რომის პაპი ლეო XIV ტრამპის მხრიდან მორიგი კრიტიკის შემდეგ აცხადებს, რომ მშვიდობაზე საუბრით ქრისტიანული გზავნილის გავრცელება სურს

გუ­შინ სო­ცი­ა­ლურ ქსელ­ში გავ­რცელ­და ინ­ფორ­მა­ცია, რომ კონ­სტი­ტუ­ცი­ო­ნა­ლისტ ვახ­ტანგ ხმა­ლა­ძეს სა­ზო­გა­დო­ე­ბის დახ­მა­რე­ბა სჭირ­დე­ბა. ინ­ფორ­მა­ცია სო­ცი­ა­ლურ ქსელ­ში მის­მა დის­შვილ­მა გა­ავ­რცე­ლა."ჩემს ბი­ძას, ვახ­ტანგ ხმა­ლა­ძეს, ფი­ზი­კოსს და კონ­სტი­ტუ­ცი­ო­ნა­ლისტს, რო­მელ­მაც მთე­ლი ცხოვ­რე­ბა გა­ნათ­ლე­ბას, ქარ­თუ­ლი სა­ხელ­მწი­ფოს გან­ვი­თა­რე­ბა­სა და წინსვლას მი­უ­ძღვნა, ახლა თქვე­ნი მხარ­ში დგო­მა სჭირ­დე­ბა. მას ჯან­მრთე­ლო­ბის პრობ­ლე­მის გამო ესა­ჭი­რო­ე­ბა სა­ზღვარ­გა­რეთ მკურ­ნა­ლო­ბა. არ­ტე­რი­ის ეს კონ­ცერ­ტიც ამას ეძღვნე­ბა" - და­წე­რა თა­მუ­ნა ჯა­ფა­რი­ძემ.

26 მაისის აქციაზე მესმის და ვკითხულობ სხვადასხვა ტექსტს: ასჯერ გამოვედით და მერე რა, ვიდრე ალტერნატივა არ გამოჩნდება, არაფერს აზრი არ აქვს, ოპოზიცია არ ვარგა – ყველა უნიჭო ამას იმეორებს, თითქოს ვინმეს განსაკუთრებული ვალდებულებები გვქონდეს, სასწაულები ჩავიდინოთ, – ამის შესახებ „გირჩი – მეტი თავისუფლების“ ლიდერმა, ზურაბ ჯაფარიძემ ფეისბუქლაივის დროს განაცხადა.მისივე თქმით, 26 მაისს თსუ-დან მსვლელობა გაიმართება პარლამენტის შენობისკენ.„26 მაისს, 19:00 საათზე დაანონსებულია აქცია, თსუ-დან მსვლელობა პარლამენტის შენობისკენ. ალიანსმა დააანონსა. შემდეგ მესმის და ვკითხულობ სხვადასხვა ტექსტს ამ აქციაზე: რა არის მიზანი, რატომ უნდა გამოვიდეთ, ასჯერ გამოვედით და მერე რა, ვიდრე ალტერნატივა არ გამოჩნდება, არაფერს აზრი არ აქვს, ოპოზიციის ბრალია ყველაფერი, ოპოზიცია არ ვარგა. ეს კლასიკაა უკვე. ყველა უნიჭო და უტრაკო ამას იმეორებს ოცდაოთხი შვიდზე, სოციალურ ქსელში იქნება თუ ტელევიზორში. თითქოს ვინმეს, ან მე, ან რომელიმე სხვა მოქალაქეს რაღაც განსაკუთრებული ვალდებულებები გვქონდეს, სასწაულები ჩავიდინოთ. კიდევ არის ის, რომ პარტიები ვერ ამობილიზებენ ხალხსო. გეგონება, მე სადმე ბუჩქებში მყავდეს ხალხი დამალული და ამ ხალხის გამოყვანა მეზარებოდეს. მოკლედ, ტონა აზრია. ერთ სულზე ოცი აზრი მოდის, მათ შორის, ხშირად ურთიერთგამომრიცხავი. ისიც არ მესმის, რატომ ფიქრობს ვინმე, რომ ხალხის გაღვიძების ვალდებულება გაქვს, რადგან პოლიტიკოსი გქვია. კაი, ნუ გაატრაკე, მართლა, კაცო! პოლიტიკოსი მქვია და ამიტომ რაღაც განსაკუთრებული ვალდებულებები მაქვს? ვისაც პოლიტიკოსებს ეძახით, რამდენი ადამიანია ეგეთი, ორი ათეული ალბათ, ეგ ხალხი რომ უცებ პენსიაზე გავიდეს, ჩემი ჩათვლით, ან უბრალოდ ვთქვათ, რომ დავიღალეთ, მოგვბეზრდა, აღარ გვინდა, შვილებს, გვინდა, მივხედოთ, ან შეიძლება დაგვიჭირონ, ან, მაგალითად, აგერ გვკრძალავენ, შემდეგ შენ რას აპირებ? კონკრეტულად შენ, ბრძნულ აზრებს