კობახიძე: საქართველოს პარლამენტი წინა მთავრობების დროს საკმაოდ სუსტი და არაეფექტური იყო
საქართველოს პარლამენტში ევროპის საბჭოს საპარლამენტო ასამბლეის მონიტორინგის კომიტეტის წევრების და ქართველი დეპუტატების მონაწილეობით სემინარი „საპარლამენტო ზედამხედველობა და ოპოზიციის როლი“ გაიხსნა.
სემინარის გახსნაზე სტუმრებს პარლამენტის თავმჯდომარემ ირაკლი კობახიძემ მიმართა და 2012 წლის შემდეგ ქვეყანაში განხორციელებულ რეფორმებზე გაამახვილა ყურადღება.
კობახიძის თქმით, მნიშვნელოვანია საკონსტიტუციო რეფორმა, რომლითაც პარლამენტი გაძლიერდა.
“საქართველოს პარლამენტი წინა მთავრობების დროს, ჰიპერ-საპრეზიდენტო მოქმედებების პირობებში, საკმაოდ სუსტი და არაეფექტური იყო. ახლა ეს სწრაფად იცვლება. ჩვენ მოვამზადეთ სხვადასხვა ინიციატივები, რომელთა მიზანიც ქართული დემოკრატიის დაცვა და იმის უზრუნველყოფაა, რომ ავტორიტარული პრაქტიკა არასდროს აღარ დაბრუნდეს”, – განაცხადა ირაკლი კობახიძემ.
პარლამენტის თავმჯდომარემ ასევე ილაპარაკა პარლამენტის რეგლამენტის რეფორმაზე, რომლის დახმარებითაც, მისი თქმით, “სამთავრობო უწყებები ანგარიშვალდებულები არიან პარლამენტის წინაშე არა მხოლოდ ფურცელზე, არამედ პრაქტიკულადაც”.
რაც შეეხება ოპოზიციის უფლებებს, კობახიძემ განაცხადა, რომ მისი უფლებები გაფართოვდა და მათ შეუძლიათ პარლამენტში სპეციალურ ჯგუფებისა და კომისიებით გამოძიებები ჩაატარონ, რაც კონსტიტუციის წინა რედაქციით არ იყო შესაძლებელი.
ღონისძიების ფარგლებში, გაიმართება დისკუსია საპარლამენტო ზედამხედველობის საუკეთესო გამოცდილებასთან დაკავშირებით, რომელსაც მოდერაციას ევროპის საბჭოს ოფისის ხელმძღვანელი კრისტიან ურსე გაუწევს. დისკუსიაში მონაწილეობას მიიღებენ: საქართველოს სახალხო დამცველი ნინო ლომჯარია, საქართველოში ევროკავშირის დელეგაციის, გაეროს განვითარების პროგრამის და საპარლამენტო კავშირის პროექტის „დემოკრატიული პარლამენტები“ წარმომადგენლები.
სემინარზე მოწვეული არიან ექსპერტები და საერთაშორისო ორგანიზაციების წარმომადგენლები.
About Post Author
ქეთევან ნინუა
Comments
გია მურღულია: გიყვარდეს – არ ითამაშო. მხოლოდ მაშინ შეიძლება, ყველაფერს აზრი მიეცეს
გიყვარდეს - არ ითამაშო. მხოლოდ მაშინ შეიძლება, ყველაფერს აზრი მიეცეს,- ამის შესახებ ფილოლოგი გია მურღულია სოციალურ ქსელში წერს. „ნაცნობი მელოდია...
დიმიტრი ხუნდაძე: ჩინეთთან ურთიერთობა არის ჩვენთვის მნიშვნელოვანი, როგორც შუა დერეფნის ერთ-ერთი აქტიური წარმომადგენლის და მნიშვნელოვანი აქტორის
საქართველოს ჩინეთთან ეკონომიკური თანამშრომლობის მნიშვნელობაზე ისაუბრა ჟურნალისტებთან „ხალხის ძალის“ გენერალურმა მდივანმა დიმიტრი ხუნდაძემ. როგორც მან აღნიშნა, საქართველო გეოგრაფიულად წარმოადგენს გზაჯვარედინს...
ნიკა გვარამია: ან გააუქმეთ ეს კანონი, ან ბოლომდე აიღეთ პასუხისმგებლობა – ესაა ზურაბიშვილის ვეტოს შინაარსი და ეს სწორი, გონივრული გადაწყვეტილებაა
„ოცნება“ ვერანაირ განხილვაში ვერ შევა, ვერც საზოგადოებას ვერ ჩაითრევს ფსევდოპროცესში და ვერც ევროპელებს მოატყუებს კანონის ფსევდოგამოსწორებით,- ამის შესახებ პარტია "ახალი"-ს...
ეს არის რუსული ვეტო, უარგუმენტო, არაფრის მთქმელი, უშინაარსო, ანტიეროვნული და საკუთარი ქვეყნის ინტერესების საწინააღმდეგო – დავით მათიკაშვილი
ეს არის რუსული ვეტო, უარგუმენტო, არაფრის მთქმელი, უშინაარსო, ანტიეროვნული და საკუთარი ქვეყნის ინტერესების საწინააღმდეგო, - განაცხადა პარლამენტის იურიდიულ საკითხთა კომიტეტის...
მიხეილ სააკაშვილი: თურქეთს, მხარდაჭერის იმედით, საქართველოს სახელისუფლებო დელეგაცია ეწვია – როგორც ადრე, თურქეთი ახლაც ისტორიის სწორ მხარეს დგას
“თურქეთს, მხარდაჭერის იმედით, საქართველოს სახელისუფლებო დელეგაცია ეწვია. მასპინძლების პასუხი იყო, რომ ყველაფერი მშვიდობიანად და ქართველი ხალხის ინტერესების სასარგებლოდ უნდა დამთავრდეს.”...
მარიამ ლაშხი 4 ქვეყნის საგარეო საქმეთა მინისტრებზე: ნებისმიერ სუვერენულ ქვეყანაში მსგავსი ტიპის აქტივობა არის დიპლომატიური სკანდალის საფუძველი – მოვუწოდებ, კიდევ ერთხელ გადაავლონ თვალი რა ტიპის მიტინგზე მიიღეს მათ მონაწილეობა
ნებისმიერ სუვერენულ ქვეყანაში მსგავსი ტიპის აქტივობა არის დიპლომატიური სკანდალის საფუძველი, - ამის შესახებ საგარეო ურთიერთობათა კომიტეტის თავმჯდომარის პირველმა მოადგილემ, მარიამ...