ირაკლი კობახიძე კორონავირუსის პრევენციაზე: შეიძლება მივმართოთ კიდევ უფრო მეტად მკაცრ ზომებს
Read Time:50 Second
საქართველოში კორონავირუსის გავრცელების პრევენციის ზომები შესაძლოა გამკაცრდეს, – ამის შესახებ ჟურნალისტებს უმრავლესობის ერთ-ერთმა წევრმა ირაკლი კობახიძემ ჟურნალისტებს განუცხდა. მისი თქმით, საჭიროა მაქსიმალური სიფრთხილე.
„ხელისუფლება აკეთებს ყველაფერს იმისათვის რომ მაქსიმალურად შემცირდეს რისკები და შემცირდეს ტენდენცია ამ ვირუსის გავრცელების. თუმცა უნდა გვახსოვდეს რომ არის მაქსიმალური სიფრთხილე საჭირო. იმის მიხედვით თუ რა იქნება გლობალური ტენდენცია, რა იქნება ტენდენცია საქართველოში, ამის შესაბამისად შეიძლება მივმართოთ კიდევ უფრო მეტად მკაცრ ზომებს“, – განაცხადა კობახიძემ.
მისივე თქმით, ინფორმაცია ბექა ოდიშარიას დაინფიცირების შესახებ სიმართლეს არ შეესაბამება.
„მე რაც მაქვს ინფორმაცია, მას არავითარი ასეთი რისკი არ აქვს იმიტომ, რომ არ ჰქონია არცერთ პირთან კომუნიკაცია, რომელსაც დაუდგინდა ეს ვირუსი“, – აღნიშნა კობახიძემ.
საქართველოში კორონავირუსით ინფიცირების პირველი შემთხვევა 2020 წლის 26 თებერვალს დადასტურდა. დაავადებული საქართველოს მოქალაქე ქვეყანაში აზერბაიჯანის გავლით ირანიდან შემოვიდა.
11 მარტს ჯანდაცვის მსოფლიო ორგანიზაციამ კორონავირუსი გლობალურ პანდემიად გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.
21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.
მართალია თუ არა, რომ კორონავირუსმა უხანის სამეცნიერო ლაბორატორიიდან გაჟონა? ამ ბმულზე ნახეთ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
