მელია: ივანიშვილის მმართველობისას დაზარალებულებს სააკაშვილის ხელმოწერით სერტიფიკატები გადაეცემათ
Read Time:30 Second
ნაციონალური მოძრაობის წევრმა ნიკა მელიამ საგანგებო ბრიფინგი გამართა, სადაც ახალ ინიციატივა წარადგინა.
მელიას თქმით, საქართველოს ყველა დიდ ქალაქში საგანგებო ჯგუფები შეიქმნება, რომლებიც აქტიურ კომუნიკაციას დაამყარებენ მოსახლეობასთან და აღრიცხავენ ბიძინა ივანიშვილის მმართველობის დროს დაზარალებულ მოსახლეობას.
მელიას განმარტებით, ჯგუფები შეისწავლიან კონკრეტულ ფაქტებს, ხელისუფლებაში ნაციონალების მოსვლისთანავე კი შეიქმნება 2,5 მილიარდი ლარის ოდენობით ფონდი, საიდანაც დაზარალებულებს ზარალი აუნაზღაურდებათ. ასევე შეიქმნა სპეციალური სერთიფიკატი, რომელიც გადაეცემა დაზარალებულ ადამიანებს, იმის გარანტად, რომ მათი ხელისუფლებაში მოსვლისთანავე ზარალი სრულიად აუნაზღაურდებათ. სერთიფიკატს ხელს თავად მიხეილ სააკაშვილი მოაწერს.
მათი ხელისუფლებაში მოსვლისთანავე ასევე გამოცხადდება 2-წლიანი მორატორიუმი ბანკებთან და მიკროსაფინანსო ორგანიზაციებთან. დაზარალებულებს თანხები კი სააკაშვილის მმართველობის დროს არსებული დოლარის კურსით დაუანგარიშდებათ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
