ინგა გრიგოლია: სააკაშვილის პროცესი პოლიტიკური თოქშოუ იყო, ექსპრეზიდენტს ასამართლებენ ისინი, ვისზეც სისტემა იდგა მისი მმართველობისას
Read Time:33 Second
“ეს იყო წმინდა პოლიტიკური შოუ, თოქშოუ, სადაც პროკურორები ძალიან ჰგავდნენ “ოცნების” წევრებს, მოსამართლედ კი იჯდა კაცი, უკვე კარგად ცნობილი კაცი, ბადრი კოჭლამაზიშვილი, რომელიც იმ ცნობილი გადაწყვეტილების ავტორია, რის შედეგადაც პატიმრობიდან გაათავისუფლეს სანდრო გირგვლიანის საქმის გამო დაპატიმრებულები.
ესეც ჩვენი პოლიტიკის ტრაგედიაა, ყოფილ პრეზიდენტს ასამართლებენ ადამიანები, რომელზეც მისი მმართველობისას იდგა სისტემა. აღმოჩნდა, რომ მარტო მოსამართლე კოჭლამაზიშვილი კი არა, ის პროკურორებიც იმავე სისტემის ნაწილი ყოფილან. ადეიშვილის პროკურატურის, რომლებიც დღეს მორალურად კიცხავდნენ მიხეილ სააკაშვილს. მაგალითად, 26 მაიაის გამო, იმ 26 მაისის, თუ არ ეთანხმებოდნენ პროკურატურის გადაწყვეტილებებს, შეეძლოთ დაეტოვებინათ, თუმცა ფაქტია, არც არაფერი გაუპროტესტებიათ და არც სამსახურები დაუტოვებიათ. სისტემას ასამართლებს იმავე სისტემის მსახური ხალხი და ძალიან მარტივად იკითხება ამ ყველაფერში პოლიტიკური სარჩული”, – განაცხადა ინგა გრიგოლიამ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