რომ აფრქვევ, მაგით რომ ხარ დაკავებული ან მაგასაც არ აკეთებ? შემდეგ ვისკენ იშვერ თითს და როგორ აგრძელებ ამ რაღაც უთავმოყვარეო წუმპეში ცხოვრებას? მერე ვის აბრალებ ყველაფერს, მათ შორის, საკუთარ სიმხდალესა და უუნარობას? ალბათ მოიგონებ რამეს, ენას ძვალი არ აქვს. სხვა თუ არაფერი, გადაბარგდები იმ მრავალრიცხოვანი ადამიანების რიგებში, რომლებიც ახლა ელოდებიან ახალი ქართველი მადიარის გამოჩენას ან რუსეთის დაშლას, რადგან ამ წუთში ეგ არის ყველაზე უსაფრთხო, თან მოდური თავშესაფარი ყველა შეშინებულისთვის ან ნაადრევად დაღლილისთვის“, – განაცხადა ზურაბ ჯაფარიძემ.ზურაბ ჯაფარიძემ ისაუბრა იმ მიზეზებზე, რატომაც, მისი აზრით, ხალხი 26 მაისს აქციაზე უნდა გავიდეს.„იმავეს გავიმეორებ, რაც ათასჯერ მითქვამს. ასეთი რეჟიმები ყოველთვის დგას ტყუილებზე. ტყუილი არის რეჟიმის სისხლი. მის გარეშე ის უბრალოდ ჩამოიშლება. ერთ-ერთი მთავარი ტყუილი, რაზეც ეს რეჟიმი დგას და მისი მილიონერი მსახურები დგანან, არის ის, რომ ისინი თითქოს უმრავლესობა არიან. ყოველ ჯერზე, როდესაც ქუჩაში გამოდის ბევრი ხალხი, ეს მითი ინგრევა. მათ ნაყიდ თუ დაშინებულ მხარდამჭერებში ჩნდება ბზარი. „იმედის“, „პოსტივის“ და „რუსთავი 2“-ის პროპაგანდას აკლდება ძალა ყოველთვის, როცა ბევრი ხალხი გამოდის ქუჩაში. იმედი უჩნდებათ სისტემის სამსახურში მყოფ ადამიანებს, რომლებსაც ასევე ყელში აქვთ ამოსული ეს რეალობა, შეიძლება ჩვენზე მეტადაც კი, შეიძლება ჩვენზე მეტადაც უნდოდეთ ცვლილებები, ასევე ციხეში მყოფ ადამიანებს, რომლებიც მხოლოდ საჩვენებლად დასაჯეს, რომ სხვებმა ვერ გაბედონ ხმის ამოღება, ნაწამებ ადამიანებს, რომლებმაც ვერ იპოვეს სამართალი, ჯოჯოხეთი გაიარეს. ბოლოს და ბოლოს, ჩვენ ვხედავთ ერთმანეთს, რომ ისევ იქ ვართ, ისევ ვაგრძელებთ ბრძოლას, ერთმანეთს რაღაცნაირად ვავსებთ იმედით, რწმენით. ჩვენი მეგობრები ხედავენ, რომ ვაგრძელებთ ბრძოლას და მათაც მეტი მოტივაცია უჩნდებათ, რაღაცნაირად დაგვეხმარონ. ბევრნი თუ გამოვდივართ, მაშინ ხდება ეს, მაგრამ რაიმე მიზეზით – უიმედობის, დაღლილობის, სიზარმაცის, გაურკვევლობის გამო როდესაც რჩები სახლში, რეჟიმი უფრო მარტივად ყიდის თავისი ტყუილების კასკადს, რომ ისინი არიან უმრავლესობა, ისინი წარმოადგენენ ქართველ ხალხს, რომ ხალხში პროტესტი, ბრაზი, ცვლილებების სურვილი არ არის ან აღარ არის, ჩვენ შევეგუეთ იმას, რომ ახალგაზრდები აწამეს, გოგოები სცემეს, ქალები, რომლებიც ღირსებას იცავდნენ, ციხეში ჩასვეს, ქვეყანა მოაქციეს სრულ იზოლაციაში, ცხოვრება გააძვირეს, ქაჯები, უნიჭოები აღაზევეს და დაგვასვეს თავზე, ფუფუნებაში, სასახლეებში ცხოვრობენ; იპარავენ ბაგა-ბაღების, ჯარისკაცების, მოხუცთა თავშესაფრების ფულებს, სახლში, სეიფში ულაგიათ მილიონები და ოქროს ზოდები. მათ შორის, ის ადამიანები, რომლებსაც პრემიერსა და