საქართველოს ფუტსალის ნაკრებმა სერბეთი 4:3 დაამარცხა
Read Time:35 Second
საქართველოს ფუტსალელთა ნაკრებმა ევროპის ჩემპიონატის მზადების ფარგლებში ფინალური ეტაპის მონაწილე სერბეთის ნაკრებთან მეორე ამხანაგური შეხვედრა გამართა.
შეხვედრის პირველი ნახევრის მე-8 წუთზე ქართველმა ფეხბურთელებმა გახსნეს ანგარიში. გოლი ფრედ დამთავრებული პირველი მატჩის მსგავსად ახლაც ელისანდრომ გაიტანა. სებებს ანგარიშის გათანაბრების შანსი მალევე მიეცათ, მაგრამ თორნიკე ბუკიამ პენალტის მოგერიება მოახერხა.
მეორე ნახევრის დასაწყისში თალესმა და ისევ ელისანდრომ გაიტანეს გოლები სტუმართა კარში, 29-ე წუთზე კი ელისანდრომ ჰეტ-ტრიკი შეასრულა.
სტუმრებმა ბოლომდე იბრძოლეს და შეხვედრის დასრულებამდე 4 წუთით 1 გოლი გაქვითეს. იქვე მათ კიდე 2 გოლი გაიტანეს და სხვაობა მინიმუმადე შეამცირეს, თუმცა დარჩენილ სამ წუთში მეტი გატანა ვეღარ შეძლეს და საქართველოს ნაკრებმა შეხვედრა 4:3 მოიგო.
ამრიგად, საქართველოს ფუტსალის ნაკრებმა სერბეთთან ორმატჩიან რაუნდში ერთი შეხვედრა ფრედ დაასრულა, მეორეში კი გაიმარჯვა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
