თბილისის აეროპორტის საიმედო ენერგომომარაგებისთვის ახალი პროექტი განხორციელდა
Read Time:26 Second
თბილისის საერთაშორისო აეროპორტის საიმედო ენერგომომარაგებისთვის ახალი პროექტი განხორციელდა. საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) გადაწყვეტილების საფუძველზე,„საქართველოს სახელმწიფო ელექტროსისტემამ“ და „თელასმა“ ააშენეს 8.3 კმ-იანი ახალი საკაბელო ხაზი და 35 კვ. ძაბვის ორი სახაზო უჯრედი.
პროექტის მიზანია, თბილისის საერთაშორისო აეროპორტისა და სხვა სტრატეგიული ობიექტების ელექტროენერგიით საიმედო და უწყვეტი მომარაგების უზრუნველყოფა.
პრეზენტაციაზე სიტყვით გამოვიდნენ სემეკ-ის თავმჯდომარე დავით ნარმანია, „საქართველოს სახელმწიფო ელექტროსისტემის“ მმართველთა საბჭოს თავმჯდომარე უჩა უჩანეიშვილი და „თელასის“ გენერალური დირექტორი სერგეი კობცევი. მათ ისაუბრეს პროექტის განხორციელების აუცილებლობასა და სტრატეგიული ობიექტების საიმედო ენერგომომარაგების უზრუნველყოფაზე.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