პრეზიდენტს ეძახიან, ლაქიებად ჰყავს დაყენებული ვიღაც ფულიან კაცს. ის ორი მთელი მონდომებით, სიამაყით ასრულებს ამ როლებს. ამ ყველაფერს თუ გააპროტესტებ, მათ შორის, შეიძლება, ტროტუარზე დგომის გამო გაგიშვან ციხეში ერთი წლით. სახლში როდესაც რჩები, თითქოს ამ ყველაფერს შევეგუეთ. ყოველ ჯერზე, როდესაც რჩები სახლში, ამას აწერ ხელს. რეჟიმის პროპაგანდა ამას გაყიდის, რომ დაგაკარგვინა არა უბრალოდ ყველაფერი, რასაც მთელი ცხოვრება გასწავლიდნენ და რაც საამაყოდ გქონდა, არამედ ადამიანობა, გაქცია პირუტყვად, რომ აღარ გინდა და აღარ შეგიძლია ხმის ამოღება. ამიტომ უნდა გამოხვიდე 26 მაისს, დაამტკიცო საწინააღმდეგო, რომ ხარ ისევ ადამიანი. პირველ რიგში, დაუმტკიცო საკუთარ თავს, თორემ სხვების თვალში რა გამოჩნდები, მაგას რა დიდი მნიშვნელობა აქვს. 26 მაისი არის დამოუკიდებლობის დღე, 26 მაისი თავისთავად არის ძალიან მნიშვნელოვანი თარიღი. ისედაც ცხადია, ამ დღეს უნდა გამოვდიოდეთ გარეთ, მაგრამ ამ წუთში ვართ სხვა რეალობაში, სხვა ბრძოლაში და უფრო ფუნდამენტური რაღაცები გაქვს მოსაგვარებელი, რათა დამოუკიდებლობაც არ დავკარგოთ ან დამოუკიდებლობას რაიმე ფასი, შინაარსი, აზრი, ღირებულება ჰქონდეს. 26 მაისს, 19:00 საათზე თსუ-თან, გადაეცით ყველას“, – განაცხადა ჯაფარიძემ.

2026 წლის 23 აპრილს მროველ-ურბნელმა მიტროპოლიტმა იობმა (აქიაშვილი) წერილობითი თხოვნით მიმართა თბილისის სასულიერო აკადემიისა და სემინარიის რექტორს, პროტოპრესვიტერ გიორგი ზვიადაძეს, რათა მცხეთის სასულიერო სემინარიაში მიღებული განათლების შესაბამისად მისცემოდა დიპლომის ასლი, – ამის შესახებ საქართველოს საპატრიარქოს საზოგადოებასთან ურთიერთობის სამსახურის მიერ გავრცელებულ ინფორმაციაშია ნათქვამი.საპატრიარქოს ცნობით, აღნიშნულ საკითხთან დაკავშირებით, თბილისის სასულიერო აკადემიასა და სემინარიაში დაიწყო საქმის წარმოება, რაც ითვალისწინებდა, თავის მხრივ, მიტროპოლიტ იობის მიერ სწავლის დამადასტურებელი შესაბამისი დოკუმენტის მოძიებას.„თბილისის სასულიერო აკადემიამ და სემინარიამ საქართველოს საპატრიარქოს არქივში დაიწყო მასალის მოძიება. მოძიებულ მასალაზე დაყრდნობით, ასევე სრულიად საქართველოს კათოლიკოს-პატრიარქის, უწმინდესისა და უნეტარესის, ილია II-ის 2017 წლის 20 ოქტომბრის N134 ბრძანების საფუძველზე, მიმართა სასწავლებლის ბაკალავრის აკადემიური ხარისხის მიმნიჭებელ კომისიას შესაბამისი მტკიცებულებებით. აღნიშნული კომისიის სხდომა გაიმართა ამა წლის 5 მაისს, 13:00 საათზე.კომისიამ მტკიცებულებებისა და მოწმეთა ჩვენებების საფუძველზე, აღიარა მიტროპოლიტ იობის მიერ მიღებული განათლება და მიანიჭა მას თეოლოგიის ბაკალავრის აკადემიური ხარისხი“, – ნათქვამია საქართველოს საპატრიარქოს საზოგადოებასთან ურთიერთობის სამსახურის მიერ გავრცელებულ ინფორმაციაში.

