ილონ მასკი Twitter-ზე საყოველთაო ამნისტიის გამოცხადებას გეგმავს
Read Time:32 Second
მსოფლიოს უმდიდრესი მეწარმე სოციალურ ქსელთან დაკავშირებით მორიგი რადიკალური გადაწყვეტილების მიღებას გეგმავს, ილონ მასკი ამჟამად აქტიურად განიხილავს Twitter-ზე საყოველთაო ამნისტიის გამოცხადების, ანუ დაბლოკილი ანგარიშების აღდგენის პერსპექტივას.
მისი განმარტებით, მომდევნო კვირიდან ეტაპობრივად აღდგება წლების განმავლობაში Twitter-ის ალგორითმისა და მოდერატორების მიერ დაბლოკილი ანგარიშები. მათ შორის, ამნისტია შეეხება იმ ანგარიშებსაც, რომლებიც რასისტულ, ჰომოფობიურ, ქსენოფობიურ და ანტისემიტურ განცხადებებს ავრცელებდნენ.
მასკის ეს გადაწყვეტილება საჯარო გამოკითხვას ეფუძნება, რომელშიც მონაწილეობა 3 მილიონზე მეტმა მომხმარებელმა მიიღო და 72%-მა საყოველთაო ამნისტიას დაუჭირა მხარი.
გამოკითხვის დასრულების შემდეგ მსოფლიოს უმდიდრესმა მეწარმემ განაცხადა, რომ ამნისტია მომდევნო კვირიდან დაიწყებოდა, ტვიტის ბოლოს კი მასკმა ლათინური ფრაზა მოიშველია – “Vōx populī, vōx Deī”, რაც იმას გულისხმობს, რომ ხალხის სიტყვა ღმერთის სიტყვის ტოლფასია.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
