტრი და ციხეებს ხელმძღვანელობდა; სააკაშვილი იყო საქართველოს პრეზიდენტი და ციხე იყო მისთვის მთავარი ფოკუსი, მთავარი საქმე. რაღაც მეეჭვება, რომ რომელიმე პატიმრისთვის როდესმე ეკითხა სად მიბრძანდებით, სად გირჩევნიათ გადაყვანა და იმის მიხედვით გადაეყვანა,” – განაცხადა სოზარ სუბარმა.
About Post Author
ქეთევან ნინუა
Comments
გურამ მაჭარაშვილი: ამერიკაში თუ დასაშვებია პოლიციის ძალის გამოყენება, თუ მანიფესტანტები არღვევენ წესრიგს, საქართველოში სხვანაირად მოქმედებს დემოკრატია?
თბილისში მიმდინარე აქციების დროს მსოფლიოს სხვადასხვა ქვეყნიდან პოლიციის ქმედებების არაერთგვაროვან შეფასებაზე გააკეთა კომენტარი „ხალხის ძალის“ აღმასრულებელმა მდივანმა გურამ მაჭარაშვილმა. როგორც...
სოზარ სუბარი: ვერ მივიღებთ ორმაგ სტანდარტს, რომ სხვაგან, თურმე მიღებულია 5 პოლიციელი ურტყამდეს ერთ ქალს, რომელიც ზის და არც კი ინძრევა და ჩვენთან, თურმე პოლიციას უფლება არ აქვს აღკვეთოს პარლამენტის შტურმი
როცა ვლაპარაკობთ დასავლურ გზასა და დასავლურ ინტეგრაციაზე, ჩვენც უნდა ვიყოთ თანასწორუფლებიანი და არა კოლონია, როგორც ეს ვიღაცას წარმოუდგენია სადღაც დასავლეთში....
ნიკა გვარამია: ახალი ქართული საზოგადოება იშვა. ვინც ამას ვერ ხვდება – ცოდოა. ვინც ამას წინააღმდეგობას უწევს – ისტორიის სანაგვეზეა
"ახალი ქართული საზოგადოება იშვა. ვინც ამას ვერ ხვდება - ცოდოა. ვინც ამას წინააღმდეგობას უწევს - ისტორიის სანაგვეზეა (უკვე)." - ამის...
გიორგი ვოლსკი: გარკვეულ საკითხებთან დაკავშირებით რეალური დიალოგი არა თუ შესაძლებელია, არამედ პრემიერ-მინისტრის შეთავაზებაა
გარკვეულ საკითხებთან დაკავშირებით რეალური დიალოგი არა თუ შესაძლებელია, არამედ პრემიერ-მინისტრის შეთავაზებაა, - ამის შესახებ „ქრონიკაში“ ჩართვისას პარლამენტის პირველმა ვიცე-სპიკერმა, გიორგი...
რატი ბრეგაძე: ჩვენ მოვიგეთ აბსოლუტურად ყველა დავა რუსეთის წინააღმდეგ და თუკი ვინმეს დღეს შეუძლია თქვას, რომ რუსეთი არის ოკუპანტი და ამას სამართლებრივად წყალი აღარ გაუვა, ეს არის სწორედ „ქართული ოცნების“ დამსახურება
ჩვენ მოვიგეთ აბსოლუტურად ყველა დავა რუსეთის წინააღმდეგ და თუკი ვინმეს დღეს შეუძლია თქვას, რომ რუსეთი არის ოკუპანტი და ამას სამართლებრივად...
პრემიერი: შარლ მიშელთან საუბრისას, გამოვთქვი სინანული იმის გამო, რომ პარტნიორები არაერთი შეთავაზების მიუხედავად, გამჭვირვალობის კანონპროექტზე საგნობრივ დისკუსიას თავს არიდებენ
„უცხოური გავლენის გამჭვირვალობის შესახებ“ და „ოჯახურ ღირებულებათა და არასრულწლოვანთა დაცვის შესახებ“ კანონპროექტებზე ვესაუბრე ევროპული საბჭოს პრეზიდენტს, შარლ მიშელს, – ამის...