რუსეთის დამარცხების შემდეგ, ბორჯღალოსნებმა რაგბი ევროპის ჩემპიონატის თასი აღმართეს.
საქართველოს მორაგბეთა ეროვნულმა ნაკრებმა რუსი მოწინააღმდეგეები 16:7 დაამარცხა. შეხვედრის დასრულების შემდეგ, ქართველმა სპორტსმენებმა რაგბი ევროპის ჩემპიონატის თასი აღმართეს.
პირველი ლელო მატჩის 46-ე წუთზე, ვასილ ლობჟანიძემ დადო და ანგარიშიც გაიხსნა. რამდენიმე წუთში თედო აბჟანდაძემ თავი ჯარიმით გამოიჩინა და ანგარიში 10:0 გახადა. 61-ე წუთზე ლელო რუსეთის ნაკრებმაც დადო და სხვაობა 3-მდე შემცირდა (10:7). შეხვედრის 66 წუთზე თავი კვლავ ჯარიმით გამოიჩინა თედო აბჟანდაძემ და ანგარიში 13:7 გახდა. მატჩის 74 წუთზე თედო აბჟანდაძემ კიდევ ერთი ჯარიმა გაიტანა. შედეგად, შეხვედრის საბოლოო ანგარიში, 16:7 დაფიქსირდა.
საქართველოს ნაკრებმა რაგბი ევროპის ჩემპიონატის გათამაშება 23 ქულითა და 5/5 გამარჯვებით დაასრულა.
აღსანიშნავია, რომ ამ შეხვედრას, სატურნირო თვალსაზრისით, საქართველოს ნაკრებისთვის მნიშვნელობა აღარ აქვს, რადგან ქართველმა სპორტსმენებმა შარშან, ერთი ტურით ადრე, უკვე გაინაღდეს რაგბი ევროპის ჩემპიონის ტიტული.
თამაშს პირდაპირ ეთერს ტელეკომპანია „იმედი“ გადასცემდა. 2020 წლის რაგბი ევროპის ჩემპიონატის დასკვნით შეხვედრას, კოვიდპანდემიით გამოწვეული შეზღუდვების გამო, გულშემატკივარი ვერ დაესწრო.
შერკინების პირველ ხაზში ორწლიანი შესვენების შემდეგ დაბრუნდა გამოცდილი ბურჯი ზურაბ ჟვანია, რომელიც ბექა გიგაშვილს შეუწყვილდა, კვაჭი კი შალვა მამუკაშვილი იყო. აღსანიშნავია, რომ უკანასკნელი 18 მატჩიდან, 17 შემთხვევაში მამუკაშვილი ძირითად შემადგენლობაში იყო.
მეორე ხაზში ერთმანეთს პირველად შეუწყვილდნენ ლაშა ჯაიანი და გიორგი ჯავახია. ჯავახიას ნაკრების კვართით ოთხჯერ ჰქონდა ნათამაშები, თუმცა ყველა ჯერზე შეცვლაზე შედიოდა და ახლა სასტარტოში პირველად იყო.
2018 წლის ივნისის შემდეგ, სასტარტო შემადგენლობაში პირველად იყო მიხეილ გაჩეჩილაძე. მეორე ფლანკერი ბექა საღინაძე იყო, რომელმაც ამ პოზიციაზე ადგილი დაიმკვიდრა, ხოლო შერკინების შემკვრელად ახალგაზრდა თორნიკე ჯალაღონია ვიხილეთ.
About Post Author
ქეთევან ნინუა
Comments
ილია სულამანიძე ევროპოს ვიცე-ჩემპიონია
ხორვატიის დედაქალაქ ზაგრებში მიმდინარე ევროპის ჩემპიონატზე ილია სულამანიძემ (100 კგ) ვერცხლის მედალი მოიპოვა. ქართველმა ფინალი ნეიტრალური დროშით მოასპარეზე მატვეი კანიკოვსკისთან...
ეთერ ლიპარტელიანმა ევროპის ჩემპიონატზე ბრინჯაოს მედალი მოიპოვა
ხორვატიის დედაქალაქ ზაგრებში მიმდინარე ევროპის ჩემპიონატზე ეთერ ლიპარტელიანი (57კგ) ბრინჯაოს მედლის მფლობელი გახდა. მესამე ადგილისთვის დაპირისპირებაში მან სერბი პერისიჩი დამატებით...
ვაჟა მარგველაშვილი ევროპის ჩემპიონია
ხორვატიის დედაქალაქ ზაგრებში მიმდინარე ევროპის ჩემპიონატზე ძიუდოში ვაჟა მარგველაშვილი (66კგ) ოქროს მედლის მფლობელია გახდა. ქართველმა ფინალში თურქ მუჰამედ დემირელს სძლია...
ევროპის ჩემპიონატზე ქართველების მეტოქეები ცნობილია – ფინალური ბლოკის პირდაპირი რეპორტაჟები პირველ არხზე
ხორვატიის დედაქალაქი ზაგრები 25-28 აპრილს ძიუდოში ევროპის ჩემპიონატს უმასპინძლებს. ტურნირის ოთხივე დღის ფინალური ბლოკის პირდაპირ ტელერეპორტაჟებს საქართველოს პირველი არხი 19:00 საათიდან შემოგთავაზებთ. გაიმართა პირველობის წილისყრა,...
„ლიგა 1-დან და პრემიერლიგიდან“ – ევროპული კლუბები კვარაცხელიათი ინტერესდებიან
„ნაპოლი“ შეიძლება ზაფხულის სატრანსფერო პერიოდში ხვიჩა კვარაცხელიამ დატოვოს. როგორც ცნობილი ჟურნალისტი ეკრემ კონური იტყობინება, 23 წლის ქართველით ლიგა 1-დან და...
მოულოდნელი ინციდენტი სტადიონზე-ვინ არის ფეხბურთელი რომელცავ მატჩის დროს გულის შეტევა დაემართა
სერია A-ს 32-ე ტურში "უდინეზესა" და "რომას" მატჩის 72-ე წუთზე "ჯალოროსის" მცველმა ევან ნდიკამ ხელი მკერდზე მოიკიდა და გაზონზე დაწვა....