იანვარში საქართველოდან ევროკავშირში თავშესაფრის მაძიებელთა 1859 განაცხადი შევიდა
Read Time:30 Second
2018 წლის იანვრის მონაცემებით, საქართველოდან ევროკავშირის ქვეყნებში თავშესაფრის მაძიებელთა 1859 აპლიკაცია შევიდა. ინფორმაცია პირველმა არხმა თავშესაფრის მინიჭების ევროპული სააგენტოდან მიიღო.
როგორც თავშესაფრის მინიჭების ევროპულ სააგენტოში აცხადებენ, ეს არის ყველაზე მაღალი ყოველთვიური მაჩვენებელი 2014 წლის შემდეგ.
ევროპული სააგენტოს ინფორმაციით, საქართველოდან აპლიკანტების რაოდენობა 2017 წლის სექტემბრიდან გაიზარდა. 2018 წლის იანვრის მონაცემები კი, 2017 წლის სექტემბრის მაჩვენებელზე ორჯერ მეტია.
სააგენტოს ცნობით, იანვრის მონაცემებით, საქართველო თავშესაფრის მაძიებელთა ქვეყნების ექვსეულშია სირიის, ერაყის, ავღანეთის, ნიგერიისა და პაკისტანის შემდეგ.
2018 წლის იანვრის მონაცემებით, სულ ევროკავშირში თავშესაფრის მაძიებელთა 53 175 განაცხადი შევიდა, რაც 8%-ით მეტია 2017 წლის დეკემბრის მონაცემებთან შედარებით. სამიდან ერთი აპლიკანტი სირიიდან, ერაყიდან, ავღანეთიდან, ნიგერიიდან და პაკისტანიიდანაა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0