თამარ გაბუნია: ყველაფერს გავაკეთებთ იმისთვის, რომ საქართველო იყოს ერთ-ერთი პირველი ქვეყანა, რომელიც ვაქცინაციის პროცესს დაიწყებს
Read Time:30 Second
ყველას და მთელ მსოფლიოს დიდი იმედები გვაქვს ვაქცინის, ვაქცინაცია ძალიან ახლოსაა და ეს არის იმედისმომცემი. როგორც კი ვაქცინა იქნება ავტორიზებული შესაბამისი ორგანიზაციების მიერ, ჩვენ შეგვიძლია ის ხელმისაწვდომი გავხადოთ ჩვენი მოსახლეობისთვის, – ამის შესახებ ჯანდაცვის მინისტრის მოადგილემ, თამარ გაბუნიამ „ქრონიკაში“ განაცხადა.
მისივე თქმით, ვაქცინა სავარაუდოდ გაზაფხულისთვის იქნება ხელმისაწვდომი.
„მანამდეც გვაქვს აქტიური მოლაპარაკებები სხვა მიმწოდებლებთან იმისთვის, რომ დამატებით პირველი დოზა იყოს ძალიან მალე და ვფიქრობ, ეს შესაძლოა იყოს მომდევნო წლის დასაწყისი. ყველაფერს გავაკეთებთ იმისთვის, რომ საქართველო იყოს ერთ-ერთი პირველი ქვეყანა, რომელიც ვაქცინაციის პროცესს დაიწყებს. აქაც სერიოზული მობილიზება იქნება საჭირო მოსახლეობის მხრიდან, ნდობა და მიმღებლობა ვაქცინისადმი ძალიან მნიშვნელოვანი იქნება“, – აღნიშნა ჯანდაცვის მინისტრის მოადგილემ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
