ლევან იოსელიანი: საქართველოს ევროკავშირში ინტეგრაციის შესახებ პარლამენტის რეზოლუციის მიღება ძალიან მნიშვნელოვანია ყველა პოლიტიკური პარტიის მხარდაჭერით
Read Time:40 Second
საქართველოს ევროკავშირში ინტეგრაციის შესახებ პარლამენტის რეზოლუციის მიღება ძალიან მნიშვნელოვანია ყველა პოლიტიკური პარტიის მხარდაჭერით. ეს უნდა იყოს ნათელი გზავნილი ჩვენი დასავლელი პარტნიორებისთვის ევროკავშირში, რომ ქართული პოლიტიკური კლასი შეთანხმებულია იმაზე, რომ გვინდა ევროკავშირი და ეს არის ჩვენი ისტორიული არჩევანი, – ამის შესახებ პარტია „მოქალაქეების“ წევრმა და პარლამენტის ვიცე-სპიკერმა, ლევან იოსელიანმა „ქრონიკაში“ განაცხადა.
„ჩვენ ვბრუნდებით იმ ოჯახში, სადაც ვიყავით. ჩვენ არავის არსად მისაღები არ გვჭირს – ჩვენ ვიყავით ამ ოჯახის წევრი ძალიან დიდი ხანი და ნამდვილად მგონია, რომ იქ ვბრუნდებით, სადაც ჩვენი ადგილია. რაც შეეხება რეზოლუციას, შენიშვნები აქვთ ჩემს კოლეგებს, ჩვენც გვაქვს, მაგრამ ამ შენიშვნება არ უნდა გამოიწვიოს ის პროცესები, რომელიც ერთხელ უკვე მოხდა პარლამენტში, როდესაც რეზოლუციის გამო ვერ მოხდა შეთანხმება. უკრაინის მხარდამჭერ რეზოლუციას ვგულისხმობ. ახლა მაინც უნდა შევძლოთ, რომ ამ რეზოლუციას დავუჭიროთ მხარი“, – განაცხადა იოსელიანმა.
მისივე თქმით, საქართველოში ხელისუფლებამ და ოპოზიციამ რაღაც საკითხებზე შეთანხმება უნდა დაიწყონ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
