ირაკლი კობახიძე ერევანში ოფიციალურ მიღებას დაესწრო, რომელიც ევროპული პოლიტიკური გაერთიანების მერვე სამიტის მონაწილე ლიდერთა პატივსაცემად გაიმართა

„ეიბისი ნიუსის“, „ვაშინგტონ პოსტისა“ და „იფსოსის“ ახალი გამოკითხვის თანახმად, ამერიკელების ორი მესამედი მიიჩნევს, რომ აშშ არასწორი მიმართულებით მიდის.გამოკითხვის შედეგების მიხედვით, აშშ-ის პრეზიდენტ დონალდ ტრამპის პოლიტიკით უკმაყოფილება 62 პროცენტამდე გაიზარდა, რაც რეკორდულად მაღალი მაჩვენებელია. ამერიკელთა 37 პროცენტი თეთრი სახლის ლიდერის პოლიტიკას იზიარებს.ამასთან, „ეიბისი ნიუსის“, „ვაშინგტონ პოსტისა“ და „იფსოსის“ გამოკითხვის მიხედვით, რესპუბლიკური პარტიის ამომრჩევლებს შორის ტრამპის მიმართ მხარდაჭერა კვლავ მაღალია, თუმცა მას ამჯერად რესპუბლიკელ ამომრჩეველთა 45 პროცენტი სრულად უჭერს მხარს, მაშინ, როდესაც გასული წლის სექტემბერში ეს მაჩვენებელი 53 პროცენტი იყო.რაც შეეხება ირანთან შეთანხმების გაფორმებას, გამოკითხულთა 48 პროცენტი ამბობს, რომ აშშ-მა უნდა დადოს სამშვიდობო შეთანხმება ირანთან, მაშინაც კი, თუ ეს აშშ-სთვის უარეს შედეგებს გამოიწვევს, ხოლო 46 პროცენტი ამბობს, რომ აშშ-მა უნდა აიძულოს ირანი უკეთესი შეთანხმებისკენ, მაშინაც კი, თუ ეს ირანის წინააღმდეგ სამხედრო მოქმედებების განახლებას ნიშნავს.გამოკითხვის თანახმად, 61 პროცენტი ამბობს, რომ აშშ-ის მხრიდან შეცდომა იყო ირანის წინააღმდეგ სამხედრო ძალის გამოყენება, ხოლო 65 პროცენტი აცხადებს, რომ არ არის დარწმუნებული, რომ ირანთან ომის დასრულების შესახებ შეთანხმება ხელს შეუშლის ირანს ბირთვული იარაღის შემუშავებაში.„ეიბისი ნიუსის“, „ვაშინგტონ პოსტისა“ და „იფსოსის“​ გამოკითხვაში მონაწილეობა 2 560 ზრდასრულმა ამერიკელმა შემთხვევითი შერჩევის პრინციპით მიიღო. მათთან ინტერვიუები ინგლისურ და ესპანურ ენებზე ჩატარდა.

საარჩევნო პერიოდია და ძალიან მინდა, ეს არჩევნები არ ჰგავდეს იმ ტიპის ჩვეულებრივ არჩევნებს, - ამის შესახებ ფოთისა და ხობის მიტროპოლიტმა, მეუფე გრიგოლმა ქადაგებისას განაცხადა.როგორც მან აღნიშნა, როგორც არ უნდა დასრულდეს პატრიარქის არჩევის პროცესი, ყველამ ერთად უნდა გავაგრძელოთ ცხოვრება და არსებობა.„ვწყრებით ადამიანებზე, როცა უსამართლოდ გვექცევიან, ცილს გვწამებენ, დღესაც მსგავს რაღაცებს ვხედავთ ჩვენ უწმინდესი კამპანიის დროს, როცა უწმინდესი და უნეტარესი უნდა იქნას არჩეული, საქართველოს ეკლესიის მეთაური. მსგავსი რამ აქაც გვხვდება. რაშია საქმე? ვინ ვართ ჩვენ? საარჩევნო პერიოდია და ძალიან მინდა, ეს არჩევნები არ ჰგავდეს იმ ტიპის ჩვეულებრივ არჩევნებს, რაც ერში ტარდება ხოლმე. განსხვავებით ყოველივე ამისგან, დღეს 3 საპატრიარქო კანდიდატია, ისინი არ არიან სხვადასხვა პარტიების, სხვადასხვა რელიგიების, სხვადასხვა ინტერესის სფეროს წარმომადგენლები, ყველა ეკლესიის შვილია, ჩვენი მღვდელმთავრები და ჩვენი ერთობის განუყოფელი ნაწილი არიან. მოვისმინოთ, დავამკვიდრეთ და საბოლოოდ, როგორც არ უნდა დასრულდეს ეს პროცესი, გეტყვით, რომ ჩვენ ყველამ ერთად უნდა გავაგრძელოთ ცხოვრება და არსებობა“,-აღნიშნა მეუფე გრიგოლმა.