სერჟ სარგსიანი სომხეთის პრემიერმინისტრად აირჩიეს
Read Time:31 Second
სომხეთის პარლამენტმა ქვეყნის პრემიერმინისტრად ყოფილი პრეზიდენტი სერჟ სარგსიანი დაამტკიცა. 105-წევრიან საკანონმდებლო ორგანოში, სერჟ სარგსიანის პრემიერად არჩევას 77-მა დეპუტატმა დაუჭირა მხარი, 17 წინააღმდეგი წავიდა.
სომხეთის კონსტიტუციის თანახმად, პრემიერმინისტრმა ხუთდღიან ვადაში მინისტრთა კაბინეტის შემადგენლობა უნდა წარადგინოს.
პრემიერმინსიტრის არჩევა ერევანში საპროტესტო აქციების ფონზე მიმდინარეობს. ოპოზიციური პარტიის “ელქის” ლიდერმა დეპუტატმა ნიკოლ ფაშინიანმა სახალხო ხავერდოვანი რევოლუციის დაწყების შესახებ განაცხადა.
ოპოზიციონერმა აქტივისტებმა სომხეთის სამთავრობო უწყებების შენობების ბლოკირება დაიწყეს. მომიტინგეებმა გენერალური პროკურატურის, საგარეო საქმეთა სამინისტროს, დიასპორის სამინისტროსა და სახელმწიფო შემოსავლების კომიტეტის შენობები დაბლოკეს.
სერჟ სარგსიანი სომხეთის პრეზიდენტი 2008-2018 წლებში იყო. მანამდე, ის ერთი წლის განმავლობაში სომხეთის მთავრობის მეთაური იყო, ასევე, იკავებდა თავდაცვის მინისტრის პოსტს (2000-2007 წლებში).
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0