ევროპარლამენტის საგარეო საქმეთა კომიტეტმა 53 ხმით 14-ის წინააღმდეგ კენჭი უყარა საქართველოს შესახებ ანგარიშს, რომელიც მომხსენებელ რასა იუკნევიჩიენეს მიერ იყო წარდგენილი.ეს არის მეორე ანგარიში საქართველოს, როგორც ევროკავშირის კანდიდატი ქვეყნის შესახებ, რომელიც მომზადებულია საქართველოს შესახებ ევროკომისიის 2025 წლის ანგარიშის გათვალისწინებით. შემდეგ ეტაპზე ანგარიში კენჭისყრისთვის ევროპარლამენტს გადაეგზავნება.ანგარიშში ევროპარლამენტარები აცხადებენ, რომ კანდიდატი ქვეყნის, საქართველოს მიმართ ევროკავშირის შემდგომი ჩართულობა მკაცრად უნდა იყოს დამოკიდებული იმაზე, გადაუხვევს თუ არა მთავრობა ანტიდემოკრატიულ, ანტიევროპულ კურსს.ანგარიშში ნათქვამია, რომ საქართველოში დემოკრატიული უკუსვლის სერიოზული გაგრძელების ფონზე ევროპარლამენტარები სინანულით აღნიშნავენ, რომ მმართველმა პარტიამ, „ქართულმა ოცნებამ“ არანაირი ნაბიჯი არ გადადგა ნეგატიური ტენდენციების უკუქცევისთვის. მოხსენებაში ხაზგასმულია, რომ ევროკავშირის და წევრი სახელმწიფოების ქართულ ხელისუფლებასთან ჩართულობა მკაცრად უნდა იყოს დამოკიდებული იმაზე, გადადგამს თუ არა ხელისუფლება ხელშესახებ და გადამოწმებად ნაბიჯებს — დემოკრატიული რეგრესის, რეპრესიების და რუსული სტილის ანტიევროკავშირული დეზინფორმაციის შეჩერების მიმართულებით.ანგარიშის თანახმად, დოკუმენტი გამოხატავს სრულ სოლიდარობას ქართველი ხალხის მიმართ, რომელიც კვლავ მიისწრაფის ევროპული და დემოკრატიული საქართველოსთვის. ამასთანავე, მოხსენება ინარჩუნებს ევროპარლამენტის წინა პოზიციას საქართველოს პარლამენტის და მის მიერ დანიშნული პრეზიდენტის ლეგიტიმურობის არაღიარების შესახებ.„სამწუხაროდ, კვლავ მოგახსენებთ, რომ საქართველოში პროგრესი არ შეიმჩნევა; პირიქით, ქვეყანა სწრაფად აგრძელებს ჩაძირვას ავტორიტარული მმართველობის ჭაობში. „ქართული ოცნების“ ხელისუფლებამ გაააქტიურა რეპრესიები ოპოზიციური პარტიების, დამოუკიდებელი მედიისა და სამოქალაქო საზოგადოების წინააღმდეგ, ამავდროულად სისტემატურად ანგრევს დემოკრატიულ ინსტიტუტებს. პოლიტიკური პატიმრები კვლავ უკანონოდ არიან დაკავებული, ხოლო სახაროვის პრემიის ლაურეატი მზია ამაღლობელი კვლავ რჩება პატიმრობაში სათანადო საერთაშორისო რესურსებზე ხელმისაწვდომობის გარეშე. პოლიტიკური პატიმრების არსებობა ძირეულად შეუთავსებელია საქართველოს ვალდებულებებთან ევროკავშირი-საქართველოს ასოცირების შეთანხმების ფარგლებში“, – განაცხადა მომხსენებელმა რასა იუკნევიჩიენემ.როგორც იუკნევიჩიენემ აღნიშნა, დროა, ევროკავშირის მასშტაბით კოორდინირებული სანქციები დაწესდეს პასუხისმგებელი პირების წინააღმდეგ.