ცნობისთვის, წმინდა სინოდმა სამი საპატრიარქო კანდიდატი გამოარჩია. სინოდის გადაწყვეტილებით, პატრიარქობის კანდიდატები იქნებიან:საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი), ურბნისისა და რუისის ეპარქიის მიტროპოლიტი იობი და ფოთისა და ხობის მიტროპოლიტი გრიგოლი.როგორც საპატრიარქოს საზოგადოებასთან ურთიერთობის სამსახურის უფროსმა დეკანოზმა ანდრია ჯაღმაიძემ ჟურნალისტებს განაცხადა, საპატრიარქო ტახტის მოსაყდრე შიომ მიიღო 20 ხმა, დანარჩენმა ორმა კანდიდატმა კი მიიღო 7-7 ხმა.ამასთან, მისივე განმარტებით, სხვა კანდიდატები იყვნენ მეუფე გრიგოლ კაცია, მეუფე დოსითეოსი და მეუფე მელქისედეკი.

დღეს ჩვენ მსოფლიო პრესის თავისუფლების დღეს აღვნიშნავთ, სამწუხაროდ, ეს უფლება ხშირად ირღვევა, ზოგჯერ აშკარად, ზოგჯერ კი უფრო ფარული ფორმით, – ამის შესახებ რომის პაპმა, ლეო XIV-მ განაცხადა.ვატიკანში, წმინდა პეტრეს მოედანზე, საკვირაო ლოცვის დასრულების შემდეგ, რომის პაპმა განაცხადა, რომ ეს დღე ხაზს უსვამს, როგორც დამოუკიდებელი ჟურნალისტიკის მნიშვნელობას, ასევე იმ მზარდ საფრთხეებს, რომელთა წინაშეც მედიის წარმომადგენლები დგანან, განსაკუთრებით კონფლიქტურ რეგიონებში.„დღეს ჩვენ იუნესკო-ს მიერ ორგანიზებულ მსოფლიო პრესის თავისუფლების დღეს აღვნიშნავთ. სამწუხაროდ, ეს უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით. ჩვენ გვახსოვს მრავალი ჟურნალისტი და რეპორტიორი, რომლებიც ომისა და ძალადობის მსხვერპლი გახდნენ“, – განაცხადა რომის პაპმა.

დღესაც არსებობს ჩვენთვის სასწაულთმოქმედი საბანელი, ემბაზი, რომელშიც ადამიანები განიწმინდებიან, იკურნებიან, მეტიც – მკვდრეთით აღდგებიან, ოღონდ ეს არის უმეტესად სულიერი კურნება და სულიერი სიკვდილისგან აღდგომა.  რა არის ეს საბანელი, ეს ემბაზი? ეს არის ჩვენი ეკლესია, მართლმადიდებელი ეკლესია, ხოლო მისი მაკურნებელი წყალი – ეს არის საღვთო მადლი, რომელიც ეკლესიაში მოქმედებს, – ამის შესახებ საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი) აღდგომიდან მეოთხე, განრღვეულის კვირას ქადაგებისას განაცხადა.ამასთან, მეუფე შიომ კიდევ ერთხელ გაიხსენა საქართველოს კათოლიკოს-პატრიარქი ილია მეორე და მის მიერ დაარსებული საყოველთაო ნათლობების ტრადიცია.მეუფე შიოს თქმით, საყოველთაო ნათლობების ტრადიციამ სარგებელი და სიხარული მოუტანა ჩვენს ხალხს და ინებოს უფალმა, ჩვენს ეკლესიაში ეს ტრადიცია კვლავაც გაგრძელდეს.„სახელითა მამისათა და ძისათა და სულისა წმინდისათა.