ლევან დავითაშვილი: 2012-2020 წლებში დაცული ტერიტორიები 288 000 ჰექტარით გაიზარდა
Read Time:56 Second
გარემოსდაცვითი მიმართულებით უპრეცედენტოდ დიდი მიღწევები აქვს ჩვენს ხელისუფლებას ბოლო 8 წლის განმავლობაში. ერთ-ერთი მნიშვნელოვანი პრიორიტეტი დაცული ტერიტორიების გაფართოება და სწორად ადმინისტრირება, ვინაიდან ჩვენი ქვეყნის ბიომრავალფეროვნებისა და ბუნებრივი სიმდიდრის დიდი ნაწილი სწორედ დაცულ ტერიტორიებშია მოქცეული, – ამის შესახებ პარლამენტში საფინანსო-საბიუჯეტო, დარგობრივი ეკონომიკისა და ეკონომიკური პოლიტიკის, აგრარულ საკითხთა, გარემოს დაცვისა და ბუნებრივი რესურსების და რეგიონული პოლიტიკისა და თვითმმართველობის კომიტეტების ერთობლივ სხდომაზე გარემოს დაცვისა და სოფლის მეურნეობის მინისტრობის კანდიდატმა, ლევან დავითაშვილმა განაცხადა.
„როგორც გარემოს დაცვის, ასევე აგრარულ კომიტეტთან გვაქვს ძალიან მჭიდრო თანამშრომლობა, შესაბამისად, დეპუტატები ინფორმირებულები არიან ჩვენი რეფორმების შესახებ. ჩვენს ქვეყანაში ეკონომიკური განვითარების პარალელურად გარემოს დაცვა და ბუნებრივი რესურსების რაციონალური გამოყენება მნიშვნელოვან გამოწვევას წარმოადგენს. მთავრობის გარემოსდაცვითი პოლიტიკის მთავარი მიზანია, რომ გვქონდეს მდგრადი და დაბალანსებული განვითარება, გარემოზე უარყოფითი ზემოქმედების მაქსიმალურად თავიდან აცილება და გარემოს მდგომარეობის გაუმჯობესება. გარემოსდაცვითი მიმართულებით უპრეცედენტოდ დიდი მიღწევები აქვს ჩვენს ხელისუფლებას ბოლო 8 წლის განმავლობაში. ერთ-ერთი მნიშვნელოვანი პრიორიტეტი დაცული ტერიტორიების გაფართოება და სწორად ადმინისტრირება, ვინაიდან ჩვენი ქვეყნის ბიომრავალფეროვნებისა და ბუნებრივი სიმდიდრის დიდი ნაწილი სწორედ დაცულ ტერიტორიებშია მოქცეული. 2012-2020 წლებში დაცული ტერიტორიები 288 000 ჰექტარით გაიზარდა, რაც ქვეყნის ტერიტორიის დაახლოებით 12%-ს შეადგენს. შეიქმნა დაახლოებით 30 ახალი დაცული ტერიტორია და გაფართოვდა 3 დაცული ტერიტორია“, – განაცხადა ლევან დავითაშვილმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