„ამ კონტექსტში მოხსენება ცხადყოფს, რომ ხელისუფლებასთან ნებისმიერი ჩართულობა მკაცრად უნდა იყოს დამოკიდებული კონკრეტული და გადამოწმებადი ნაბიჯებით ამ კურსის უკუქცევისთვის, და კვლავ მოუწოდებს ევროკავშირის წარმომადგენლებს, თავი შეიკავონ რეჟიმის ლეგიტიმაციისგან პოლიტიკური კონტაქტების გზით. ამიტომ ღრმა იმედგაცრუებას იწვევს ის, თუ რამდენად ცოტა გაუკეთებიათ ევროკავშირის წევრ სახელმწიფოებს ამ მოვლენებზე რეაგირებისთვის. ახლა უკვე დროა, გადავიდეთ  ევროკავშირის მასშტაბით კოორდინირებული  სანქციების დაწესებაზე რეპრესიებისა და სახელმწიფოს მიტაცებაში პასუხისმგებელი პირების წინააღმდეგ. იმედი გვაქვს უნგრეთის მომავალი მთავრობის, რომ საბოლოოდ მოხსნას ბლოკადა და მისცეს საშუალება, მიზანმიმართული ღონისძიებები გატარდეს ბიძინა ივანიშვილის და „ქართული ოცნების“ ხელმძღვანელობის წინააღმდეგ“, – განაცხადა იუკნევიჩიენემ.„ევროპარლამენტარები, რომლებიც დიდი ხანია, 2024 წლის ოქტომბრის საქართველოს საპარლამენტო არჩევნებს გაყალბებულად მიიჩნევენ, გმობენ „ქართული ოცნების“ მიერ სრული ავტოკრატიისკენ გააქტიურებულ სვლას. ეს მოიცავს: დაუსჯელობის სისტემის შექმნას პოლიტიკური რეპრესიებისთვის პასუხისმგებელი მაღალჩინოსნებისა და ინსტიტუტებისთვის; ჟურნალისტებისა და ადამიანის უფლებადამცველების შევიწროებას; ოპოზიციური ფიგურების დევნას; ოპოზიციური ხმების, დამოუკიდებელი მედიის და სამოქალაქო საზოგადოების წინააღმდეგ მიმართული შემზღუდველი კანონმდებლობის მიღებას; ოპოზიციური პარტიების აკრძალვის მცდელობებს და პლურალისტური საარჩევნო გარემოს განადგურებას; საგანმანათლებლო დაწესებულებებზე ცენტრალიზებული კონტროლის დამყარებას; ასევე, სამართალდამცველთა მხრიდან მომიტინგეებზე, დაკავებულებსა და პოლიტიკურ პატიმრებად მიჩნეული პირების მიმართ ძალის გადაჭარბებული გამოყენების, წამებისა და არაადამიანური მოპყრობის ბრალდებებს“, – ნათქვამია ანგარიშში.ანგაირიშის თანახმად, ევროპარლამენტარები მოუწოდებენ საქართველოს ხელისუფლებას, აამოქმედოს დამოუკიდებელი ანგარიშვალდებულების მექანიზმები დამნაშავეთა პასუხისგებაში მიცემის მიზნით გააუმჯობესოს საარჩევნო გარემო, მათ შორის, დამოუკიდებელი და მიუკერძოებელი საარჩევნო ადმინისტრაციის შექმნის გზით გაუმკლავდეს ოლიგარქიზაციის პრობლემას და გააუქმოს რეპრესიული საკანონმდებლო აქტები. მოხსენება ასევე მოუწოდებს საქართველოს, გაათავისუფლოს პოლიტიკური პატიმრები და ხაზს უსვამს, რომ ასეთი პატიმრების მხოლოდ არსებობაც კი შეუთავსებელია ევროკავშირ-საქართველოს ასოცირების შეთანხმებიდან გამომდინარე ვალდებულებებთან.