ძვირფასო მამებო, ძმებო და დებო, გილოცავთ აღდგომიდან მეოთხე კვირას, რომელსაც განრღვეულის კვირა ეწოდება, ვინაიდან დღეს სახარებიდან წაკითხული იყო უფალ იესო ქრისტეს მიერ განრღვეულის განკურნების შესახებ.იგი ოცდათვრამეტი წელი ავადმყოფობდა ამ უმძიმესი სენით და იწვა იერუსალიმში, „ბეთეზდად“ წოდებულ საბანელთან, სადაც წელიწადში ერთხელ ჩამოდიოდა ანგელოზი, ამ საბანელში წყალს ამღვრევდა და ვინც პირველი მოასწრებდა წყალში ჩასვლას, იკურნებოდა, რა სენითაც იყო შეპყრობილი. ეს საბრალო კაცი აუზთან ახლოს იწვა, მაგრამ არავინ ჰყავდა დამხმარე, ვინც მას წყალში ჩაუშვებდა.უფალმა იესო ქრისტემ ის შეამჩნია, მივიდა მასთან და ჰკითხა: „გინდა, განიკურნო?“ (ინ. 5, 6). მან მიუგო, რომ უნდოდა, მაგრამ არავინ ჰყავდა, ერთი ადამიანიც კი არ გამოჩნდა, ვინც მას დაეხმარებოდა. მაშინ უფალმა უთხრა: „აიღე შენი სარეცელი და გაიარე!“ (ინ. 5, 8 ). მანაც აიღო თავისი საწოლი, გაიარა და განიკურნა. აი, ასეთი დიდი სასწაული მოხდა.ამ ამბავში ყველაფერი საკვირველია: უფლის ძალის და მადლის სიდიადე. საკვირველია ასევე ამ აუზის მაკურნებელი წყალიც. საკვირველია, რომ უფალმა ეს კაცი შეამჩნია და მივიდა მასთან. საკვირველია, რომ ეს ადამიანი ოცდათვრამეტი წელი იყო პარალიზებული და ასეთი სულიერი თვისებები შეიძინა: უდრტვინველობა, მოთმინება, სიმდაბლე, რწმენა, დიდი გონიერება. ეს ჩანს მისი პასუხიდან, მისი ქცევიდან, რომ ამისთვის დაიმსახურა ღვთის ასეთი დიდი მადლი და წყალობა. საკვირველია ისიც, რომ ერთი ადამიანიც კი არ გამოჩნდა, ვინც მას დაეხმარებოდა და ა. შ.ძვირფასო ძმებო და დებო, დღესაც არსებობს ჩვენთვის ეს სასწაულთმოქმედი საბანელი, ემბაზი, რომელშიც ადამიანები განიწმინდებიან, იკურნებიან, მეტიც – მკვდრეთით აღდგებიან, ოღონდ ეს არის უმეტესად სულიერი კურნება და სულიერი სიკვდილისგან აღდგომა.რა არის ეს საბანელი, ეს ემბაზი? ეს არის ჩვენი ეკლესია, მართლმადიდებელი ეკლესია, ხოლო მისი მაკურნებელი წყალი – ეს არის საღვთო მადლი, რომელიც ეკლესიაში მოქმედებს, მაგრამ იმისთვის, რომ ადამიანმა მიიღოს ეს კურნება, ძალიან უნდა სურდეს, მთელი გულით, მთელი გონებით უნდა ითხოვდეს ამას და ლოცულობდეს. რა თქმა უნდა, ასევე ძალიან მნიშვნელოვანია, რომ შეისმენდეს ეკლესიის ხმას და სწავლებას. საჭიროა ასევე, ჰყავდეს ადამიანი, ვინც სულიერად დავრდომილს ამ საბანელამდე მიიყვანს (ანუ ეკლესიაში ვინც მოიყვანს).აი, ნახეთ, როგორი განსხვავებაა ახალი აღთქმის ეკლესიის ძალასა მადლსა და ძველაღთქმისეულ საბანელს შორის, ახალაღთქმისეულ ემბაზსა და საბანელს და ძველაღთქმისეულ საბანელს შორის. იქ, როგორც გითხარით, წელიწადში ერთხელ ჩამოდიოდა ანგელოზი და მხოლოდ ერთი ადამიანი იკურნებოდა: პირველი ვინც მოასწრებდა ჩასვლას. აქ კი უფალი იესო ქრისტე ჩავიდა მდინარე იორდანეში, წყლები აღამღვრია და მთელი სამყარო განკურნა. თუ იქ პირველის მერე ჩავიდოდნენ მეორე და მესამე, ისინი აღარ იკურნებოდნენ, რადგან მადლი აღარ მოქმედებდა, ჩერდებოდა, არა მადლის მომცემელის სიღარიბის გამო, ღმერთის სიღარიბის გამო კი არ ხდებოდა ასე, არამედ მიმღებელთა სულიერი უძლურების გამო იყო ასე. აქ კი პირველის მერე თუ ჩავა მეორე, მესამე, მეოთხე, გინდაც ათი, ასი თუ ათასი ადამიანი შევიდეს ამ საბანელში, უფრო მეტიც, მთელი სამყარო რომ შევიდეს, ყველა განიკურნება, ყველა აღდგება, ყველა განიწმინდება, იმიტომ, რომ ეს არის ახალი სახის განწმენდა, სულიერი განწმენდაა.როგორც ამბობს წმინდა იოანე ოქროპირი: „თუ იქ, რაც მეტი ადამიანი განიბანებოდა, ის წყალი უფრო ბინძური ხდებოდა, აქ რაც უფრო მეტი ადამიანი განიბანება და შედის ამ წყლებში, მით უფრო წმინდა ხდება ის“.ძვირფასო ძმებო და დებო, რახან ჩვენ გავიხსენეთ ახალი აღთქმის ემბაზი, ნათლისღება, მინდა, დღეს თქვენთან ერთად კიდევ ერთხელ გავიხსენო უწმინდესი და უნეტარესი, კათოლიკოს-პატრიარქი ილია მეორე და მის მიერ დაარსებული საყოველთაო ნათლობების შესანიშნავი ტრადიცია, რომელმაც ამდენი სარგებელი და სიხარული მოუტანა ჩვენს ხალხს. ინებოს უფალმა, რომ ჩვენს ეკლესიაში ეს ტრადიცია კვლავაც გაგრძელდეს.კიდევ ერთხელ გილოცავთ დღევანდელ დღეს.ღმერთმა დაგლოცოთ და გაგაძლიეროთ. უფალმა თავისი მადლით და ძალით განკურნოს, განწმინდოს და აღადგინოს ჩვენი სულები. ამინ.დღეს ჩვენ ვლოცავთ ბერიების გვარს. ღმერთმა გაგახაროთ, გამრავლოთ და გაგაძლიეროთ.ჩვენთან არს ღმერთი“, – განაცხადა მეუფე შიომ.

რესპუბლიკელი სენატორები აშშ-ის მიერ გერმანიიდან ჯარების გაყვანის გადაწყვეტილების გამო შეშფოთებას გამოთქვამენ.რესპუბლიკელი სენატორი როჯერ უიკერი და აშშ-ის წარმომადგენელთა პალატის შეიარაღებული კომიტეტის თავმჯდომარე მაიკ როჯერსი ერთობლივ განცხადებაში აღნიშნავენ, რომ „ძალიან შეშფოთებული არიან“ პენტაგონის გადაწყვეტილებით, რომელიც გერმანიიდან ამერიკული ჯარების ნაწილის გაყვანას ითვალისწინებს.მათი თქმით, მსგავსი მასშტაბის ცვლილებები უნდა შეთანხმდეს როგორც კონგრესთან, ისე აშშ-ის მოკავშირეებთან.რესპუბლიკელი სენატორები განცხადებაში მიიჩნევენ, რომ ნატო-ს წევრი ქვეყნების მიერ თავდაცვის ხარჯების სწრაფი ზრდაც კი ვერ უზრუნველყოფს იმ შესაძლებლობებს, რომელიც აშშ-ის სამხედრო ძალების შემცირებას ჩაანაცვლებს.მათი შეფასებით, ევროპაში ამერიკული ჯარების შემცირება შეასუსტებს შეკავების პოლიტიკას და არასწორ სიგნალს გაუგზავნის რუსეთის პრეზიდენტს, ვლადიმერ პუტინს.ამასთან, მათი თქმით, ელოდებიან, რომ დეპარტამენტი უახლოეს პერიოდში დეტალურად განიხილავს ამ გადაწყვეტილებას კონგრესთან და შეაფასებს მის გავლენას აშშ-ის სამხედრო სტრატეგიასა და ნატო-ს უსაფრთხოებაზე.ცნობისთვის, აშშ-ის თავდაცვის მდივნის, პიტ ჰეგსეტის ბრძანების მიხედვით, გერმანიიდან 5 000 ამერიკელი ჯარისკაცის გაყვანის პროცესი 6-12 თვის განმავლობაში დასრულდება.