ბრიტანეთში ქალმა მარტოობასთან გასამკლავებლად სრულიად უცხო ადამიანებს 2000-მდე საშობაო ბარათი გაუგზავნა
Read Time:35 Second
დიდ ბრიტანეთში, ქალაქ ნოტინგემის მკვიდრმა, მო ფაიოსემ სადღესასწაულო პერიოდში მარტოობასთან საბრძოლველად შემდეგი ხერხი მოიფიქრა. 45 წლის ქალმა 1900 ხელნაკეთი საშობაო ბარათი უცნობ ადამიანებს გაუგზავნა.
ყოველ ბარათს თან ახლდა შოკოლადი და მიპატიჟება საშობაო სადილზე, რომელსაც მოხალისეთა ჯგუფი აწყობდა.
„საშობაო ატმოსფერო ბევრ ადამიანს დეპრესიაში აგდებს, ამიტომ მათთვის რაღაცის გაცემა, მათი გახსენება ბევრ რამეს ცვლის“, -თქვა ფაიოსემ და აღნიშნა, რომ მას ეწყინა, როცა წინა კვირას ბარათები ამოეწურა.
ბრიტანელის თქმით, მას არ ეყო ბარათები მის რაიონში შემორჩენილ 30 სახლში მცხოვრები ადამიანებისთვის. ფაიოსე დაპირდა, რომ მომავალ წელს მეტ ბარათს გააკეთებს.
როგორც ორი შვილის დედამ განაცხადა, ბარათების შექმნის იდეა სამსახურის დროს მოუვიდა. ფაიოსე მედდად მუშაობს და ფსიქიკური პრობლემების მქონე პირებს უვლის. როგორც ქალი იხსენებს, ერთ-ერთმა პაციენტმა განუცხადა, რომ ის ძალიან იზოლირებულია.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
