ირაკლი კობახიძე: ჩვენ სრულ ინფორმაციას მივაწვდით შარლ მიშელს, თუ როგორ არ ასრულებს ოპოზიცია შეთანხმებას
ჩვენ სრულ ინფორმაცია მივაწვდით შარლ მიშელს, როგორ სრულდება დოკუმენტი ჩვენი მხრიდან, თითოეული პუნქტი ზედმიწევნით. ასევე მივაწვდით ინფორმაციას თუ როგორ არ ასრულებს ოპოზიცია ამ შეთანხმებას, – ამის შესახებ „ქართული ოცნების“ თავმჯდომარემ, ირაკლი კობახიძემ „იმედის ფაქტორში“ განაცხადა.
„ოპოზიციონერი დეპუტატების ნახევარზე მეტს დღემდე არ აქვს ხელი მოწერილი მიშელის დოკუმენტზე. მუდმივად ხდება ისეთ საკითხებზე ხმის არმიცემა, როგორიც არის ფუნდამენტური საარჩევნო რეფორმა და სხვა არაერთი კენჭისყრა, რომელშიც მათ არ მიიღეს მონაწილეობა. ეს არის მათი დამოკიდებულება პოლიტიკური შეთანხმების მიმართ. არის ორი რადიკალური დამოკიდებულება, „ქართული ოცნება“, რომელიც ყველა პუნქტს ასრულებს და არის ოპოზიცია, რომელიც ძალიან უდიერად და გულგრილად ეპყრობა ამ დოკუმენტს. ამას ხედავს საზოგადოება, ხედავენ საერთაშორისო პარტნიორები და ამის საფუძველზე უნდა გაკეთდეს დასკვნები. ჩვენი მხრიდან მუდმივი და დამატებითი ინფორმაციის მიწოდება ჩვენი პარტნიორებისთვის პრინციპულად მნიშვნელოვანია. დოკუმენტმა უკვე შეასრულა პოზიტიური როლი, საარჩევნო კუთხით, საკონსტიტუციო ცვლილებები. ამისთვის მადლობა უნდა გადავუხადოთ შარლ მიშელს. მთავარი მიზანი ამ დოკუმენტის იყო პოლარიზაციის ხარისხის თვისებრივად შემცირება. რამდენად მივაღწევთ, ეს დამოკიდებულია მხოლოდ ოპოზიციის რადიკალურ ნაწილზე. თუ ადამიანს არ უნდა ამის გაკეთება, ვერანაირი შეთანხმება მას ამას ვერ აიძულებს. ახლა ვხედავთ კონტრპროდუქტიულ ნაბიჯებს, ხელი არ მოაწერეს, ხმა არ მისცეს, დესტრუქციას ახორციელებენ, გარდაცვლილი ოპერატორის სიკვდილით ცდილობენ პოლიტიკური დივიდენდების მიღებას. ეს ყველაფერი არის დოკუმენტის სულისკვეთების წინააღმდეგ გადადგმული ნაბიჯები. ისინი ამაზე პასუხს მიიღებენ პირველ რიგში ქართული საზოგადოების მხრიდან. ორ თვეში არის ადგილობრივი თვითმმართველობის არჩევნები და ამ ყველაფერს, უდიერ დამოკიდებულებას დასავლელი პარტნიორების მიმართ, საკუთარი ხალხისა და საკუთარი სახელმწიფოს სისტემების მიმართ, 2 ოქტომბერს კიდევ ერთხელ გაეცემა საკადრისი პასუხი. როგორ აგებდნენ ყველა წინა არჩევნებს ასევე წააგებენ ამ ადგილობრივი თვითმმართველობის არჩევნებსაც“, – განაცხადა ირაკლი კობახიძემ.
About Post Author
ქეთევან ნინუა
Comments
გურამ მაჭარაშვილი: ამერიკაში თუ დასაშვებია პოლიციის ძალის გამოყენება, თუ მანიფესტანტები არღვევენ წესრიგს, საქართველოში სხვანაირად მოქმედებს დემოკრატია?
თბილისში მიმდინარე აქციების დროს მსოფლიოს სხვადასხვა ქვეყნიდან პოლიციის ქმედებების არაერთგვაროვან შეფასებაზე გააკეთა კომენტარი „ხალხის ძალის“ აღმასრულებელმა მდივანმა გურამ მაჭარაშვილმა. როგორც...
სოზარ სუბარი: ვერ მივიღებთ ორმაგ სტანდარტს, რომ სხვაგან, თურმე მიღებულია 5 პოლიციელი ურტყამდეს ერთ ქალს, რომელიც ზის და არც კი ინძრევა და ჩვენთან, თურმე პოლიციას უფლება არ აქვს აღკვეთოს პარლამენტის შტურმი
როცა ვლაპარაკობთ დასავლურ გზასა და დასავლურ ინტეგრაციაზე, ჩვენც უნდა ვიყოთ თანასწორუფლებიანი და არა კოლონია, როგორც ეს ვიღაცას წარმოუდგენია სადღაც დასავლეთში....
ნიკა გვარამია: ახალი ქართული საზოგადოება იშვა. ვინც ამას ვერ ხვდება – ცოდოა. ვინც ამას წინააღმდეგობას უწევს – ისტორიის სანაგვეზეა
"ახალი ქართული საზოგადოება იშვა. ვინც ამას ვერ ხვდება - ცოდოა. ვინც ამას წინააღმდეგობას უწევს - ისტორიის სანაგვეზეა (უკვე)." - ამის...
გიორგი ვოლსკი: გარკვეულ საკითხებთან დაკავშირებით რეალური დიალოგი არა თუ შესაძლებელია, არამედ პრემიერ-მინისტრის შეთავაზებაა
გარკვეულ საკითხებთან დაკავშირებით რეალური დიალოგი არა თუ შესაძლებელია, არამედ პრემიერ-მინისტრის შეთავაზებაა, - ამის შესახებ „ქრონიკაში“ ჩართვისას პარლამენტის პირველმა ვიცე-სპიკერმა, გიორგი...
რატი ბრეგაძე: ჩვენ მოვიგეთ აბსოლუტურად ყველა დავა რუსეთის წინააღმდეგ და თუკი ვინმეს დღეს შეუძლია თქვას, რომ რუსეთი არის ოკუპანტი და ამას სამართლებრივად წყალი აღარ გაუვა, ეს არის სწორედ „ქართული ოცნების“ დამსახურება
ჩვენ მოვიგეთ აბსოლუტურად ყველა დავა რუსეთის წინააღმდეგ და თუკი ვინმეს დღეს შეუძლია თქვას, რომ რუსეთი არის ოკუპანტი და ამას სამართლებრივად...
პრემიერი: შარლ მიშელთან საუბრისას, გამოვთქვი სინანული იმის გამო, რომ პარტნიორები არაერთი შეთავაზების მიუხედავად, გამჭვირვალობის კანონპროექტზე საგნობრივ დისკუსიას თავს არიდებენ
„უცხოური გავლენის გამჭვირვალობის შესახებ“ და „ოჯახურ ღირებულებათა და არასრულწლოვანთა დაცვის შესახებ“ კანონპროექტებზე ვესაუბრე ევროპული საბჭოს პრეზიდენტს, შარლ მიშელს, – ამის...