თამარ გაბუნია: სოფლებში დაიწყება ვაქცინაციის აქტიური კამპანია და ოჯახის ექიმებს თბილისიდან ჩასული ბრიგადები დაეხმარებიან
Read Time:39 Second
რეალური რისკები, რომელიც ჩვენ წინა დგას, კოვიდთან დაკავშირებულ რისკებია და ამის დაძლევაზე უნდა ვიმუშაოთ, – ამის შესახებ თამარ გაბუნიამ „ქრონიკაში“ განაცხადა. ჯანდაცვის მინისტრის მოადგილის თქმით, მოსახლეობის ვაქცინაციის სარგებლობის საკითხისადმი მიდგომები გადასახედია, რასაც ჯანდაცვის სამინისტრო და დაავადებათა კონტროლს ეროვნული ცენტრი აქტიურად აკეთებენ.
„დღეს უკვე ვსაუბრობთ გასვლით სამუშაოებზე და კარ და კარის პრინციპით მოსახლეობის დარწმუნებაზე, რომ მათ გაიკეთონ ვაქცინა. სოფლებში დაიწყება ვაქცინაციის აქტიური კამპანია და ოჯახის ექიმებს ექნებათ დახმარება თბილისიდან ჩასული მობილური ბრიგადების მიერ, რომ უფრო აქტიური გასვლითი სამუშაო გასწიონ მოსახლეობის ვაქცინაციის პროგრამაში მოზიდვისთვის. ის ხალხი, ვინც ჩვენთან მოვიდოდა, უკვე მოვიდა. ახლა არის ის დრო, როცა მეტად აქტიური მუშაობით უნდა მოხდეს მოსახლეობის დარწმუნება და მათთვის მეტი განმარტების მიცემა იმასთან დაკავშირებით, რომ ვაქცინა რეალურად იცავს და ყველა ის მითი, რომელიც ვაქცინაციის მოსალოდნელ გვერდით მოვლენაზე (მოკლევადიან თუ გრძელვადიან პერსპექტივაში) არსებობს, არის აბსოლუტურად საფუძველს მოკლებული“, – განაცხადა გაბუნიამ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
