ირაკლი კობახიძე – ჩვენი ამოცანაა, აქტიურად ვიმუშაოთ სირთულეებსა და გამოწვევებზე, რომელიც კორუფციის კუთხით არსებობს
Read Time:36 Second
ჩვენი ამოცანაა, აქტიურად ვიმუშაოთ სირთულეებსა და გამოწვევებზე, რომელიც კორუფციის კუთხით არსებობს, – ამის შესახებ საქართველოს პარლამენტის თავმჯდომარე ირაკლი კობახიძემ Transparency International-ის კორუფციის აღქმის ყოველწლიურ ინდექსთან დაკავშირებით განაცხადა.
ამასთან, მისი თქმით, კრიტიკა არის საფუძველი იმისა, რომ გაუმჯობესდეს სფეროები, რომელიც ამას საჭიროებს.
„უნდა ჩავიხედოთ, რას ეფუძნება კვლევა. ჩვენთვის მთავარია, აღმოიფხვრას პრობლემები, რაც არის. რა თქმა უნდა, ამ კუთხით არის სირთულეები, პრობლემები, გამოწვევები და ჩვენი ამოცანაა, ამაზე აქტიურად ვიმუშაოთ. შესაბამისად, არც კრიტიკას შევუშინდებით თუ მას საფუძველი აქვს. პირიქით, კრიტიკა არის საფუძველი, გავაუმჯობესოთ სფეროები, სადაც გვჭირდება გაუმჯობესება“, – განაცხადა ირაკლი კობახიძემ.
საერთაშორისო არასამთავრობო ორგანიზაცია Transparency International-ის კორუფციის აღქმის ყოველწლიურ ინდექსში საქართველო 41-ე ადგილზეა. როგორც კვლევის ავტორები აცხადებენ, საქართველო იმ ქვეყნების ნუსხაშია, რომელსაც წელს ყველაზე მეტად უნდა დააკვირდნენ. საქართველო ინდექსში ხუთი საფეხურით დაწინაურდა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
