პარლამენტის წინ ცხოველთა დამცველები საპროტესტო აქციას გამართავენ
Read Time:41 Second
დღეს, თბილისში, პარლამენტის წინ ცხოველთა დამცველები საპროტესტო აქციას გამართავენ. სოციალურ ქსელში ეს ღონისძიება მას შემდეგ დააანონსდა, რაც ლოტკინის დასახლებაში პატრონმა თავისი ლეკვი დანაწევრებული იპოვა. ამის შესახებ ნეტგაზეთი წერს.
ცხოველთა დამცველები დამნაშავის დასჯას და ცხოველებისადმი სასტიკ მოპყრობაზე კანონის გამკაცრებას მოითხოვენ.
“ყოველთვის რატომ ვართ ჩუმათ? რატომ არავინ გამოდის? რატომ ვხუჭავთ თვალს იმ არსებების წამების ფაქტებზე, რომლებიც ჩვენ ასე ძალიან გვიყვარს? ეს უნდა დასრულდეს! ყველა ორგანიზაცია დუმს! სახელმწიფო დუმს! ეს უნდა დავასრულოთ ჩვენ! ყველა უნდა გამოვიდეთ – თითოეული ადამიანი, ვისაც გული შესტკივა. მოვითხოვოთ კანონის გამკაცრება! მოვითხოვით დამნაშავის დასჯა! ეს კრიმინალია და ამის ჩამდენი არ არის ღირსი საზოგადოებაში ყოფნის! ვისაც გული შეგტკივათ, ყველამ შევუწყოთ ხელი ერთმანეთს, რომ ეს აქცია ჩატარდეს,” – წერს ღონისძიების ორგანიზატორი.
ცხოველთა დამცველები პარლამენტთან 14:00 საათზე შეიკრიბებიან.
საქართველოს შინაგან საქმეთა სამინისტროში განაცხადეს, რომ ლოტკინის დასახლებაში ლეკვის დანაწევრების ფაქტზე გლდანი-ნაძალადევის პოლიციის სამმართველოში გამოძიება სისხლის სამართლის კოდექსის 259-ე მუხლით მიმდინარეობს
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0