ევროპარლამენტარები მოუწოდებენ ევროკავშირის ყველა ქვეყანას, მიიღოს კოორდინირებული, ევროკავშირის მასშტაბის შეზღუდვითი ღონისძიებები ყველა პასუხისმგებელი პოლიტიკოსის, მაღალჩინოსნისა და ხელშემწყობის წინააღმდეგ — სანქციების სიების გაფართოების, სახელმწიფოს მიტაცებაში, რეპრესიებსა და რეჟიმის მიერ დაფინანსებულ პროპაგანდაში პასუხისმგებელ პირთა ქონების სრული გაყინვისა და სავიზო შეზღუდვების ჩათვლით. ევროპარლამენტარები დაჟინებით მოუწოდებენ ევროკავშირს, დაუყოვნებლივ დააწესოს პირადი, მიზანმიმართული სანქციები „ქართული ოცნების“ დამფუძნებლის და ყოფილი პრემიერ-მინისტრის, ბიძინა ივანიშვილის, მისი ოჯახის წევრებისა და მისი კომპანიების წინააღმდეგ, ხოლო ევროკავშირს მოუწოდებენ, გაყინოს მისი აქტივები და ითანამშრომლოს სხვა იურისდიქციებთან, კერძოდ, გაერთიანებულ სამეფოსთან და შეერთებულ შტატებთან. ანგარიშში ნათქვამია, რომ იმ შემთხვევაში, თუ ევროპულ საბჭოში ამ საკითხში ერთსულოვნება ვერ იქნება მიღწეული, წევრმა სახელმწიფოებმა გამოიკვლიონ სხვა კოლექტიური მექანიზმები ეფექტიანი და ერთიანი ევროკავშირის პასუხის უზრუნველსაყოფად.ევროპარლამენტარები ასევე გამოხატავენ შეშფოთებას საქართველოს ხელისუფლების მიერ რუსეთის წინააღმდეგ ევროკავშირის სანქციების შესაძლო გვერდის ავლის ხელშეწყობასთან დაკავშირებით. ამასთანავე, ხელახლა ადასტურებენ მტკიცე მხარდაჭერას საქართველოს სუვერენიტეტისა და ტერიტორიული მთლიანობისადმი და მკაცრად გმობენ საქართველოს რეგიონების, აფხაზეთისა და ცხინვალის/სამხრეთ ოსეთის რუსულ ოკუპაციას. მოხსენება მოუწოდებს მტკიცე ქმედებებისკენ, მათ შორის: ევროკავშირის შემზღუდველ ზომებთან სრულ შესაბამისობას, ეფექტიანი მონიტორინგისა და აღსრულების მექანიზმებს და გამჭვირვალე თანამშრომლობას ევროკავშირის ინსტიტუტებთან სანქციების გვერდის ავლის თავიდან ასაცილებლად, ორმაგი დანიშნულების საქონლის, ნავთობის ექსპორტისა და რუსულ და ირანულ სუბიექტებთან დაკავშირებული ფინანსური ნაკადების ჩათვლით“.

ბოლო პერიოდში გაიმართა საინტერესო საუბარი ნინო ხაჩიძესა და მის სტუმარს, სანდრო ლომინაშვილს (სოციალურ ქსელებში ცნობილი როგორც არჩიბალდ მეკეში) შორის, რომელმაც ჩემზე განსაკუთრებული შთაბეჭდილება მოახდინა. ეს დიალოგი კიდევ ერთხელ გვიჩვენებს, რომ კავკასიაში არიან ადამიანები — ქალებიც და კაცებიც — რომლებიც რეგიონულ საკითხებს სიღრმითა და სიფაქიზით განიხილავენ; ზოგჯერ იმაზე მეტადაც კი, ვიდრე ეს ევროპისა და ამერიკის ზოგიერთი მედიის სივრცეში შეიმჩნევა. ბუნებრივია, როგორც ირანის ისლამური რესპუბლიკის ელჩს, შეიძლება მქონდეს განსხვავებული შეხედულებები გარკვეულ საკითხებზე; თუმცა ეს არასდროს ამცირებს იმ ძალისხმევის მნიშვნელობას, რომელიც მიმართულია თანამედროვე ირანის უკეთ გასაცნობად, სამართლიანი შეფასებისა და ახალგაზრდა თაობის კვლევითი სულის პატივისცემისკენ. ეს არის ცოცხალი და დინამიური საზოგადოების მთავარი სიმდიდრე. საქართველოს ახალი თაობა არის ცნობისმოყვარე და აზრის მაძიებელი. ეს მიუთითებს