ნინო ბურჯანაძე – სირცხვილია, რომ რუსეთთან დალაპარაკება საქართველოში პრორუსულობად მიიჩნევა
Read Time:36 Second
დემოკრატიული მოძრაობის“ ლიდერი ნინო ბურჯანაძე პრემიერ-მინისტრ გიორგი კვირიკაშვილის მიმართვას რუსეთის ხელისუფლებისადმი დაგვიანებულს უწოდებს.
მისი თქმით, გონიერი ხელისუფლება მეორე მხარესთან საქმის გართულებამდე უნდა მუშაობდეს დიალოგის რეჟიმში.
„პრემიერ-მინისტრის მიერ გაკეთებული განცხადება უკიდურესად დაგვიანებულია, მაგრამ თუ ჩვენ ქვეყანას წაადგება, მე კვირიკაშვილს ნამდვილად არ გავაკრიტიკებ“, – განაცხადა „დემოკრატიული მოძრაობის“ ლიდერმა.
ნინო ბურჯანაძის შეფასებით, სირცხვილია, რომ რუსეთთან დალაპარაკება საქართველოში პრორუსულობად მიიჩნევა.
„ელემენტარული გონიერება მოითხოვს, იქამდე კი არ მიიყვანო საქმე, რომ უკიდურესად გართულდეს და ამ გამოუვალ მდგომარეობაში მიმართო თხოვნით მეორე მხარეს, არამედ იქამდე დაიწყო დიალოგის რეჟიმით მუშაობა, სანამ ჯერ კიდევ მყარი პოზიცია გაქვს. რასაც ამ 5 წლის განმავლობაში ბიძინა ივანიშვილი აკეთებდა, ეს უბრალოდ სიბრიყვეა. ის, რომ რუსეთთან დალაპარაკება ითვლება პრორუსულობად და რუსეთის აგენტობად საქართველოში, ეს არის ჩვენი ყველას ძალიან დიდი სირცხვილი“, – განაცხადა ნინო ბურჯანაძემ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0