ირაკლი ხმალაძე: კახა კალაძის არჩევის შემთხვევაში, მეტროს 40 ვაგონი დაემატება, 52 – კაპიტალურად შეკეთდება, 10 მეტროსადგური რეაბილიტირდება
თბილისის მერად „ქართული ოცნება – დემოკრატიული საქართველოს“ კანდიდატის კახა კალაძის მეორე ვადით არჩევის შემთხვევაში, თბილისის მეტროს 40 ახალი ვაგონი დაემატება, 52 ვაგონი კაპიტალურად შეკეთდება, ხოლო 10 მეტროსადგური სრულად რეაბილიტირდება, – ამის შესახებ ვიცე-მერმა ირაკლი ხმალაძემ დღეს სატრანსპორტო პოლიტიკის ძირითადი პროგრამების პრეზენტაციაზე განაცხადა.
მისი თქმით, მომდევნო ორი წლის განმავლობაში, თბილისის მეტროს დაემატება 40 ახალი ვაგონი, კაპიტალურად შეკეთდება 52 ვაგონი, გაუმჯობესდება უსაფრთხოების დონე, „ახმეტელი-ვარკეთილის“ ხაზზე კი მგზავრთტევადობა 25%-ით გაიზრდება.
გარდა ამისა, მისი თქმით, ევროპის რეკონსტრუქციისა და განვითარების ბანკთან (EBRD) მიმდინარეობს მუშაობა და დასრულდება პროექტი, რომლის ფარგლებშიც უნდა განხორციელდეს მეტროსადგურების რეაბილიტაციის პროგრამა. ხმალაძის განმარტებით, ეს არის 60 მილიონი ევროს ღირებულების პროექტი, რომლის ფარგლებში, სრული რეაბილიტაცია უნდა ჩაუტარდეს 10 მეტროსადგურს. ესენია: „გურამიშვილი“; „სადგურის მოედანი“ 1,2,3; „სარაჯიშვილი“; „მარჯანიშვილი“; „თავისუფლების მოედანი“; „300 არაგველი“; „რუსთაველი“; „ისანი“; „წერეთლის გამზირი“; „ნაძალადევი“.
ამასთან, როგორც პრეზენტაციაზე ირაკლი ხმალაძემ აღნიშნა, შეღავათიანი და კომფორტული მგზავრობის მიზნით, ამოქმედდება ვადიანი სამგზავრო აბონემენტების სისტემა: ერთკვირიანი, ერთთვიანი, ექვსთვიანი და ერთწლიანი.
თბილისის ვიცე-მერმა სატრანსპორტო პოლიტიკის მიმართულებით დაგეგმილი პროექტების ფარგლებში, საბაგიროსთან დაკავშირებულ გეგმებზეც ისაუბრა.
მისი თქმით, მოეწყობა ორი ახალი საბაგირო დერეფანი: ისანი – მეტრომშენი – ვაზისუბნის ტერიტორიული დაფარვით და სარაჯიშვილი – ზღვისუბნის ტერიტორიული დაფარვით. მათი მშენებლობა მომდევნო ოთხი წლის განმავლობაში დასრულდება.
გარდა ამისა, ირაკლი ხმალაძის განცხადებით, დაგეგმილია მთაწმინდის საბაგიროს სამშენებლო სამუშაოების დასრულება.
About Post Author
ქეთევან ნინუა
Comments
საქართველოს პარლამენტში უსაფრთხოების წითელი დონე ამოქმედდა
საქართველოს პარლამენტი უსაფრთხოების დამატებითი ზომების შესახებ განცხადებას ავრცელებს. „საქართველოს პარლამენტის სასახლეში უსაფრთხოების დაცვის წესის დამტკიცების თაობაზე“ საქართველოს პარლამენტის თავმჯდომარის 2023...
თეა წულუკიანი: 100-ჯერ და 1000-ჯერ იყო ახსნილი, არგუმენტებით, მკაფიოდ და გასაგებად, ეს არის ქართული კანონი ერთადერთი ვალდებულებით, ყველა ორგანიზაციამ, ვისაც ეს ეხება, წელიწადში ერთხელ დეკლარაცია შეავსოს
„რაც არ უნდა რბილ გამონათქვამად მოეჩვენოს ეს ვინმეს, დასანანია ეს ყოველივე, იმიტომ რომ ასჯერ და ათასჯერ იყო ახსნილი, არგუმენტებით, მკაფიოდ...
მამუკა მდინარაძე: ხვალ დილით მიკეთებენ ოპერაციას ხერხემალზე, ამიტომ ვერ ვიყავი დღეს, ჩათვალეთ 84-ე ხმა ჩემია
საპარლამენტო უმრავლესობის ლიდერმა მამუკა მდინარაძემ „იმედის“ ეთერში განაცხადა, რომ პარლამენტის დღევანდელ სხდომას ჯანმრთელობის გამო არ ესწრებოდა. „დილით ფეხი ვეღარ დავდგი,...
VIDEO: „ეს არის კანონპროექტი, რომელიც ითვალისწინებს და ემსახურება 100 % -ით საქართველოს სახელმწიფო ინტერესებს…“ – ლადო მგალობლიშვილი
„ეს არის კანონპროექტი, რომელიც ითვალისწინებს და ემსახურება 100 % -ით საქართველოს სახელმწიფო ინტერესებს...“ - ამის შესახებ აჭარის უმაღლესი საბჭოს წევრმა,...
ირაკლი კობახიძე: იშიფრება 15-მდე ახალგაზრდული ორგანიზაცია, რომელიც პირდაპირ დატრენინგებულია ძალადობისთვის
კოლექტიური „ნაცმოძრაობა“, რადიკალური ოპოზიცია უკვე ამდენი წელია, ყოველ წელს ცდილობს სამოქალაქო დაპირისპირებას და ეს სცენარი მათ გამზადებული ჰქონდათ არჩევნების შემდგომი...
მიხეილ სარჯველაძე: “სასწრაფოების რაოდენობა საკმარისზე მეტი იყო – მათი შრომა ძალიან დასაფასებელია”
„სასწრაფო სამედიცინო დახმარების ეკიპაჟებთან დაკავშირებით, ერთგვარი, კამპანია გაჩაღდა უმიზეზოდ. გარკვეული ადამიანების მხრიდან, გაჟღერდა ინფორმაცია იმის შესახებ, თითქოს, ადგილზე, ხელმიუწვდომელი იყო...