ირაკლი ღარიბაშვილმა სააკაშვილის შიმშილობასთან დაკავშირებით გუშინ გაკეთებულ განცხადებაზე განმარტება გააკეთა
Read Time:38 Second
ყველა დაკავებულის, პატიმრის უფლებაა შიმშილობის უფლება. მე ვთქვი, რომ ჩვენ ადამიანს, პატიმარს ვერ ავუკრძალავთ შიმშილობას. უნდა მეთქვა შიმშილობა და არა თვითმკვლელობა, – ამის შესახებ საქართველოს პრემიერ-მინისტრმა, ირაკლი ღარიბაშვილმა პატიმარ მიხეილ სააკაშვილთან დაკავშირებით განაცხადა, რითაც თავისი გუშინდელი განცხადება განმარტა.
„ჩვენ მაქსიმალურად ყველაფერს ვაკეთებთ, ვიზრუნოთ პატიმარ სააკაშვილის და ბუნებრივია, ყველა სხვა პატიმრის ჯანმრთელობაზე. იგი ვერ იქნება გამონაკლისი.
რაც შეეხება ჩემს ნათქვამს, საზოგადოებას მინდა განვუმარტო, გუშინ მე ვსაუბრობდი შიმშილობაზე და შიმშილობის დეფინიციაზე კანონმდებლობაში. ამაზე მქონდა საუბარი. შემდეგ საუბარი იყო თვითმკვლელობაზე და შესაძლოა, ჩემი ნათქვამის არასწორი ინტერპრეტაცია მოხდა.
რა თქმა უნდა, ყველა დაკავებულის, პატიმრის უფლებაა შიმშილობის უფლება. მე ვთქვი, რომ ჩვენ ადამიანს, პატიმარს ვერ ავუკრძალავთ შიმშილობას. მე უნდა მეთქვა შიმშილობა და არა თვითმკვლელობა. ალბათ, ამით ერთგვარი არასწორი ინტერპრეტაცია მოხდა“, – განაცხადა ღარიბაშვილმა.
მისივე თქმით, სააკაშვილის ჯანმრთელობის უზრუნველსაყოფად ადგილზე მობილიზებულია სამედიცინო ჯგუფი და რეანიმობილი.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