ჯანსაღ სოციალურ დინამიკაზე. სიტყვის თავისუფლება მაშინ იძენს ნამდვილ მნიშვნელობას, როდესაც მას თან ახლავს დიალოგი. სწორედ დიალოგია საზოგადოების ურთიერთგაგების საფუძველი. სანდრო ჩემთვის ამ ენერგიული და პასუხისმგებლიანი სულის ერთ-ერთი ნათელი მაგალითია. მას აქვს სოციალური პასუხისმგებლობის განცდა და აქტიურად ერთვება სხვადასხვა თემის განხილვაში. გარკვეული დროა, რაც მას ფეისბუქზე ვადევნებ თვალს და გულწრფელად ვამბობ, მისგან ვსწავლობ. ზოგჯერ, ახალგაზრდა თაობის სოციალური ქსელების გაცნობა უფრო ღირებულია, ვიდრე მრავალი საათის გატარება ტრადიციულ დიპლომატიურ მიღებებზე. ჩემთვის, როგორც ირანის ელჩისთვის თბილისში, ერთ-ერთი ყველაზე ღირებული გამოცდილებაა ხალხის უშუალო მოსმენა. ამ დღეებში, ხშირად მიკავშირდებიან სწორედ ასეთი ახალგაზრდები — გულწრფელები, კითხვებით სავსენი და მოტივირებულნი — და ვმართავთ როგორც ონლაინ, ისე პირად შეხვედრებს. ასეთ დროს მე უფრო მსმენელი ვარ: ვინიშნავ, ვაანალიზებ და ვცდილობ ვისწავლო. მჯერა, რომ მომავალში ნათლად გამოჩნდება, თუ რა მნიშვნელოვანი წვლილი შეიტანა ქართულმა საზოგადოებამ ურთიერთგაგების განვითარებაში. დიპლომატი, პირველ რიგში, უნდა იყოს მსმენელი. ჩვენი მისია მხოლოდ პოზიციების გამოხატვა არ არის; ის გულისხმობს საერთო ინტერესების პოვნას და ხიდების აშენებას ხალხებს შორის. წარმატებული დიპლომატია იქცევა „იდეების კორიდორად“— ორმხრივ გზად ხალხებს შორის. საქართველო მრავალფეროვანი საზოგადოებაა, სადაც სხვადასხვა ხმა, განსხვავებული აზრი თანაარსებობს. ეს მრავალფეროვნება არა საფრთხე, არამედ შესაძლებლობაა. მე ამ ხმებს დიდად ვაფასებ და მათგან ბევრს ვსწავლობ. ჩვენი საელჩო თბილისში არ არის კედლით გამიჯნული სივრცე. ჩვენ ხალხთან ახლოს ვართ. მჯერა, რომ ნამდვილი დიპლომატია არ იქმნება მუქი შუშების მიღმა — ის იბადება პირდაპირ მზერაში, გულწრფელ დიალოგსა და ურთიერთნდობაში. რამდენიმე ხნის წინ, ღამით აეროპორტიდან ქალაქისკენ მოვდიოდი. გზაში ახალგაზრდა შევნიშნე, რომელსაც ცენტრში წასვლა სურდა და შევთავაზე, ჩემთან ერთად წამოსულიყო. გზად მისი ცხოვრების შესახებ ვისაუბრეთ. როდესაც გაიგო, რომ დიპლომატი ვიყავი, გაკვირვებულმა მკითხა: „ეს მანქანა მხოლოდ განსაკუთრებული ადამიანებისთვისაა?“ ვუპასუხე: „განა შენ განსაკუთრებული ადამიანი არ ხარ?“ გაეღიმა და მკითხა: „რატომ?“ ვუთხარი: „ყოველი ადამიანი თავისი გამოცდილებით, ხედვითა და ისტორიით განსაკუთრებულია. თუ ამ განსხვავებებს ერთმანეთს გავუზიარებთ, შევქმნით სამყაროს, სადაც განსხვავება ბარიერი კი არა, ურთიერთგაგების ხიდია.“ მე ასეთი სამყაროს მჯერა — სამყაროსი, სადაც დიალოგი ცვლის დისტანციას, ხოლო შეცნობა — წინასწარ განწყობებს-წერს ირანის ელჩი საქართველოში ალი მოჯანი.