მამუკა მდინარაძე – ნიკა მელია ერთი განცხადებით და კანონიდან გასვლით თუ ჩამოგიშლის სახელმწიფოს, ვერც ევროპაზე იფიქრებ და ვერც ნატო-ზე
„ნაციონალური მოძრაობის“ წარმომადგენლები ფეხის დადებას მიჩვეული არიან და მიზანია, ევროატლანტიკურ სტრუქტურებში გაწევრიანების მცდელობის დროს, გვქონდეს შეფერხებები და საბოლოოდ, ამას ვერ მიაღწევენ, – ამის შესახებ ფრაქცია „ქართული ოცნების“ თავმჯდომარე მამუკა მდინარაძემ განაცხადა.
მდინარაძის თქმით, ნიკა მელიას რომ ასეთი განზრახვა არ ჰქონოდა, კანონს დაქვემდებარებოდა.
მამუკა მდინარაძემ ნიკა მელიას დაკავების შემდეგ საერთაშორისო გამოხმაურებებთან დაკავშირებით კომენტარი გააკეთა და აღნიშნა, რომ მელია ერთი განცხადებით და კანონიდან გასვლით თუ ჩამოშლის სახელმწიფოს, ვერც ევროპაზე იფიქრებ და ვერც ნატო-ზე.
„არაგულწრფელი უნდა ვიყო, რომ ამ საკითხთან დაკავშირებით არ ვიგრძნოთ პასუხისმგებლობა ხელისუფლების წარმომადგენლებმა. ეს არის კრიტიკული, ძალიან კრიტიკული განცხადება, მაგრამ შევეცდებით, ჩვენი საერთაშორისო ყველა პარტნიორი დავარწმუნოთ სიმართლეში. აქ არის ერთი მთავარი ამბავი, აქ არის სიმართლე, რომ ადამიანმა თავად თქვა კანონის შესრულებაზე უარი. ეს არის ყველაზე მთავარი. კანონის აღსრულებისა და ამის პოზიტიურად გადაწყვეტის გზა არ შეიძლება, იყოს დამაზიანებელი ქვეყნისთვის. ჩვენ თუ სახელმწიფო არ გვექნა, ვერც პარტნიორს დაველაპარაკებით, ვერც ევროატლანტიკურ სტრუქტურებში მცდელობა ვერ გვექნება შესვლის და ვერც შევალთ ვერსად, თუ სახელმწიფო არ იქნა. სახელმწიფო და ქვეყანა უნდა შევდგეთ თუ არც ქვეყანა შედგა და არც სახელმწიფო, ვერსად ვერ შევალთ.
როდესაც ხარ არჩევანის წინაშე, სახელმწიფო გექნება თუ არ გექნება და შენს სახელმწიფოს მწვავედ გააკრიტიკებენ თუ არა, უნდა თქვა, რომ სახელმწიფო უნდა გვქონდეს ჯერ, მერე კრიტიკასაც გავუძლოთ და მერე იმ გზაზეც უნდა ვიაროთ, რასაც ჩვენს ევროპულ ოჯახში დაბრუნება ჰქვია. თუ სახელმწიფო არ გექნება და ნიკა მელია ერთი თავისი განცხადებით და კანონიდან გასვლით ჩამოგიშლის ამ სახელმწიფოს, ვერც ევროპაზე იფიქრებ და ვერც ნატო-ზე. ეს არის მარტივი პოსტულატი.
თუ არ გექნა სახელმწიფო, გინდა კრიტიკას დაექვემდებარე, გინდა არ დაექვემდებარო; გინდა, იზრუნე ევროპაში შესვლაზე, ქვეყნის დაბრუნებაზე ევროპულ ოჯახში ან ნატო-ში შესვლაზე, გინდა არ იზრუნო“, – აცხადებს მამუკა მდინარაძე.
About Post Author
ქეთევან ნინუა
Comments
გურამ მაჭარაშვილი: გამჭვირვალობის კანონში არც პირველი და არც მეორე მოსმენით განხილვისას, არავის შეუტანია ცვლილება ამ კანონის ფიზიკურ პირებზე გავრცელებასთან დაკავშირებით
"ეს არის პრაქტიკულად ქართველი ხალხის გამარჯვება - აგონიაში მყოფმა ოპოზიციის ნაწილმა უკვე დაიწყო კანონის კითხვა, თან გაუკუღმართებულად,” - განაცხადა გურამ...
ვეტოს პროცედურა კონსტიტუციის მიხედვით შეუძლებელია განხორციელდეს მოტივირებული შენიშვნების გარეშე – გივი მიქანაძე
საკანონმდებლო ორგანო ვენეციის კომისიის დასკვნისა და პრეზიდენტის ვეტოს მოლოდინშია. მმართველი გუნდი მზად არის, ვეტოს დაძლევის პროცედურის დროს სამართლებრივი შენიშვნები განიხილოს...
ლევან ხაბეიშვილი: წლებია, მხოლოდ სიძულვილს, ბოროტებას და დაპირისპირებას თესავთ – სამაგიეროს მიიღებთ ხალხის სიმტკიცით, ერთობით, სიყვარულით და სიძულვილის დამარცხებით
“წამლავენ ახალგაზრდებს, თავებს უტეხავენ, სახის ძვლებს უმტვრევენ, სადარბაზოებთან ნიღბიანებს ახვედრებენ, მათ მშობლებს აშანტაჟებენ, ემუქრებიან ღია სატელეფონო ზარებით შვილის ლიკვიდაციით. თუ...
მტკიცედ გამოჩნდა, რომ ჩვენი საზოგადოება არის ერთიანი და ამ ერთიანობას აქვს უდიდესი შინაარსი – ოჯახის ფასეულობათა დაცვით ქვეყნის სუვერენიტეტისა და ღირსების დაცვა – რატი იონათამიშვილი
ძალიან ამაღელვებელია იმის ხილვა, რომ ოჯახის სიწმინდის დღეს თბილისსა და საქართველოს სხვა ქალაქებში ასობით ათასი ადამიანი ჩვენი ეროვნული და სარწმუნოებრივი...
მიხეილ ყაველაშვილი: ოჯახური ურთიერთობები ჩვენი მონაპოვარიც არის და უპირატესობაც, ახლა კი ვხედავთ, რომ სწორედ ამას ეხებიან
„ფაქტია, რომ არა მხოლოდ საქართველოში, არამედ მთელ მსოფლიოში ღირებულებებს ებრძვიან და შეიძლება საქილიკოდ ჟღერდეს, მაგრამ სწორედ საქართველო იყოს კატალიზატორი და...
პატრიარქი: ყოვლად წმინდაო ღვთისმშობელო, გადააფარე საქართველოს შენი კალთა. საქართველოვ, მიყვარხარ!
საქართველო გახდა წილხვედრი ყოვლადწმინდისა ღვთისმშობლისა. ჩვენ ვმადლობთ უფალს მისი დიდი წყალობისთვის, – ამ სიტყვებით მიმართა სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის...