ნიკოლოზ ხატიაშვილი: პუტინმა ნოსტალგიურად ისაუბრა საბჭოთა კავშირზე, ისინი ამაზე არ გაჩერდებიან და ეცდებიან კიდევ უფრო მეტი გავლენა მოიპოვონ უკრაინაზე
Read Time:31 Second
პუტინის ეს გადაწყვეტილება მოსალოდნელი იყო. თუ ჩვენ პარალელს 2008 წლის მოვლენებთან გავავლებთ დავინახავთ, რომ დაახლოებით იგივე სცენარით ახორციელებდა ქმედებებს რუსეთი საქართველოსთან მიმართებაში, – ამის შესახებ ანალიტიკური ორგანიზაცია „ჯეოქეისის“ არარეზიდენტმა მკვლევარმა საგარეო პოლიტიკის მიმართულებით, ნიკოლოზ ხატიაშვილმა „ქრონიკის“ სპეციალურ გამოშვებაში ისაუბრა.
„ახლა უნდა დაველოდოთ დასავლეთის რეაქციას, რა ნაბიჯებს გადადგამს და დავინახავთ რა სურათი გვექნება. ფაქტი რა თქმა უდნა, ძალიან ცუდია. ე.წ. აღიარებული ტერიტორიები კონტროლდება უკრაინის შეიარაღებული ძალების მიერ და ყველაფერი დამოკიდებულია შემდეგ მოქმედებებზე. თუ რაიმე პროვოკაციას ექნება ადგილი, რუსეთმა ეს შეიძლება გამოიყენოს კიევამდე შეჭრისთვისაც კი. პუტინმა ნოსტალგიურად ისაუბრა საბჭოთა კავშირზე. ისინი ამაზე არ გაჩერდებიან და ეცდებიან კიდევ უფრო მეტი გავლენა მოიპოვონ უკრაინაზე სხვადასხვა გზებით“, – განაცხადა ნიკოლოზ ხატიაშვილმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
