საქართველოს დღის გმირები!!! სამშობლოსთვის მიძღვნილი სამი დიდი გამარჯვება!
Read Time:1 Minute, 20 Second
UFC-ის ქართველმა მებრძოლმა, მერაბ დვალიშვილმა UFC 298-ზე ჰენრი სეხუდო მსაჯების გადაწყვეტილებით დაამარცხა. ეს მისთვის ორგანიზაციაში ზედიზედ მეათე გამარჯვებაა.
ბაქოში მიმდინარე ძიუდოს გრანდ სლემის დასკვნით დღეს ილია სულამანიძე (100კგ) ოქროს მედლის მფლობელი გახდა და ჩვენს გუნდს შეჯიბრზე მეორე მედალი მოუპოვა.
ქართველმა ფინალში პოლონელი პიოტრ კუჩერა 43 წამში იპონით დაამარცხა და ბაქოს გრანდ სლემი ზედიზედ მეორედ მოიგო.
ტურნირზე დღეს გამომსვლელი ექვსი ქართველი – გურამ თუშიშვილი, შალვა გურეშიძე (ორივე – +100 კგ), ბაქარ ერაშვილი, აკაკი ჯაფარიძე (ორივე – 90 კგ), ონისე სანებლიძე (100 კგ) და სოფიო სომხიშვილი (+78) შეჯიბრებას ადრეულ ეტაპზე გამოეთიშნენ.
შეგახსენებთ, რომ 16 თებერვალს ეთერ ლიპარტელიანმა (57 კგ) ბრინჯაოს მედალი მოიპოვა.
2023 წელს საქართველოს ნაკრებმა ბაქოში 17 ძიუდოისტით იასპარეზა. ილია სულამანიძე (100 კგ) ჩემპიონი გახდა, გურამ თუშიშვილმა (+100 კგ) და ეთერ ლიპარტელიანმა (57 კგ) კი ვერცხლის მედლები მოიპოვეს.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
