რატი ბრეგაძე: „ევროატლანტიკურ სტრუქტურებში ინტეგრაციის კონსტიტუციური ვალდებულების ჩანაწერი გაჩნდა 2017 წელს. შესაბამისად, კითხვა – არის თუ არა „ქართული ოცნება“ ევროპული ძალა, არამიზანშეწონილია“
Read Time:36 Second
იუსტიციის მინისტრმა რატი ბრეგაძემ პარლამენტში მინისტრის საათის ფარგლებში განაცხადა, რომ ჩანაწერი ევროინტეგრაციის ვალდებულების შესახებ საქართველოს კონსტიტუციაში გაჩნდა 2017 წელს, სწორედ „ქართული ოცნების“ მმართველობის დროს.
„პირველი კონსტიტუცია, სადაც გაჩნდა ჩანაწერი და შემდეგში ეს მიიღო პარლამენტმა. ჩანაწერის თანახმადაც, ყველა კონსტიტუციური ორგანო არის ვალდებული, მიიღოს ყველა შესაბამისი ღონისძიება საქართველოს ევროატლანტიკურ სტრუქტურებში სრულფასოვანი ინტეგრაციისთვის. გაჩნდა კონსტიტუციური ვალდებულება და როდის გაჩნდა? – გაჩნდა 2017 წელს, როდესაც ეს საკონსტიტუციო ცვლილებები გატარდა. შესაბამისად, რაიმე სახის კითხვა იმის შესახებ – არის თუ არა „ქართული ოცნება“ ევროპული ძალა და ევროპაზე ორიენტირებული, ვფიქრობ, არამიზანშეწონილია. თუნდაც, ეს ერთი კონსტიტუციური ჩანაწერი პასუხობს ყველა კითხვას. ასევე, როდის გაფორმდა ასოცირების შეთანხმება? პასუხი: „ქართული ოცნების“ ხელისუფლების დროს; ვის დროს მიენიჭა საქართველოს ევროპული პერპექტივა? ვფიქრობ, მხოლოდ თარიღები პასუხობს ყველა იმ კითხვას, რომლებიც იყო დასმული“, – განაცხადა რატი ბრეგაძემ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
