რა სარგებელი მოუტანა ისრაელსა და საბერძნეთს კანაფის სამედიცინო წარმოებამ
Read Time:1 Minute, 6 Second
ისრაელი პირველი სახელმწიფოა ახლო აღმოსავლეთში, სადაც კანაფის დეკრიმინალიზება მოხდა. კანაფი ისრაელში სასოფლო-სამედიცინო კულტურად არის აღიარებული. ისრაელის სოფლის მეურნეობის სამინისტროს გათვლით, სამედიცინო კანაფის ექსპორტი ქვეყანას 250 მილიონიდან 1 მილიარდ ევრომდე შემოსავალს მოუტანს. ისრაელი კანაფის ექსპორტით მსოფლიო ბაზრის ერთ-ერთი მსხვილი მოთამაშე გახდა.
ისრაელში ადგილობრივ ფერმერებს კანაფის მოყვანის მიზნით, მთავრობა სოლიდურ გრანტებს სთავაზობს. ისრაელში რამდენიმე კვლევითი ცენტრია, სადაც კანაფის სამედიცინო შესაძლებლობებს სწავლობენ და მას ამ დანიშნულებით ავითარებენ. ბოლო ერთი წლის განმავლობაში 25 ათასზე მეტ მოქალაქეს მიეცა სამედიცინო კანაფით სარგებლობის უფლება.
არასამედიცინო მიზნებისთვის კანაფის გამოყენება ისრაელში დეკრიმინალიზებულია, თუმცა ის მოქალაქეებისთვის ადვილად ხელმისაწვდომი და საშოვნელი არ არის, რადგან ისევ დასჯადი ქმედებაა როგორც კანაფის გასაღება, ასევე ხალხმრავალ ადგილებში მისი მოწევა.
საბერძნეთში კი ეკონომიკის ჩამოშლისა და ვალების შემდეგ, დღის წესრიგში დადგა სამედიცინო მიზნებისთვის კანაფის წარმოების ლეგალიზება. საბერძნეთი კანაფის წარმოების ლეგალიზებით (და არა მოხმარების), მილიარდიან სარგებელს ელოდება.
საბერძნეთში კანაფთან დაკავშირებით სისხლის სამართლებრივი პასუხისმგებლობა იმ შემთხვევაში დგება თუ მისი ოდენობაა 0.5 გრამს აღემატება. კანაფის სრულ ლეგალიზებაზე საბერძნეთის მთავრობა ჯერ არ საუბრობს. იმის ფონზე, რომსაბერძნეთს ევროკავშირის ქვეყნებს შორის ყველაზე დიდი ვალი აქვს, პრემიერმინისტრ ციპრასის მთავრობამ გადაწყვიტა რომ კრიზისის დაძლევის ერთ-ერთი გზა კანაფის სამედიცინო მიზნებისთვის გამოყენებას დაწყებაა. ამით იმედოვნებენ, რომ ქვეყანში, ერთი მხრივ, სამუშაო ადგილები შეიქმნება, მეორე მხრივ კი ექსპორტი ქვეყანას 10 წლის განმავლობაში 200 მილიარდ ევროს მოუტანს.
“იმედის კვირამ” მოამზადა ორი სიუჟეტი იმის შესახებ თუ რა სარგებელი მოუტანა კანაფის სამედიცინო მიზნებისთვის წარმოებამ და ექსპორტმა ისრაელსა და საბერძნეთს.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0