კახა კუჭავა: საპარლამენტო დიპლომატიის შესაძლებლობების ბოლომდე გამოყენება ჩვენს პრიორიტეტს ნამდვილად წარმოადგენს
Read Time:39 Second
დღეს დასრულდა რიგით მეხუთე საერთაშორისო კონფერენცია, რომელშიც მსოფლიოს პარლამენტთა სპიკერები მონაწილეობდნენ. ძალიან საინტერესო და შედეგიანი 3-დღიანი კონფერენცია იყო, დატვირთული ორმხრივი შეხვედრებით, – ამის შესახებ პარლამენტის თავმჯდომარემ აღნიშნული კონფერენციის შეჯამებისას განაცხადა.
კახა კუჭავას თქმით, კონფერენციამ საშუალება მისცა მათ, ყველა პარტნიორ ქვეყანასთან, ვინც დაინტერესებულია საქართველოში განვითარებული მოვლენებით, ესაუბრათ ყველა გამოწვევის თაობაზე, რომლის წინაშეც დგას არამარტო საქართველო, არამედ მთელი მსოფლიო.
„ვისაუბრეთ პანდემიაზე, დეოკუპაციაზე, საქართველოს ოკუპირებულ ტერიტორიებზე შექმნილ ვითარებაზე, საქართველოს დღის წესრიგში არსებულ ყველა მნიშვნელოვან საკითხზე. განსაკუთრებით გამოვყოფდი ავსტრიის პარლამენტის სპიკერთან ბოლო შეხვედრას, რომელიც დღეს გაიმართა.
ავსტრიის პარლამენტის სპიკერი ჩვენი ქვეყნის დიდი მეგობარი და გულშემატკივარია. მნიშვნელოვანი იყო მასთან ყველა იმ საკითხზე მსჯელობა, რომელიც წარმოადგენს ორ ქვეყანას შორის საპარლამენტო დონეზე ურთიერთობების გაღრმავების ძალიან კარგ შესაძლებლობას. ზოგადად, საპარლამენტო დიპლომატიის შესაძლებლობების ბოლომდე გამოყენება ჩვენს პრიორიტეტს ნამდვილად წარმოადგენს და იქნება ბევრი სხვა ღონისძიება, სადაც საქართველო აქტიურად იქნება წარმოდგენილი“, – განაცხადა კუჭავამ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
