იდეათონი სოციალური ცვლილებებისათვის
Read Time:37 Second
10 სექტემბერს, არასამთავრობო ორგანიზაცია ,,ჰელფინგ ჰენდის’’ ორგანიზებით, საქართველოს ეროვნულ უნივერსიტეტში გაიმართება ,,იდეათონი სოციალური ცვლილებებისთვის’’. პროექტი მთელი ქვეყნის მასშტაბით ხორციელდება და საქართველოს სხვადასხვა ქალაქიდან და მუნიციპალიტეტიდან 50 მონაწილეს აერთიანებს. პროექტის პარტნიორია საჯარო სკოლები საქართველოს სხვადასხვა რეგიონიდან.
იდეათონის ძირითადი მიზანი დეზინფორმაციისა და მოხალისეობის საკითხებზე მოზარდთა ცნობიერების ამაღლებაა. იდეათონში მონაწილეობის მისაღებად 500-ზე მეტი მოზარდი დარეგისტრირდა, მათგან შერჩეული მონაწილეები 10 გუნდად დაიყოფიან და იდეათონის მიმდინარეობისას, მთელი დღის განმავლობაში საინტერესო აქტივობებში ჩაერთვებიან.
იდეათონის ფარგლებში სესიებს გაუძღვებიან მედიაწიგნიერებისა და მოხალისეობის საკითხებზე მომუშავე სპეციალისტები. სწორედ ისინი გამოავლენენ 3 ყველაზე აქტიურ და გამარჯვებულ გუნდს, რომელსაც ,,ჰელფინგ ჰენდი’’ სამახსოვრო საჩუქრებს გადასცემს.
იდეათონი იქნება ერთგვარი შეჯამება ერთწლიანი მუშაობისა, რომელსაც ,,ჰელფინგ ჰენდი’’ დეზინფორმაციასთან ბრძოლაში მოზარდი მოხალისეების ჩართულობის მიზნით ახორციელებს. მასშტაბური პროექტი საერთაშორისო ფონდ ,,Wacc’’-ის დაფინანსებით მიმდინარეობს. იდეათონის მხარდამჭერია საქართველოს ეროვნული უნივერსიტეტი.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
