მამუკა მდინარაძე გიორგი შაქარაშვილის საქმეზე: გამოძიებაში ეჭვის შეტანის საფუძველი არ გვაქვს – ამის არც ფაქტი არსებობს და არც არგუმენტი
Read Time:54 Second
ერთის მხრივ, პროკურატურისა და შინაგან საქმეთა სამინისტროს ინტერესია, რომ ობიექტირად, თითოეულ დეტალთან ჩაყოლით გამოიძიონ საქმე და დადგინდეს სიმართლე, რა მოხდა სინამდვილში, შესაბამისი კვალიფიკაცია მიეცეს და დასასჯელი დაისაჯოს – ამის შესახებ საპატლამენტო უმრავლესობის ლიდერმა გიორგი შაქარაშვილის საქმის შესახებ განაცხადა.
მამუკა მდინარაძის განმარტებით, მეორე მხარეს სამწუხაროდ პარტიული ტელევიზიები არიან, რომელთა ინტერესია, ბოროტტად გამოიყენონ ეს ტრაგედია.
„გამოძიებაში არ გვაქვს ეჭვის შეტანის საფუძველი. ამის არც ფაქტი არსებობს და არც არგუმენტი, უნდა დავაცადოთ შინაგან საქმეთა სამინისტროს და პროკურატურას კვალიფიკაციასთან, გამოძიების დეტალებთან და მოწმეები დაკითხვასთან დაკავშირებით და აწარმოონ საქმე ისე, რომ ხელი არ შევუშალოთ გარეან ფეიკ-ნიუსებით და მეორე მხრივ, თავი უნდა შეიკავოს, რაც არ უნდა სუბიექტური ინტერესები ჰქონდეს, ყველა პარტიამ და მისმა ტელევიზებმა, რათა ფეიკ-ნიუსებითა და ტყუილებით საზოგადოება შეცდომაში არ შეიყვანონ“- განაცხადა მამუკა მდინარაძემ.
დღეს პროკურატურამ გაავრცელა ინფორმაცია, რომლის თანახმადაც, გიორგი შაქარაშვილის სიკვდილის მიზეზია ასფიქსია წყალში დახრჩობით.
19 ივნისს, დაახლოებით 11 საათზე გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს მიმართა. პოლიციამ, სამაშველო სამსახურთან ერთად, შეტყობინების მიღებისთანავე დაიწყო სამძებრო სამუშაოები. 4-დღიანი უწყვეტი საძიებო სამუშაოების შედეგად მყვინთავებმა ფეხბურთელ გიორგი შაქარაშვილის ცხედარი წყალში იპოვეს.
28 ივნისს გიორგი შაქარაშვილის საქმეზე ბრალდებულ 17 პირს აღკვეთის სახით პატიმრობა შეეფარდა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
