საგზაო უსაფრთხოების მართვის მექანიზმებზე დოკუმენტი მომზადდება
Read Time:34 Second
საქართველოს ეკონომიკისა და მდგრადი განვითარების სამინისტროსა და გაეროს ევროპული ეკონომიკური კომისიის თანამშრომლობით, პროექტის „შერჩეულ განვითარებად და გარდამავალი ეკონომიკის მქონე ქვეყნებში საგზაო უსაფრთხოების მართვის შესაძლებლობების გაძლიერება“ დასკვნითი ღონისძიება მიმდინარეობს.
პროექტის მთავარ მიზანს საგზაო უსაფრთხოების სფეროში ბენეფიციარი ქვეყნებისთვის კრიტიკული ასპექტების და პრიორიტეტული საჭიროებების განსაზღვრისთვის საგზაო უსაფრთხოების მიმოხილვის დოკუმენტის მომზადება წარმოადგენს.
შეხვედრის გახსნაში მონაწილეობა მიიღო საქართველოში გაეროს ადგილობრივმა კოორდინატორმა ნილს სკოტმა. აღსანიშნავია, რომ დოკუმენტის მომზადებაში საქართველოს მხრიდან ასევე ჩართულები იყვნენ არასამთავრობო ორგანიზაციები. პროექტის ფარგლებში მომზადებული დოკუმენტი მნიშვნელოვნად დაეხმარება საგზაო უსაფრთხოების საკითხებში ჩართულ მხარეებს სფეროში არსებული გამოწვევებისა და პრობლემების უკეთ გაანალიზებაში და მათი შესაძლო გადაჭრის გზების იდენტიფიცირებაში, რის შედეგადაც გაუმჯობესდება დღესდღეობით არსებული მიდგომები ქვეყანაში საგზაო უსაფრთხოების უზრუნველსაყოფად. დოკუმენტს ექნება აგრეთვე დადებითი ეფექტი ამ მიმართულებით საზოგადოების ცნობიერების ამაღლების კუთხით.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0