ირაკლი ქადაგიშვილი: ევროკომისიის რეკომენდაციას ვასრულებთ სწორედ იმ მიმართულებით, რომ ჩვენში არსებული სხვადასხვა ანტიკორუფციული სახელმწიფო ინსტიტუციისა და რეგულაციის მაკოორდინირებელ ორგანოს ვქმნით
Read Time:52 Second
ევროკომისიის რეკომენდაციას ვასრულებთ სწორედ იმ მიმართულებით, რომ ჩვენში არსებული სხვადასხვა ანტიკორუფციული სახელმწიფო ინსტიტუციისა და რეგულაციის მაკოორდინირებელ ორგანოს ვქმნით, რომელმაც სახელმწიფო პოლიტიკა ამ მიმართულებით მკაფიოდ უნდა გაატაროს, – ამის შესახებ საპარლამენტო უმრავლესობის წევრმა, ირაკლი ქადაგიშვილმა ანტიკორუფციულ ბიუროს შექმნასთან დაკავშირებით განაცხადა.
მისი თქმით, ექსტრემალურ ვითარებაში, ანტიკორუფციული სამსახური ყველა სახელმწიფო ინსტიტუციისგან ცალკეა გამოყოფილი, რადგან ქვეყანაში ისეთი დონის კორუფციაა და სახელმწიფო ინსტიტუტებიც ისე არიან პარალიზებული, რომ საგამოძიებო სტრუქტურები აღარ არსებობს.
„ასეთ შემთხვევაში პოლიტიკური ხელმძღვანელობა იღებს-ხოლმე ექსტრემალურ გადაწყვეტილებას, რომ აბსოლუტურად დამოუკიდებელი, ავტონომიური ინსტიტუტი შექმნას. ასეთი რამ ჩვენ გვხვდება მხოლოდ ღრმა კორუფციით დაზიანებულ ერთეულ სახელმწიფოში. თუ ჩვენ ევროპული ქვეყნების პრაქტიკას განვიხილავთ, ვნახავთ, რომ ანტიკორუფციული ღონისძიებები ეს არის მრავალეტაპიანი, მრავალფეროვანი, მათ შორის საგამოძიებო მოქმედებები და პრევენციული მთელი რიგი ინსტიტუციები და მექანიზმებია. საქართველოში კი ეს სახელმწიფო ინსტიტუციები მოქმედებს, ფუნქციონირებს. სხვათა შორის, კომპეტენტური საერთაშორისო შემფასებლები, საქართველოს როგორც ანტიკორუფციული კუთხით მაღალი მაჩვენებლების ქვეყნად განიხილავენ. ამ რეიტინგით მსოფლიოში 41-ე ადგილზე ვართ, ამიტომ, ჩვენ ამ რეკომენდაციას ვასრულებთ სწორედ იმ მიმართულებით, რომ ჩვენში არსებულ ანტიკორუფციულ სხვადასხვა სახელმწიფო ინსტიტუციისა და რეგულაციის მაკოორდინირებელ ინსტიტუციას ვქმნით, რომელმაც კიდევ ერთხელ სახელმწიფო პოლიტიკა ამ მიმართულებით მკაფიოდ უნდა გაატაროს“, – განაცხადა ქადაგიშვილმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
