მამუკა მდინარაძე „ნაციონალურ მოძრაობაზე“: ოღონდ „ქართული ოცნება“ დააზიანონ და აზიანებენ დიდ ეროვნულ ინტერესს
Read Time:50 Second
პირველი ხელისუფლება ვართ, რომელსაც ომი არ ჰქონია, რომელმაც უზრუნველყო მშვიდობიანი, გრძელვადიანი, სტაბილური განვითარება. ამ პოლიტიკის ჩარჩოებში ვიქცევით ჩვენ. დღეს თუ ვინმე ვერ ასხვავებს რა მოცემულობა იყო და რა რიტორიკა იყო საჭირო 2014 წელს და რა განსხვავებაა დღევანდელობასთან, ეს ან ძალიან თავხედური მოტყუებაა ხალხის ან უგუნურობა, რომლისაც მე არ მჯერა, – ამის შესახებ „ქართული ოცნების“ აღმასრულებელმა მდივანმა მამუკა მდინარაძემ გადაცემა „იმედი LIVE“-ში განაცხადა.
„ნაციონალური მოძრაობა“ პოპულიზმს სწირავს ძალიან დიდ რაღაცებს. პოპულიზმი იყო ისიც, რომ „ლელომ“ დაარეგისტრირა რეზოლუცია ლავროვის, რუსეთის საგარეო საქმეთა მინისტრის განცხადების საპასუხოდ. საქართველოს პარლამენტში დაარეგისტრირეს რეზოლუცია, სადაც წერია რომ ჩვენ გვინდა ნატოში შესვლა. ამ დროს, ეს ჩვენ დაფიქსირებული გვაქვს კონსტიტუციაში 2017 წლიდან. ოღონდ პოპულისტურად გამოჩნდე, რომ ვითომ ხარ პროდასავლელი, გამოგდის ჩრდილოელის საქმის კეთება. ოღონდ „ქართული ოცნება“ დააზიანონ და აზიანებენ დიდ ეროვნულ ინტერესს. როგორ შეიძლება ასეთი პრიმიტიზმის დონეზე ჩაიტანო ეს ამბავი, როდესაც ხარ ქვეყანა, რომელმაც მსოფლიოში მეორემ მიიღო უკრაინის მხარდამჭერი რეზოლუცია და ამასთანავე, გაქვს ბევრი მიმდინარე დავა რუსეთთან. განსხვავება 2014 წლის მდგომარეობასა დღევანდელობას შორის ეს არის. შენ მართლაც გჭირდება, რომ მართალი იყო ყველასთან და ყველაფერთან“, – განაცხადა მდინარაძემ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
