თინა ბოკუჩავა: სააკაშვილის ჯანმრთელობას და სიცოცხლეს მყისიერი საფრთხე ემუქრება და უნდა მოხდეს მისი ქვეყნიდან გაყვანა
Read Time:39 Second
“დარწმუნებული ვარ, ევროპული სამართალი სწორ გადაწყვეტილებებს გამოიტანს ამ საქმეებზე, უბრალოდ საუბარია ვადებზე”, – ამის შესახებ “ნაციონალური მოძრაობის” ერთ-ერთმა ლიდერმა თინა ბოკუჩავამ “მთავარის” ეთერში განაცხადა სტრასბურგის სასამართლოს გადაწყვეტილებასთან დაკავშირებით.
“დარწმუნებული ვარ, ევროპული სამართალი სწორ გადაწყვეტილებებს გამოიტანს ამ საქმეებზე, უბრალოდ საუბარია ვადებზე. იმედი მაქვს, რომ ეს მოხდება მალე, იმიტომ, რომ პრეზიდენტ სააკაშვილის ჯანმრთელობის მდგომარეობა ძალიან მძიმეა.
რამდენიმე დღის წინ კიდევ ერთხელ ვიმყოფებოდი მის მოსანახულებლად და ძალიან თვალთხილულია ის პრობლემები, რაც მას აღენიშნება და ეს მათ შორის დაადასტურა იმ კვლევებმა, რაც როგორც იქნა ჩაუტარეს რესპუბლიკურ საავადმყოფოში, თუმცა სრულად მაინც არ ჩატარდა ეს გამოკვლევები.
აქ საუბარია იმაზე, რომ მის ჯანმრთელობას და სიცოცხლეს მყისიერი საფრთხე ემუქრება და ამიტომ, ჰუმანიტარული მიზნით უნდა მოხდეს მისი ქვეყნიდან გაყვანა. ეს არის ერთასდერთი სწორი რაღაც, რაც “ოცნებას” შეუძლია, რომ გააკეთოს,” – განაცხადა თინა ბოკუჩავამ.
ცნობისთვის, სააკაშვილის საქმეზე საჩივარი სტრასბურგის სასამართლომ წარმოებაში მიიღო.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
